Marka 3:9 - DIEM PROTESTANTA

⁹ Ary dia hoy i Jesoa tamin’ny mpianany: –Anomany sambokely eto akaikiko Aho fandrao hifanosehan’ny vahoaka.

Baiboly Protestanta Malagasy 2011

⁹ Ary nilaza tamin’ny mpianany Izy mba hanomana sambokely iray ho Azy noho ny habetsahan’ny vahoaka, mba tsy hifanositosika Aminy ny olona.

Dikateny Iombonana Eto Madagasikara

⁹ Ary dia hoy i Jesoa tamin’ny mpianany: –Anomany sambokely eto akaikiko Aho fandrao hifanosehan’ny vahoaka.

Baiboly Katolika

⁹ Ary nilaza tamin’ny mpianany Izy mba hanomana sambo kely hiandry Azy eo noho ny habetsahan’ny vahoaka, fandrao dia poritin’ny olona Izy.

Baiboly Protestanta Malagasy

⁹ Ary Izy nilaza tamin’ny mpianany mba hanisy sambokely hiandry Azy noho ny habetsahan’ny vahoaka, fandrao mifanety aminy ireo.

Malagasy Bible

⁹ Ary Izy nilaza tamin'ny mpianany mba hanisy sambokely hiandry Azy noho ny habetsahan'ny vahoaka, fandrao mifanety aminy ireo.

La Bible en Malgache

⁹ Ary nilaza tamin’ny mpianany Izy mba hanomana sambokely iray ho Azy noho ny habetsahan’ny vahoaka, mba tsy hifanositosika Aminy ny olona.

Marka 3:9 Rohy Ifampitohizana

Matio 15:39

Dia nalefan’i Jesoa hody ny vahoaka. Avy eo niondrana an-tsambokely Izy ary lasa nankany amin’ny faritany atao hoe Magadàna.

Marka 4:1

Dia nampianatra teo moron’ny farihin’i Galilea indray i Jesoa; ary vahoaka be no nitangorona teo akaikiny, ka voatery niondrana an-tsambokely Izy, dia nipetraka teo. Ary ny vahoaka rehetra kosa terỳ an-tanety amoron’ny farihy.

Marka 4:36

Ary rehefa avy nandefa ny vahoaka ny mpianatra, dia nitondra an’i Jesoa tamin’ilay sambokely efa nisy Azy rahateo. Nisy sambokely maro hafa koa tafaraka taminy.

Marka 5:2

Raha vao niala tao an-tsambokely i Jesoa, dia indro nisy lehilahy nipoitra avy eny amin’ny fasana, tonga nitsena Azy. Azon’ny fanahy maloto ralehilahy,

Marka 5:30

Niaraka tamin’izay koa dia tsapan’i Jesoa fa nisy hery niala avy tao aminy; ka niherikerika teo afovoan’ny vahoaka Izy nanontany hoe: –Iza no nikasika ny lambako teo?

Marka 6:32

Dia niondrana an-tsambokely ry i Jesoa ka nandeha nitokana any an-taniefitra.

Lioka 5:1

Indray andro i Jesoa, raha ilay nijanona teo amoron’ny farihin’i Genesareta iny, dia nitangoronan’ny vahoaka te hihaino ny tenin’Andriamanitra.

Lioka 5:3

Dia niakaran’i Jesoa ny sambokely anankiray izay an’i Simôna, ka niangavian’i Jesoa i Simôna hihataka kely amin’ny tany. Ary teo an-tsambokely Izy no nipetraka hampianatra ny vahoaka.

Jaona 6:15

Fantatr’i Jesoa fa efa ho avy ny olona haka Azy an-keriny hatao mpanjaka; noho izany, dia lasa indray Izy irery nankany an-tendrombohitra.