Malakia 3:10 - DIEM PROTESTANTA

¹⁰ Ento manontolo àry ny ampahafolon-karena ho ao an-trano fitahirizana azy, mba tsy ho tapaka sakafo ao an-tempoliko. Ary zahao toetra amin’izany ny tenako, hoy Izaho TOMPOn’izao rehetra izao, dia ho hitanareo fa hovohako ho anareo ny vavahadin-dranon’ny lanitra hampidinako fitahiam-be miavosa aminareo.

Baiboly Protestanta Malagasy 2011

¹⁰ Entonareo ny fahafolonkarena rehetra ho ao amin’ny trano fitahirizako mba hasian-kanina ao an-tranoko; izahao toetra amin’izany Aho, hoy Andriamanitra, Tompon’izao rehetra izao, raha tsy hovohako ho anareo ny varavaran’ny lanitra ka hampidinako fitahiana manana amby ampy ho anareo.

Dikateny Iombonana Eto Madagasikara

¹⁰ Ento manontolo àry ny ampahafolon-karena ho ao an-trano fitahirizana azy, mba tsy ho tapaka sakafo ao an-tempoliko. Ary zahao toetra amin’izany ny tenako, hoy Izaho TOMPOn’izao rehetra izao, dia ho hitanareo fa hovohako ho anareo ny vavahadin-dranon’ny lanitra hampidinako fitahiam-be miavosa aminareo.

Baiboly Katolika

¹⁰ Ento ny fahafolon-karena rehetra, ho ao an-trano firaketana ary aoka mba hisy hanina ao an-tranoko. Dia zahao toetra amin’izay Aho, hoy i Iaveh’ny tafika, raha tsy mamoha ny varavaran-danitra ho anareo, sy tsy mampidina fanambinana mihoa-pampana ho anareo.

Baiboly Protestanta Malagasy

¹⁰ Entonareo ny fahafolon-karena rehetra ho ao amin’ny trano firaketako, mba hasian-kanina ao an-tranoko, ary izahao toetra amin’izany Aho, hoy Jehovah, Tompon’ny maro, raha tsy hovohàko ny varavaran’ny lanitra ho anareo ka hampidinako fitahiana manana amby ampy ho anareo.

Malagasy Bible

¹⁰ Entonareo ny fahafolon-karena rehetra ho ao amin'ny trano firaketako, mba hasian-kanina ao an-tranoko, ary izahao toetra amin'izany Aho, hoy Jehovah, Tompon'ny maro, raha tsy hovohako ny varavaran'ny lanitra ho anareo ka hampidinako fitahiana manana amby ampy ho anareo.

La Bible en Malgache

¹⁰ Entonareo ny fahafolonkarena rehetra ho ao amin’ny trano fitahirizako mba hasian-kanina ao an-tranoko; izahao toetra amin’izany Aho, hoy Andriamanitra, Tompon’izao rehetra izao, raha tsy hovohako ho anareo ny varavaran’ny lanitra ka hampidinako fitahiana manana amby ampy ho anareo.

Malakia 3:10 Rohy Ifampitohizana

Genesisy 28:22

Ary ity vato izay efa naoriko ho tsangambato ity dia hanjary tranon’Andriamanitra, ka ny ampahafolon’izay rehetra homeny ahy dia hatolotro Azy.

Genesisy 7:11

Iny faha-600 taona niainan’i Noà iny, tamin’ny volana faharoa, andro faha-17, dia niboiboika be ny rano avy any ambanin’ny tany tamin’ireo loharano rehetra, ary nivoha nidanadana ny varavaran’ny lanitra.

2Mpanjaka 7:19

Fa hoy ny navalin’ilay dekàn’ny mpanjaka tamin’izay: «Na dia handavaka ny lanitra aza ny TOMPO, mba ho tanteraka ve izay voalazanao teo?» Ary hoy i Elisà: «Ho hitanao maso izany, saingy tsy mba hihinananao.»

2Mpanjaka 7:2

Fa ny dekà, izay nianteheran’ny mpanjakan’i Israely, dia niteny tamin’ilay olon’Andriamanitra ka nanao hoe: –Na dia handavaka ny lanitra aza ny TOMPO, mba ho tanteraka ve izay voalazanao teo? Ary hoy i Elisà: –Ho hitanao maso izany, saingy tsy mba hihinananao.

1Tantara 26:20

Ny levita naman’ireo kosa dia nisy mpiandraikitra ny zavatra sarobidy tao an-tempolin’Andriamanitra, zavatra sarobidy izay voatokana ho an’Andriamanitra.

Nehemia 12:44

Tamin’izay koa dia nisy olona notendrena hitandrina ny efitrano fitehirizana ny fanatitra avahana sy ny voaloham-bokatra ary ny fahafolon-karena. Ao no nasaina hangonin’ireo olona ireo ny anjara voadidin’ny lalàna mba ho an’ny mpisorona sy ny levita, avy any amin’ny saha manodidina ny isan-tanàna; nifalian’ny vahoakan’i Joda manko ireo mpisorona sy levita izay samy teo amin’ny anjara toerany avy,

Nehemia 12:47

Ary tamin’ny andron’i Zerobabela sy i Nehemià, dia nomen’ny Israelita rehetra isan’andro ny anjaran’ny mpihira sy ny mpiandry varavarana; nomeny koa ny fanatitra voatokana ho an’ny levita, ary ny levita kosa indray no nanome ny fanatitra voatokana ho an’ny mpisorona taranak’i Aharôna.

Nehemia 13:5

dia nanomanany efitrano lehibe io Tôbià io, dia ilay efitrano nitehirizana hatrizay ny fanatitra vokatry ny tany sy ny vovo-javamanitra ary ny fanaka mbamin’ny ampahafolon’ny vary sy divay ary menaka; tao koa no nitehirizana ny fanatitra voatokana ho an’ny levita sy ny mpihira ary ny mpiandry varavarana mbamin’ny fanatitra navahana ho an’ny mpisorona.

Salamo 37:3

Matokia ny TOMPO, manaova ny tsara, dia honina amin’ny tany nomeny ianao ka hiaina amim-pilaminana azo antoka.

Salamo 78:23

Nefa nandidy ny rahona avy any ambony Izy, ka nanokatra ny varavaran’ny lanitra;

Mpitoriteny 11:3

Na aiza na aiza toerana ianjeran’ny hazo, dia eo amin’izay nianjerany ihany no ijanonany. Raha mavesatra ny rahona, dia handatsaka orana amin’ny tany.

Ezekiela 34:26

Avelako honina eny amin’ny manodidina ny tendrombohitra voatokana ho Ahy izy. Harotsako ara-potoana ny ranonorana ka hitondra fitahiambe izany.

Ezekiela 44:30

Horaisin’ny mpisorona ny santatry ny voaloham-bokatra ary izay rehetra navahana ho Ahy tamin’ny harenan’ny Israelita. Homen’ny olona azy koa ny koba lafarinina tsara indrindra mba hitahiako ny ao an-tranony.

Hosea 2:21

Hofofoiko ho vadiko mandrakizay ianao, ry Israely; hofofoiko ho vadiko amin’ny rariny sy ny hitsiny, ary amin’ny fitiavana sy ny indrafo.

Joela 2:19

ka mamaly vavaka azy hoe: «Handefa varimbazaha sy divay ary menaka ho anareo AHO. Ho vokin’izany ianareo ka tsy havelako intsony holatsain’ny hafa firenena.

Joela 2:24

Koa feno varimbazaha ny famoloana; ary mitosaka ny divay sy menaka ka mihoatra ny vata fanantazana azy.

Levitikosy 26:10

Ho be ny vokatra miakatra ka haharitra hihinananareo ny vokatra tranainy ary hisy sisa hatao varo-boba fotsiny aza mba hasiana ny vao.

Levitikosy 26:3

«Raha manaraka ny lalànako ianareo ka imasoanareo hotanterahina ny didiko,

Levitikosy 27:30

«Ny ampahafolon’ny vokatry ny tany, na avy amin’ny tanim-bary na avy amin’ny saha, dia an’ny TOMPO; voatokana ho AZY izany.

Hagay 2:19

Moa tsy efa ritra ny vary tao an-tsompitra? Na dia ny voaloboka sy ny aviavy ary ny ampongabendanitra sy ny ôliva aza tsy nahavokatra. Kanefa manomboka izao anio izao kosa no hitahiako anareo.

Nomery 18:21

Ary hoy koa ny TOMPO hoe: –Ny levita kosa dia omeko ny fahafolon-karena rehetra voaangona amin’ny Israelita noho ny asam-panompoany ao amin’ny Tranolay fihaonana.

Matio 6:33

Nefa katsaho aloha ny Fanjakàn’Andriamanitra sy ny hanao ny marina nosoritany, dia homeny anareo ho fanampiny ireny rehetra ireny.

Deoteronomia 12:6

Ao no hitondranareo ny sorona dorana manontolo sy ny sorom-pihavanana ataonareo, ny fahafolon-karenareo, ny fitia tsy mba hetra foinareo, ny fanalàm-boadinareo, ny fanati-tsitraponareo, ary ny voalohan-teraky ny omby sy ondry aman’osinareo.

Deoteronomia 14:22

Havahanareo ny ampahafolon’ny vokatra rehetra avy amin’ny voa nafafinareo, izany hoe ny vokatry ny sahanareo isan-taona.

Deoteronomia 14:29

Ary ho avy hizaràna an’izany ny Levita (izay tsy manana zaratany na anjara miaraka aminareo) sy ny vahiny ary ny kamboty mbamin’ny mpitondratena izay eo an-tanànanareo; dia hihinana ireo ka ho voky, mba hitahian’ny TOMPO Andriamanitrareo anareo amin’ny asa rehetra izay ataonareo.

Deoteronomia 28:12

Hovohan’ny TOMPO ho anareo ny lanitra izay itahirizany rano sarobidy, mba handatsahany orana ny taninareo amin’ny fotoanandrony ary hitahiany ny asa rehetra ataonareo. Ianareo tsy mba hisambotra vola mihitsy, fa firenena maro kosa no hampisamborinareo.