Malakia 3:13 - DIEM PROTESTANTA

¹³ Hoy ny TOMPO hoe: «Mafy loatra ny teny amelezanareo Ahy; nefa manontany ianareo hoe: ‹Inona no resaka nifanaovanay hamelezana Anao?›

Baiboly Protestanta Malagasy 2011

¹³ Ny teninareo dia mahery mamely Ahy, hoy NY TOMPO. Nefa hoy ianareo: Inona no resakay noentinay namely Anao?

Dikateny Iombonana Eto Madagasikara

¹³ Hoy ny TOMPO hoe: «Mafy loatra ny teny amelezanareo Ahy; nefa manontany ianareo hoe: ‹Inona no resaka nifanaovanay hamelezana Anao?›

Baiboly Katolika

¹³ Mafy loatra ny teninareo mamely Ahy, hoy i Iaveh. Ary hoy ianareo: Inona no resakay momba Anao? Izao no nolazainareo:

Baiboly Protestanta Malagasy

¹³ Ny teninareo dia mahery mamely Ahy, hoy Jehovah. Nefa hoy hianareo: Inona no resakay nentinay namely Anao?

Malagasy Bible

¹³ Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao?

La Bible en Malgache

¹³ Ny teninareo dia mahery mamely Ahy, hoy NY TOMPO. Nefa hoy ianareo: Inona no resakay noentinay namely Anao?

Malakia 3:13 Rohy Ifampitohizana

Joba 15:13

Ary nahoana Andriamanitra no ifatraran’ny fahatezeranao ka anaovanao vava tsy ambina?

Joba 40:8

Sahinao lavina tokoa ve ny fitsaràko ka Izaho no diso fa ianao no marina?

Salamo 10:11

Dia hoy ny olon-dratsy anakampony: «Tsy raharahain’Andriamanitra izany sady ikimpiany fa tsy mba jereny ary tsy hitany na oviana na oviana!»

Eksodosy 5:2

Dia hoy ny Farao: –Iza moa ny TOMPO no hoekeko, ka handefasako ny Israelita handeha? Tsy fantatro IZY, koa tsy halefako handeha ianareo!

Isaia 3:8

Eny, lavo i Jerosalema ary potraka i Joda; ka na ny tenin’ny olona na ny asany dia samy manohitra ny TOMPO sy mihantsy ny voninahiny eo imaso.

Isaia 37:23

Fa iza moa no voatevatevanao sy nompanao? Ary iza no nanaovanao lela miakatra sy niandranandranan’ny masonao? Tsy iza fa Izaho Ilay Masin’i Israely!

Isaia 46:12

Mihainoa Ahy ianareo, ry olona mafy fo izay mihevi-tena ho lavitra ny fanafahana:

Isaia 5:19

Fa hoy indrindra izy ireo hoe: «Aoka ho tanteraka haingana dia haingana izay hataon’ny TOMPO, mba hojerenay! Aoka ho tonga amin’ny fotoany ny fikasan’Ilay Masin’i Israely fa tianay ho fantatra!»

Jeremia 44:18

Nefa hatramin’izay tsy nanoloranay fanatitra zava-manitra mifangaro sy divay ho an’ny mpanjakavavin’ny lanitra izay, dia tsy manana na inona na inona intsony izahay sady matin’ny ady sy ny mosary.

Jeremia 8:12

Tokony hahamenatra azy ny zava-maharikoriko nataony; nefa tsy menatra akory izy sady tsy mahatsapa ny hadisoany. Noho izany, hoy ny TOMPO, dia ho isan’ireo ho lavo izy; ka amin’ny andro hamaliako azy, dia hitrosina amin’ny tany izy.

Ezekiela 18:25

Hoy ianareo hoe: ‹Tsy marina ny fitòndran’ny Tompo!› Henoy tsara Aho, ry Israelita: Ny fitòndrako ve no tsy marina? Tsy ny fitondranareo ve no tsy marina?

Ezekiela 35:13

Nanao teny miavonavona nankaloza Ahy ianao, ary efa reko ireo teny maro nanoheranao Ahy.›

Hosea 7:16

Raha misy ny fiverenany, dia tsy ho amiko ilay Avo izany; fa mandiso fanantenana tahaka ny tsipîka ketraka izy. Ho lavon-tsabatra ny mpifehy azy noho ny fitsaontsaom-bavany; izany no handatsana azy any Ejipta!

Malakia 2:14

Dia anontanianareo ny anton’ny tsy anekeny izany intsony. Ny antony dia satria efa nanaiky teo anatrehan’ny TOMPO ianareo fa ho mahatoky amin’ny vadin’ny fahatanoranareo. Vady vita fanekena taminareo izany, nefa dia nilaozanareo.

Malakia 2:17

Manasatra ny TOMPO amin’ny teninareo ianareo. Nefa manontany ianareo hoe: «Dia amin’inona no anasaranay Azy?» Amin’ny filazànareo hoe: «Izay rehetra manao ratsy dia tsara eo imason’ny TOMPO, ary ny olona toy izany no sitrany.» Na koa amin’ny filazànareo hoe: «Aiza àry ilay Andriamanitra mampihatra ny rariny?»

Malakia 3:12

Ary hataon’ny firenen-drehetra hoe sambatra ianareo, satria hahafinaritra hivelomana ny taninareo, hoy Izaho TOMPOn’izao rehetra izao.»

Malakia 3:14

Izao no nolazainareo: ‹Zava-poana ny manompo an’Andriamanitra. Efa nitandrina izay nasainy notandremana izahay ary efa nisaona araka ny fomba fanao teo anatrehan’ny TOMPOn’izao rehetra izao, nefa tsy nisy soa azonay akory.

Malakia 3:8

Dia hamaly anareo Aho hoe: ‹Azon’ny olona fitahina ve Andriamanitra no mamitaka Ahy ianareo?› Dia manontany indray ianareo hoe: ‹Amin’inona no amitahanay Anao?› Amin’ny fandrotsahana ny ampahafolon-karena sy amin’ny fanaovanareo fanatitra.

Romana 9:20

Fa mba iza anefa ianao, ry olombelona, no mifamaly amin’Andriamanitra? Moa ve ny zavatra vita tamin’ny tanimanga hanao amin’ny mpanefy azy hoe: «Nahoana no toy izao no nanefenao ahy?»

2Tesaloniana 2:4

Hijoroan’ilay mpanao ratsy ho fahavalo sady hotoheriny avokoa izay rehetra ataon’ny olona ho andriamanitra na izay rehetra toloran’ny olona fanompoam-pivavahana; hidirany sy hipetrahany hatramin’ny tempolin’Andriamanitra aza, ka ny tenany no hanora-tena ho Andriamanitra.