Marka 3:21 - DIEM PROTESTANTA

²¹ Ren’ny fianakavian’i Jesoa izany ka niainga ireo mba haka Azy an-keriny satria hoe lasa adala Izy.

Baiboly Protestanta Malagasy 2011

²¹ Ary ny havany, raha nandre izany, dia tonga mba haka Azy; fa hoy ireo: Efa very saina Izy.

Dikateny Iombonana Eto Madagasikara

²¹ Ren’ny fianakavian’i Jesoa izany ka niainga ireo mba haka Azy an-keriny satria hoe lasa adala Izy.

Baiboly Katolika

²¹ Nony nandre izany ny havany dia nivoaka hihazona Azy, fa hoy izy ireo: «Efa very saina Izy.»

Baiboly Protestanta Malagasy

²¹ Ary ny havany, raha nandre, dia nivoaka hihazona Azy; fa hoy ireo: Efa very saina Izy.

Malagasy Bible

²¹ Ary ny havany, raha nandre, dia nivoaka hihazona Azy; fa hoy ireo: Efa very saina Izy.

La Bible en Malgache

²¹ Ary ny havany, raha nandre izany, dia tonga mba haka Azy; fa hoy ireo: Efa very saina Izy.

Marka 3:21 Rohy Ifampitohizana

2Mpanjaka 9:11

Ary nivoaka ny efitrano i Jehò, dia niverina nankeo amin’ny manamboninahitra hafa ka nanontanian’ireo hoe: –Tsara ihany ve ianao? Fa inona no notadiavin’ilay adala iny taminao? Hoy kosa ny navalin’i Jehò azy: –Fantatrareo ihany iny lehilahy iny sy ny redirediny.

Jeremia 29:26

«Satria ny TOMPO efa nametraka anao ho mpisorona hisolo an’i Jôiadà, dia ianao no mpiandraikitra ny tranon’ny TOMPO ka tokony hanara-maso izay rehetra misary adala milaza azy ho mpaminany sy hampamatotra azy amin’ny gadra vy na rojo vy.

Hosea 9:7

Tonga ny andro famaizana. Tonga ny andro famaliana. Ho fantatr’i Israely anie izany! Hoy ianareo hoe: «Adala ny mpaminany; ary mirediredy ny tsindriam-panahy.» Vokatry ny hamaroan’ny helokao sy ny fanohera-mafy nataonao izany.

Marka 3:31

Tamin’izay dia tonga ny renin’i Jesoa sy ireo rahalahiny, nijanona teo alatrano ary naniraka olona hiantso Azy.

Jaona 10:20

Maro tamin’ireo no nanao hoe: –Ondranondranana io sady very saina, ka inona no ihainoanareo Azy?

Asan’ny Apostoly 26:24

Raha mbola mandahatra hiarovan-tena araka izany i Paoly, dia niantso tamin’ny feo mahery kosa i Festo nanao hoe: –Lasa adala ianao, ry Paoly! Ny fianarana be loatra vitanao no mahalasa adala anao!

2Korintiana 5:13

Raha marina fa very saina izahay, dia ho an’Andriamanitra izany; raha mitombin-tsaina izahay, dia ho anareo izany.