Marka 12:1 - DIEM PROTESTANTA

¹ Ary dia fanoharana indray no nitenenan’i Jesoa tamin’ireo lohandoha-mpisorona sy mpahay lalàna ary loholona, ka hoy Izy: –Nisy lehilahy nanamboatra tanimboaloboka sy namefy azy manodidina ary nanao lavaka famiazam-bokatra sy tilikambo fiambenana, dia nampanofa azy tamina mpamboly ary lasa nankany an-tany hafa.

Baiboly Protestanta Malagasy 2011

¹ Ary nanomboka niteny tamin’ireo tamin’ny alalan’ny fanoharana Izy hoe: Nisy lehilahy iray nanao tanim-boaloboka ka namefy azy manodidina sy nihady lavaka famiazana ary nanorina trano fiambenana, dia nahofany tamin’olona mpiasa tany izany ka lasa nankany an-tany hafa izy.

Dikateny Iombonana Eto Madagasikara

¹ Ary dia fanoharana indray no nitenenan’i Jesoa tamin’ireo lohandoha-mpisorona sy mpahay lalàna ary loholona, ka hoy Izy: –Nisy lehilahy nanamboatra tanimboaloboka sy namefy azy manodidina ary nanao lavaka famiazam-bokatra sy tilikambo fiambenana, dia nampanofa azy tamina mpamboly ary lasa nankany an-tany hafa.

Baiboly Katolika

¹ Ary niteny tamin’izy ireo tamin’ny fanoharana Izy nanao hoe: «Nisy lehilahy anankiray namboly voaloboka, ka namefy azy manodidina, nandavaka tany hanaovana famiazana, nanorina tilikambo tao, ary nampanofa azy tamin’ny mpamboly voaloboka, dia lasa nankany an-tany hafa.

Baiboly Protestanta Malagasy

¹ Ary niteny taminy Izy ka nanao fanoharana hoe: Nisy lehilahy anankiray nanao tanimboaloboka ka namefy azy manodidina sy nihady famiazana ary nanao tilikambo, ka nahofany tamin’olona mpiasa tany izany, dia lasa nankany an-tany hafa izy.

Malagasy Bible

¹ Ary niteny taminy Izy ka nanao fanoharana hoe: Nisy lehilahy anankiray nanao tanim-boaloboka ka namefy azy manodidina sy nihady famiazana ary nanao tilikambo, ka nahofany tamin'olona mpiasa tany izany, dia lasa nankany an-tany hafa izy.

La Bible en Malgache

¹ Ary nanomboka niteny tamin’ireo tamin’ny alalan’ny fanoharana Izy hoe: Nisy lehilahy iray nanao tanim-boaloboka ka namefy azy manodidina sy nihady lavaka famiazana ary nanorina trano fiambenana, dia nahofany tamin’olona mpiasa tany izany ka lasa nankany an-tany hafa izy.

Marka 12:1 Rohy Ifampitohizana

Isaia 7:23

Amin’izany andro izany koa ny saha rehetra nisy voaloboka arivo fototra izay mitentina volafotsy arivo dia ho rakotry ny tsilo sy ny songosongo.

Jeremia 2:21

Izaho anefa no namboly anao tahaka ny voaloboka tsara, dia rantsana tsara tokoa. Koa nahoana àry ianao no niova ho sampany ratsy sy tonga voaloboka hafa?

Matio 13:3

Fanoharana no nilazan’i Jesoa zavatra maro taminy ka hoy Izy: –Indro niainga ity mpamafy hamafy voa.

Matio 21:28

Dia hoy indray i Jesoa tamin’ireo lohandoha-mpisorona sy ireo loholona hoe: –Ahoana kosa ny hevitrareo ny amin’ity? Nisy lehilahy nanan-janaka roa lahy. Dia nankeo amin’ny voalohany izy ka niteny taminy hoe: «Ndeha, anaka, miasa any amin’ny tanimboaloboko anio!»

Matio 21:33

–Mihainoa fanoharana hafa koa: Nisy mpanan-tany nanamboatra tanimboaloboka sy namefy azy manodidina ary nanao lavaka famiazam-bokatra sy tilikambo fiambenana; dia nampanofa azy tamina mpamboly ary lasa nankany an-tany hafa.

Matio 21:34

Nony tonga ny fotoam-pahavokarana, dia nirahiny ho any amin’ireo mpamboly ny mpiasany handray ny vokatra.

Matio 25:14

Ny Fanjakàn’ny lanitra dia tahaka ny amin’ny lehilahy handeha any an-tany hafa, ka niantso ny mpanompony ary nametraka ny fananany taminy.

Marka 11:33

Koa dia izao no navaliny an’i Jesoa: –Tsy hitanay izay holazaina! Ary hoy i Jesoa taminy: –Izaho koa tsy hilaza aminareo ny fahefana anaovako an’izao zavatra izao.

Marka 13:34

Ho tahaka ny amin’ity lehilahy handeha any an-tany hafa izany: nandao ny tranony ralehilahy ary nizara fahefana tamin’ireo mpiasany ka samy notolorany ny raharahany avy, dia nanafatrafatra ny mpiandry vavahady hiambina.

Marka 3:23

Fa nantsoin’i Jesoa iretsy mpahay lalàna ka fanoharana no nitenenany taminy hoe: –Ahoana no hahafahan’i Satàna mandroaka an’i Satàna?

Marka 4:2

Fanoharana no nampianaran’i Jesoa zavatra maro azy; ary nandritra ny fampianarany no nitenenany taminy hoe:

Lioka 15:13

Nony afaka andro vitsivitsy, dia nivarotra ny anjarany manontolo ilay zandriny, ary lasa nitondra ny vola azony nankany an-tany lavitra ka nandanilany foana ny fananany tamin’ny filibàna.

Lioka 19:12

Toy izao àry ny tenin’i Jesoa: –Lasa tany an-tany lavitra ity andriandahy anankiray handray ny fahefana hanjaka, dia hiverina.

Lioka 22:9

Fa hoy izy roa lahy taminy: –Aiza no tianao hanomananay azy?

Lioka 8:10

ka namaly hoe: –Ianareo no natao hahalala ny tsiambaratelo momba ny Fanjakàn’Andriamanitra; fa ho an’ny hafa kosa dia ankamantatra saro-pantarina no itenenana izany, hany ka «hijery izy fa tsy hahita ary hihaino fa tsy hahafantatra.»

Asan’ny Apostoly 7:38

Rehefa vory ho fiangonana tany an-taniefitra ny vahoaka Israely, dia i Mosesy no teo anelanelan’ireo razantsika sy ilay anjely niteny taminy tany an-tendrombohitra Sinay; ka izy no nandray ny teny mahavelona avy amin’Andriamanitra mba homena antsika.