Malakia 3:3 - DIEM PROTESTANTA

³ Hipetraka toa handrendrika sy hanadio volafotsy izy. Eny, tahaka ny fanadio ny volamena sy volafotsy no hanadiovany tanteraka ireo taranak’i Levỳ. Koa dia hanolotra fanatitra amin’ny TOMPO ara-pahamarinana ireo.

Baiboly Protestanta Malagasy 2011

³ Hipetraka handrendrika sy hanadio volafotsy Izy; eny, hanadio ny taranak’i Levy Izy ary handrendrika azy toy ny fandrendrika volamena sy volafotsy, dia ho an’NY TOMPO ireny, ho mpanolotra fanatitra amim-pahamarinana.

Dikateny Iombonana Eto Madagasikara

³ Hipetraka toa handrendrika sy hanadio volafotsy izy. Eny, tahaka ny fanadio ny volamena sy volafotsy no hanadiovany tanteraka ireo taranak’i Levỳ. Koa dia hanolotra fanatitra amin’ny TOMPO ara-pahamarinana ireo.

Baiboly Katolika

³ Hipetraka mandrendrika sy manadio ny volafotsy Izy; hanadio ny taranak’i Levỳ Izy, ka hanadio azy toy ny volamena sy ny volafotsy, ka dia ho mpanompo izy ho an’i Iaveh hanolotra fanatitra ara-drariny Aminy;

Baiboly Protestanta Malagasy

³ Ary hipetraka handrendrika sy hanadio volafotsy Izy; eny, hanadio ny taranak’i Levy Izy sy handrendrika azy toy ny fandrendrika volamena sy volafotsy, ka dia ho an’i Jehovah ireny ho mpanatitra fanatitra amim-pahamarinana.

Malagasy Bible

³ Ary hipetraka handrendrika sy hanadio volafotsy Izy; eny, hanadio ny taranak'i Levy Izy sy handrendrika azy toy ny fandrendrika volamena sy volafotsy, ka dia ho an'i Jehovah ireny ho mpanatitra fanatitra amim-pahamarinana.

La Bible en Malgache

³ Hipetraka handrendrika sy hanadio volafotsy Izy; eny, hanadio ny taranak’i Levy Izy ary handrendrika azy toy ny fandrendrika volamena sy volafotsy, dia ho an’NY TOMPO ireny, ho mpanolotra fanatitra amim-pahamarinana.

Malakia 3:3 Rohy Ifampitohizana

Salamo 116:17

Hanolotra sorom-piderana aho ary hanao antso avo ny lazan’ny TOMPO.

Salamo 4:5

Tezera kanefa aza manota ianareo, mieritrereta eo am-pandriana kanefa aza manahy. Fiatoana

Salamo 4:6

Fa manaova kosa sorona araka ny lalàna ary dia matokia ny TOMPO.

Salamo 50:14

Ny fiderana no ataovy sorona ho Ahy Andriamanitrareo; ny voadinareo no efao amiko, fa Izaho no Avo Indrindra.

Salamo 50:23

Ny fiderana no sorona anomezam-boninahitra Ahy; ary izay mahitsy fitondrantena no hanehoako ny famonjeko.

Salamo 51:19

Ny sorona ataoko aminao, Andriamanitra ô, dia ny fanahiko tsy miavonavona; ny foko tsy miavonavona sy mangorakoraka dia tsy mba ataonao tsinontsinona, Andriamanitra ô.

Salamo 66:10

Nozahanao toetra izahay, Andriamanitra ô, nosedrainao toa volafotsy anaty memy,

Ohabolana 17:3

Misy ny memy fisedrana ny volafotsy ary ny fatana fandrendrehana ny volamena, fa ny TOMPO no mizaha toetra ny fon’ny olona.

Ohabolana 25:4

Esory amin’ny volafotsy ny lotony, dia fanaka sarobidy no havoakan’ny mpanefy;

Isaia 1:25

Ry Jerosalema, hahita raharaha amiko ianao: hodioviko amin’ny afo ianao mba hialan’ny tain-drendrikao ary hoesoriko ny lotom-pirakao rehetra.

Isaia 48:10

Indro nosedraiko ianareo, nefa tsy tamin’ny afo toy ny fanao amin’ny volafotsy; fa tamin’ny memin’ny fahoriana no nandiovako anareo.

Isaia 61:6

Ianareo kosa dia hantsoina hoe: «Mpisorona ho an’ny TOMPO», na holazaina koa hoe: «Mpanao fanompoam-pivavahana ho an’ny Andriamanitsika.» Hanasoavana anareo ny fananan’ny firenen-kafa; ary ianareo no higalabona amin’ny voninahiny.

Jeremia 9:7

Toy ny zana-tsipîka mahafaty ny lelany, ka lainga avokoa izay lazainy: Tsara vava amin’ny namany izy, fa ao anatiny manao otri-po.

Ezekiela 20:38

Hoesoriko tsy ho eo aminareo ireo nikomy sy niodina tamiko. Hoentiko miala amin’ny tany izay ivahiniany izy, nefa tsy hiverina intsony any amin’ny tanin’i Israely. Amin’izay dia hoekenareo fa Izaho no TOMPO.›

Daniela 11:35

Ary hisy amin’ireo hendry ireo no ho faty mba hanadiovana sy hanatsarana ary hamotsiana ny vahoakan’Andriamanitra mandra-piavin’ny fotoana farany, satria ho tonga izany amin’ny fotoana voatondro.

Daniela 12:10

Maro no hodiovina sy hofotsiana ary hosedraina; ny olon-dratsy kosa tsy hisy hahafantatra ny heviny ka mbola hanao ratsy ihany, fa ny hendry no hahafantatra.

Hosea 14:2

Ry Israelita ô, mba miverena amin’ny TOMPO Andriamanitrareo, fa ny helokareo no nahalavo anareo.

Zakaria 13:9

Ary hotsapaiko io ampahatelony io ka hodioviko toy ny fandrendrika volamena sy volafotsy amin’ny afo. Koa hivavaka amiko izy, ary hamaly azy Aho. Dia hilaza aminy Aho hoe: ‹Ry vahoakako› ary izy hanao hoe: ‹Ny Tompo no Andriamanitray›. »

Nomery 8:6

«Avaho amin’ny Israelita hafa ny Levita, dia diovy izy.

Lioka 3:16

Fa i Jôhany kosa niteny tamin’izy rehetra hoe: –Ny ahy, rano no anaovako batisa anareo. Indro tamy kosa ilay Mahery noho izaho, ary tsy mendrika hamaha ny fehikapany akory aho; ny Azy, ao amin’ny Fanahy Masina sy afo no hanaovany batisa anareo.

Romana 12:1

Ry havana, satria efa nanehoan’Andriamanitra ny hatsaram-pony isika, dia manainga anareo aho, mba samy hanolotra ny tenanareo ho sorona velona, voatokana ho an’Andriamanitra sady ankasitrahany. Izany no fanompoam-pivavahana tokony hataonareo.

Romana 15:16

fa izaho dia natokan’Andriamanitra ho mpanompon’i Kristy Jesoa eo amin’ny hafa firenena. Manatontosa fanompoana toy ny mpisorona aho, amin’ny itoriako ny Vaovao mahafaly avy amin’Andriamanitra, mba ho zary fanatitra ankasitrahin’Andriamanitra ireo hafa firenena, rehefa voatokana ho azy noho ny asan’ny Fanahy Masina.

Filipiana 2:17

Mety halatsa-dra ho sorona araraka aho ka hampombaina ilay sorona atolotrareo an’Andriamanitra, dia ny finoanareo. Raha izany tokoa, dia faly aho ary mampiombona anareo rehetra amin’ny hafaliako;

Filipiana 4:18

Eny, manana ny zavatra rehetra ilaiko aho izao sady manana amby ampy; efa voaraiko tamin’i Epafrôdito ny fanomezana avy aminareo, ka heni-tsoa mitafotafo aho. Izany fanomezanareo izany dia toy ny zava-manitra mamerovero atao sorona ka raisin’Andriamanitra sady ankasitrahiny.

2Timoty 4:6

Fa izaho moa dia efa halatsa-dra ho sorona araraka, efa mby akaiky ny fotoanandro hialako amin’izao fiainana izao.

Titosy 2:14

I Jesoa Kristy dia nanolo-tena ho antsika mba hanavotra antsika ho afaka amin’ny ratsy rehetra ka hahatonga antsika ho vahoaka voadio, natao ho Azy tokoa sy hazoto hanatontosa asa tsara.

Hebreo 12:10

Famaizana mandritra ny andro vitsivitsy ihany no nampiharin’ireo raintsika eto an-tany, araka izay heveriny fa mety; fa soa ho antsika kosa no amaizan’Andriamanitra antsika, dia ny mba hiombonantsika anjara amin’ny fahamasinany.

1Petera 1:7

Ny volamena dia sedraina amin’ny alalan’ny afo na dia zavatra mety simba aza; ary ny finoanareo, izay sarobidy lavitra noho ny volamena, dia sedraina amin’ny alalan’ireny fitsapana ireny ka ho hita fa hahazoan’Andriamanitra dera sy voninahitra ary haja izany, amin’ny andro hisehoan’i Jesoa Kristy.

1Petera 2:5

Manatòna ny Tompo ianareo mba ho tahaka ny vato velona voarafitra ho trano onenan’ny Fanahy Masina, ka hiara-manao fisoronana amin’ny alalan’i Jesoa Kristy.

1Petera 2:9

Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan’Andriamanitra, mba hitory ireo asa lehibe vitan’Andriamanitra Izay niantso anareo hiala tamin’ny haizina ho any amin’ny fahazavana mahagaga.

Apokalipsy 1:6

ary efa nahatonga antsika ho fanjaka-mpisorona hanompo an’Andriamanitra Rainy. Ho an’i Jesoa Kristy anie ny voninahitra sy ny fahefana mandrakizay mandrakizay! Amen.

Apokalipsy 3:18

Koa manoro hevitra anao Aho: hividy amiko volamena voadio tamin’ny afo, mba hanan-karena ianao; hividy amiko akanjo fotsy hiakanjoanao, mba tsy hisehoan’ny fitanjahanao mahamenatra; ary hividy amiko fanafody maso hahosotra ny masonao, mba hahiratra ianao.

Apokalipsy 5:10

Ary nataonao fanjaka-mpisorona ireo mba hanompo an’Andriamanitsika sy hanjaka etỳ ambonin’ny tany.»