Malakia 3:15 - DIEM PROTESTANTA

¹⁵ Ankehitriny dia ny mpirehaka no tokony hataonay hoe sambatra ary ny olon-dratsy no tokony hataonay hoe ambinina. Eny, fa na dia maka fanahy an’Andriamanitra aza ireo, dia afaka hatrany!› »

Baiboly Protestanta Malagasy 2011

¹⁵ Ankehitriny isika dia midera ny mpirehareha hoe sambatra; eny, ambinina izay nanao izay ratsy, sady naka fanahy an’Andriamanitra izy nefa afa-nandositra ihany.

Dikateny Iombonana Eto Madagasikara

¹⁵ Ankehitriny dia ny mpirehaka no tokony hataonay hoe sambatra ary ny olon-dratsy no tokony hataonay hoe ambinina. Eny, fa na dia maka fanahy an’Andriamanitra aza ireo, dia afaka hatrany!› »

Baiboly Katolika

¹⁵ Fa ankehitriny indro ny tsy mivavaka no lazaintsika hoe: sambatra; fa ambinina izay manao ny ratsy; maka fanahy an’Andriamanitra izy, nefa afa-potsiny.

Baiboly Protestanta Malagasy

¹⁵ Ary ankehitriny isika dia midera ny mpirehareha hoe sambatra; eny, voaorina tsara izay nanao ratsy, sady efa naka fanahy an’Andriamanitra izy, nefa afa-nandositra ihany.

Malagasy Bible

¹⁵ Ary ankehitriny isika dia midera ny mpirehareha hoe sambatra; eny, voaorina tsara izay nanao ratsy, sady efa naka fanahy an'Andriamanitra izy, nefa afa-nandositra ihany.

La Bible en Malgache

¹⁵ Ankehitriny isika dia midera ny mpirehareha hoe sambatra; eny, ambinina izay nanao izay ratsy, sady naka fanahy an’Andriamanitra izy nefa afa-nandositra ihany.

Malakia 3:15 Rohy Ifampitohizana

Estera 5:10

Kanefa nanindry fo ihany i Hamàna ka lasa nody tany an-tranony aloha; dia naniraka olona izy haka ireo sakaizany sy i Zeresa vadiny.

Joba 1:22

Tamin’izany fahoriana rehetra izany dia tsy mba nanota i Jôba ary tsy nanome tsiny an’Andriamanitra.

Joba 12:6

Miadana ao an-tranony ny jiolahy mpandroba; tsy manana ahiahy ny mpihaika an’Andriamanitra, dia izay tsy mahalala andriamanitra afa-tsy ny heriny.

Joba 21:30

Raha avy ny loza, afaka ihany ny olon-dratsy, raha tonga ny fahatezerana, dia voaaro izy.

Joba 22:23

Miverena am-panetren-tena amin’ilay Tsitoha, ampanalaviro ny lainao ny tsy fahamarinana.

Salamo 10:3

Mibitaka erỳ ny olon-dratsy fa mahazo izay nirîny; kanefa ny TOMPO tsiratsirainy sady hamavoiny tokoa.

Salamo 106:14

Voan’ny fitsiriritana tany an-taniefitra ireo ary nihantsy an’Andriamanitra tany an-tany hay.

Salamo 141:4

Aza avela hirona amin’ny zava-dratsy ny foko. Aoka aho tsy hiaraka amin’ny mpanao heloka na hivarilavo amin’ny fanao tsy mety na hihinana ny hanim-pin’ireo koa!

Salamo 49:18

Fa tsy hitondra na inona na inona izy, rehefa maty; tsy ho avy hanaraka azy tsy akory ny voninahiny.

Salamo 58:2

Moa dia ny rariny tokoa ve no lazainareo, ry manampahefana? Moa araka ny hitsiny ve no itsaranareo ny olona?

Salamo 73:12

Jereo ireny olon-dratsy ireny: mahomby mandrakariva, mitombo harena.

Salamo 73:3

Fa nialona ny mpaniratsira aho raha nahita ny fahombiazan’ny olon-dratsy,

Salamo 78:18

Sahy nihantsy an’Andriamanitra aza izy, ka nangataka izay hanina nahaliana azy;

Salamo 78:41

Fa nikiry nihantsy an’Andriamanitra izy ka nampalahelo an’ilay Masin’i Israely.

Salamo 78:56

Nefa nihantsy an’Andriamanitra Avo Indrindra izy ka nikomy taminy sy nandika ny didiny;

Salamo 95:9

Fa nihantsy sy nitsapa Ahy ny razanareo, na dia efa nahita ny asa nataoko aza.

Ohabolana 12:12

Ny olon-dratsy maniry tombontsoa tsy ara-drariny; fa ny olo-marina kosa mamaka sady mamokatra.

Mpitoriteny 8:14

Izao koa no zava-poana mitranga eto ambonin’ny tany: misy olo-marina iharan’izay tokony ho mendrika ny ataon’olon-dratsy; ary misy olon-dratsy mahazo izay tokony ho mendrika ny ataon’olo-marina. Ka efa voalazako fa zava-poana koa izany.

Isaia 2:22

Atsaharo ny fitokiana amin’olombelona fa fofonaina miserana ihany izy ka tsy misy lanjany akory!

Jeremia 7:10

Nefa ianareo mbola miseho eo anatrehako eto amin’ity trano izay natokana ho Ahy ity ihany ka manao hoe: ‹Voavonjy izahay›; ary avy eo dia tohizinareo indray ireo asa rehetra maharikoriko ireo.

Daniela 4:30

Niaraka tamin’izay dia tanteraka tamin’i Nebokadnetsara izany teny izany: Noroahina niala tamin’ny olombelona izy ka nihinana ahitra toy ny omby, ary kotsan’ny ando ny tenany, hany ka ny volon-dohany dia tonga lava toy ny an’ny voromahery ary ny hohony dia tonga nifaraingo toy ny an’ny vorona.

Daniela 6:16

Fa dodona niverina tany amin’ny mpanjaka ireo lehilahy ireo ka nanao taminy hoe: –Aoka ho fantatrao, ry mpanjaka, fa araka ny lalànan’ny Medianina sy ny Persianina, ny didy aman-dalàna izay navoakan’ny mpanjaka dia tsy azo ovana.

Malakia 2:17

Manasatra ny TOMPO amin’ny teninareo ianareo. Nefa manontany ianareo hoe: «Dia amin’inona no anasaranay Azy?» Amin’ny filazànareo hoe: «Izay rehetra manao ratsy dia tsara eo imason’ny TOMPO, ary ny olona toy izany no sitrany.» Na koa amin’ny filazànareo hoe: «Aiza àry ilay Andriamanitra mampihatra ny rariny?»

Asan’ny Apostoly 12:21

Tamin’ny andro voatendry, dia nitafy ny fanamiana maha mpanjaka i Herôda ary nipetraka teo amin’ny sezafiandrianana ka nikabary ampahibemaso tamin’ny solotenan’i Tiro sy i Sidôna.

Asan’ny Apostoly 5:9

Ary hoy i Petera taminy: –Nahoana no dia niray tetika nizaha toetra ny Fanahin’ny Tompo ianareo? Mby eo an-tokonam-baravarana izao ireo zatovo avy nandevina ny vadinao, ka hoentiny halevina koa ianao.

1Korintiana 10:9

Aoka isika tsy haka fanahy ny Tompo toy ny nataon’ny sasany tamin’ireny, izay maty voakaikitry ny bibilava.

Hebreo 3:9

Tany no nakan’ny razanareo fanahy Ahy sy nizahany toetra Ahy, hoy Andriamanitra, na dia efa hitany aza ny asa vitako

1Petera 5:5

Toy izany koa ianareo mbola tanora fanahy, maneke ny loholona. Ary ianareo rehetra, samia mitafy fanetrentena ka mifanompoa, fa hoy ny Soratra Masina hoe: «Toherin’Andriamanitra ny mpiavonavona fa omeny fahasoavana kosa ny manetry tena.»