Marka 16:16 - DIEM PROTESTANTA

¹⁶ Izay hino ka hatao batisa, dia ho voavonjy; fa izay tsy hino, dia hohelohina.

Baiboly Protestanta Malagasy 2011

¹⁶ Izay mino sy atao batisa no hovonjena, fa izay tsy mety mino no hohelohina.

Dikateny Iombonana Eto Madagasikara

¹⁶ Izay hino ka hatao batisa, dia ho voavonjy; fa izay tsy hino, dia hohelohina.

Baiboly Katolika

¹⁶ Izay hino ka hatao Batemy dia ho voavonjy; fa izay tsy hino dia hohelohina.

Baiboly Protestanta Malagasy

¹⁶ Izay mino sy atao batisa no hovonjena; fa izay tsy mety mino no hohelohina.

Malagasy Bible

¹⁶ Izay mino sy atao batisa no hovonjena; fa izay tsy mety mino no hohelohina

La Bible en Malgache

¹⁶ Izay mino sy atao batisa no hovonjena, fa izay tsy mety mino no hohelohina.

Marka 16:16 Rohy Ifampitohizana

Matio 28:19

koa mandehana ianareo, ataovy mpianatro ny firenena rehetra; ka ataovy batisa ho amin’ny anaran’ny Ray sy ny Zanaka ary ny Fanahy Masina,

Marka 1:15

ka nilaza hoe: –Tonga ny fotoanandro; efa akaiky ny Fanjakàn’Andriamanitra, ialao ny toe-dratsy ary minoa ny Vaovao Mahafaly.

Lioka 8:12

Ireny teo amoron-dalana dia izay mahaheno ihany; kanjo avy ny devoly, ka manaisotra ny teny tao am-pony sao mino izy ka ho voavonjy.

Jaona 20:31

Fa voasoratra ireo famantarana ireo mba hinoanareo fa i Jesoa no ilay Mesia, ilay Zanak’Andriamanitra, ary mba hahavelona aina anareo amin’ny alalany, raha mino Azy ianareo.

Jaona 3:36

Izay mino ny Zanaka no velona aina mandrakizay; fa izay tsy mino ny Zanaka dia tsy ho velona aina, fa itoeran’ny hatezeran’Andriamanitra.

Jaona 3:5

Ka novalian’i Jesoa hoe: –Lazaiko marina dia marina aminao fa raha tsy ateraky ny rano sy ny Fanahy Masina ny olona, dia tsy afa-miditra ao amin’ny Fanjakàn’Andriamanitra.

Jaona 5:24

Lazaiko marina dia marina aminareo fa izay mihaino ireo teniko sy mino Ilay naniraka Ahy no velona aina mandrakizay; ka tsy hohelohina izy, satria efa niala tamin’ny fahafatesana mba ho velona aina.

Jaona 6:29

Fa novalian’i Jesoa hoe: –Izao no asa imasoan’Andriamanitra, dia ny hinoanareo Ilay nirahiny!

Jaona 6:35

Ary hoy i Jesoa taminy: –Izaho no mofo manome ny aina! Izay manatona Ahy tsy mba ho noana intsony, ary izay mino Ahy tsy mba hangetaheta intsony;

Jaona 6:40

Eny, izao no sitrapon’ny Raiko: dia ny hahavelona aina mandrakizay ny olona rehetra mibanjina sy mino ny Zanaka; ary Izaho dia hanangana azy ho velona amin’ny andro farany.

Jaona 8:24

Koa izany no nilazako taminareo hoe: «Ho faty amin’ny fahotanareo ianareo»; satria raha tsy inoanareo fa «Izaho no Ilay hatrizay ka ho mandrakizay», dia ho faty amin’ny fahotanareo ianareo!

Asan’ny Apostoly 10:43

Samy mijoro ho vavolombelona momba azy ny mpaminany rehetra ka manambara fa izay rehetra mino Azy dia hahazo famelan-keloka amin’ny anarany.

Asan’ny Apostoly 13:46

Feno fahasahiana kosa i Paoly sy i Barnabà ka niteny taminy hoe: –Ianareo aloha no tsy maintsy nitoriana ny tenin’Andriamanitra. Nolavinareo anefa izany ary ohatra ny ataonareo ho tsy mendrika ny fiaina-maharitra mandrakizay ny tenanareo, koa indro hitodika hankany amin’ny hafa firenena izahay.

Asan’ny Apostoly 2:38

Dia hoy i Petera taminy: –Ialao ny toe-dratsy, ary aoka ianareo samy hatao batisa amin’ny anaran’i Jesoa Kristy mba ho voavela heloka, dia handray ny Fanahy Masina fanomezan’Andriamanitra.

Asan’ny Apostoly 2:41

Koa izay nandray tsara ny tenin’i Petera dia natao batisa; ary olona tokony ho telo arivo no nanatevin-daharana ny mpino tamin’izany andro izany.

Asan’ny Apostoly 22:16

Koa inona ankehitriny no andrasanao? Mitsangàna, antsoy ny anaran’i Jesoa ary aoka hatao batisa ianao ka ho voasasa amin’ny fahotanao.»

Romana 3:6

Sanatria izany! Fa raha zavatra tsy rariny no ampiharin’Andriamanitra, hataony ahoana no fitsara an’izao tontolo izao?

Romana 4:24

fa ho antsika koa, dia isika mino Ilay nanangana an’i Jesoa Tompontsika ho velona avy tany amin’ny maty.

2Tesaloniana 1:8

voahodidin’afo miredareda Izy no tonga hanasazy ireo tsy mahalala an’Andriamanitra sady tsy manaiky ny Vaovao Mahafaly momba an’i Jesoa Tompontsika.

2Tesaloniana 2:12

hany ka ho voaheloka avokoa izay rehetra tsy nino ilay hafatra marim-pototra fa finaritra nanao ratsy.

1Petera 1:21

Izy no mahatonga anareo hino an’Andriamanitra, Ilay nanangana Azy ho velona avy any amin’ny maty sy nanome voninahitra Azy, mba hifantohan’ny finoanareo sy ny fanantenanareo amin’Andriamanitra.

1Petera 3:21

Io rano io no tandindon’ny batisa izay amonjena anareo ankehitriny; ka tsy fanesorana lotom-batana ny batisa, fa toky omen’ny fieritreretana madio hitodika amin’Andriamanitra. Ny batisa no amonjena anareo amin’ny alalan’i Jesoa Kristy tafatsangana ho velona,

Apokalipsy 20:15

ka raha nisy olona tsy hita voasoratra tao anatin’ilay horonamboky mirakitra ny lisitr’ireo hanana ny fiaina-maharitra mandrakizay, dia natsipy tany amin’ny farihy afo izy.

Apokalipsy 21:8

Fa ny kanosa, ny tsy mpino, ny mpanimbazimba, ny mpamono olona, ny mpijangajanga, ny mpanao ody ratsy, ny mpanompo sampy ary ny mpandainga rehetra, dia hanana ny anjarany any amin’ny farihy mirehitra afo aman-tsolifara: izany no fahafatesana faharoa.