Levitikosy 26:39 - DIEM PROTESTANTA

³⁹ Noho ny heloka vitany sy ny heloka vitan’ny razany, ireo sisa velona aminareo dia ho levona any amin’ny tanin’ny fahavalony any.

Baiboly Protestanta Malagasy 2011

³⁹ Ary ireo sisa eo aminareo dia ho levona any amin’ny tanin’ny fahavalonareo noho ny helony sy ny heloky ny razany koa.

Dikateny Iombonana Eto Madagasikara

³⁹ Noho ny heloka vitany sy ny heloka vitan’ny razany, ireo sisa velona aminareo dia ho levona any amin’ny tanin’ny fahavalony any.

Baiboly Katolika

³⁹ Izay sisa velona aminareo dia hihalany ritra noho ny heloky ny tenany any amin’ny tanim-pahavalony; ary ho levona koa noho ny heloky ny razany izay ao aminy.

Baiboly Protestanta Malagasy

³⁹ Ary ny sisa eo aminareo dia ho levona any amin’ny tanin’ny fahavalonareo noho ny helony sy ny heloky ny razany koa.

Malagasy Bible

³⁹ Ary ny sisa eo aminareo dia ho levona any amin'ny tanin'ny fahavalonareo noho ny helony sy ny heloky ny razany koa.

La Bible en Malgache

³⁹ Ary ireo sisa eo aminareo dia ho levona any amin’ny tanin’ny fahavalonareo noho ny helony sy ny heloky ny razany koa.

Levitikosy 26:39 Rohy Ifampitohizana

2Tantara 34:24

‹Indro Aho hahatonga loza amin’ity tanàna ity sy ny mponiny, dia ny ozona rehetra voasoratra ao anatin’ilay boky izay novakîna teo anatrehan’ny mpanjakan’i Joda.

Ezra 9:7

Eny, hatramin’ny andron’ireo razanay ka mandraka androany, dia lehibe ny fahotanay vahoakanao; ny helokay ihany no nanoloranao anay sy ny mpanjakanay ary ny mpisoronay ho eo an-tanan’ireo mpanjakan’ny tany hafa hovonoin-tsabatra, ho babo, ho voaroba, ary hangaihay tahaka ny mbola mihatra aminay izao.

Nehemia 1:9

nefa raha miverina amiko ianareo ka imasoanareo hotanterahina ny didiko, na dia hisy voasesy any am-paran’ny tany aza ianareo, dia hangoniko avy any sy hoentiko ho ao amin’ilay toerana voafidiko hiatrehanareo Ahy.»

Eksodosy 20:5

Aza miankohoka eo anatrehan’ireny sampy ireny ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika;

Eksodosy 34:7

Maneho ny fitiavako hatramin’ny taranaka faharivo Aho, ka mahalefitra ny heloka amam-pahadisoana ary ny ota; nefa kosa tsy manamarina izay meloka, fa mamaly ny heloky ny ray amin’ny zanaka amam-parany hatramin’ny zafiafy sy zafindohalika.»

Isaia 14:21

Miomàna handringana ny zanany ianareo noho ny heloka bevava nataon’ny rainy, fandrao hitsangana haka ny tany indray ireny ka handrakotra tanàna an’izao tontolo izao.

Isaia 24:16

Hatrany am-paran’ny tany no andrenesanay hira hoe: «Voninahitra anie ho an’Ilay Marina!» Fa hoy kosa aho anakampoko hoe: «Vita ny amiko, vita ny amiko.» Lozan’ireo mpamadika! Mamadika tokoa ny mpamadika; eny, mamadika hatrany izy.

Jeremia 29:12

Amin’izay raha miantso Ahy ianareo ka mivavaka amiko, dia hihaino anareo Aho.

Jeremia 3:25

Aoka hatory ombàn-kenatra izahay ka hanaiky ny fahafaham-baràka, satria efa nanao heloka teo anatrehanao TOMPO Andriamanitray. Fa na izahay na ny razanay dia tsy nihaino izay nolazain’ny TOMPO Andriamanitray hatry ny fahazazànay ka mandrak’androany.

Jeremia 31:29

Amin’izay dia tsy hisy hamerina intsony izao ohabolana izao: ‹Ny ray aman-dreny no nihinana voaloboka marikivy, ka ny zanany no madilo nify.›

Fitomaniana 1:3

Difotry ny fahoriana sy vesaram-panompoana no lasan-ko babo ny fokon’i Joda. Mitoetra any amin’ny hafa firenena izy izao kanefa tsy mahita hifaharana. Izay rehetra mpanenjika azy dia nahatratra azy an-katerena.

Fitomaniana 4:9

Aleo lavitra aza matin-tsabatra toy izay matin’ny mosary sy mitofezaky ny harerahana satria tsy misy vokatry ny saha.

Ezekiela 18:19

«Nefa ianareo manontany hoe: Nahoana ny zanaka no tsy mba mizaka ny fahadisoan-drainy? Satria manao izay marina sy mahitsy izy ary mitandrina sy manatanteraka ny lalànako rehetra, ka dia ho velona tokoa.

Ezekiela 20:43

Ao ianareo no hisaintsaina ny fitondrantenanareo tamin’ny lasa sy ireo asa nampahaloto anareo. Haharikoriko anareo ny tenanareo noho ny ratsy rehetra efa nataonareo.

Ezekiela 24:23

Hofehezinareo eny an-dohanareo ny hamama, ary hanaovanareo ny kapanareo, tsy hitaraina ianareo sady tsy hitomany. Nefa hihareraka ianareo noho ny fahadisoanareo, ary hifampitoloko ianareo samy mpiray firenena.

Ezekiela 33:10

«Ry ilay taranak’olombelona, mitenena amin’ny Israelita izay milaza hoe: ‹Vesaran’ny fahadisoanay sy ny fahotanay izahay, ka mila ho levona mihitsy. Koa ahoana moa no hahavelomanay?›

Ezekiela 36:31

Dia hotsaroanareo ny fitondrantena ratsy sy ny asa tsy mendrika nataonareo, ka hankaloiloy anareo ny helokareo sy ny zavatra maharikoriko vitanareo.

Ezekiela 4:17

Tsy hanana mofo sy rano ny olona, ka hivarahontsana sy hihalevona noho ny fahotany.

Ezekiela 6:9

Hahatsiaro ahy izy eo anivon’ireo firenena nandefasako azy ho babo. Ho tadidiny ny fomba nanapotehako azy, noho izy tsy niraiki-po tamiko fa nivadika nanalavitra Ahy ary nampifantoka fijery tamin’ny sampiny. Dia harikoriko ny tenany izy noho ny asa ratsy rehetra sy fanompoan-tsampy rehetra nataony.

Hosea 5:15

Handeha hody any amiko Aho, hoy ny TOMPO, mandra-piaikin’i Efraîma sy i Joda ho diso ka hitadiavany ny tavako. Rehefa azom-pahoriana mafy izy, dia hikatsaka Ahy fatratra.

Zakaria 10:9

Tahaka ny fanaparitaka voa famafy no nanelezako azy tany amin’ny firenena; fa na dia any lavitra any aza ireo dia hahatsiaro Ahy ihany. Any izy no hiaina miaraka amin-janany, kanefa avy eo dia hiverina indray.

Nomery 14:18

«Izaho no TOMPO Izay tsy mora tezitra sady be fitiavana fa mahazaka ny heloka sy ny fikomiana. Kanefa tsy afa-maina ny meloka, fa ny heloky ny olona kosa dia valiako amin’ny taranany hatramin’ny zafindohalika.»

Deoteronomia 28:65

Any amin’ireo firenena ireo dia tsy hisy hilaminanareo ary tsy hisy toerana hahazoanareo miorim-ponenana; fa any kosa dia fo manahy sy maso jambena ary fanahy kivy no homen’ny TOMPO anareo.

Deoteronomia 30:1

Ho tonga aminareo izany zavatra rehetra izany, dia ny fampanantenàm-pitahiana sy fanambaràn-doza izay nataoko teo anoloanareo. Ary any amin’ny firenena rehetra handroahan’ny TOMPO Andriamanitrareo anareo, dia hotsarovanareo ao am-ponareo izany,

Deoteronomia 5:9

Aza miankohoka eo anatrehan’ireny sampy ireny ianao ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia mamaly azy sy ny taranany hatrany amin’ny zafin-dohalika Aho;

Deoteronomia 8:20

Tahaka ny handringanan’ny TOMPO ireo firenen-tsamy hafa eo anoloanareo no handringanana anareo koa, satria tsy nohenoinareo ny feon’ilay TOMPO Andriamanitrareo.