Levitikosy 26:16 - DIEM PROTESTANTA

¹⁶ dia izao no hataoko anareo: loza mampivarahontsana no halefako hamelezana anareo, dia areti-mahasaozanina sy tazo mahery izay mahalali-maso sy mandreraka aina anareo; ary hafafinareo foana ny voa famafinareo, fa ny fahavalonareo no hihinana azy.

Baiboly Protestanta Malagasy 2011

¹⁶ dia izao no hataoko aminareo: Hasiako fampitahorana aminareo, dia aretina mahasaozanina sy tazo mahamay izay manimba ny maso sy mandany ny aina; ary hafafinareo foana ny voan-javatrareo fa ny fahavalonareo no hihinana azy.

Dikateny Iombonana Eto Madagasikara

¹⁶ dia izao no hataoko anareo: loza mampivarahontsana no halefako hamelezana anareo, dia areti-mahasaozanina sy tazo mahery izay mahalali-maso sy mandreraka aina anareo; ary hafafinareo foana ny voa famafinareo, fa ny fahavalonareo no hihinana azy.

Baiboly Katolika

¹⁶ dia izao no hataoko aminareo: hanirahako tebiteby sy areti-mihinana ary tazo ianareo, izay hahalali-maso anareo, sy handreraka aina anareo; hafafinareo foana ny voa afafinareo, fa ny fahavalonareo no hihinana azy.

Baiboly Protestanta Malagasy

¹⁶ Izaho kosa dia hanao izao aminareo: hanisy fampitahorana aminareo Aho, dia areti-maha-sahozanina sy tazo mahamay, izay manimba ny maso sy mandany ny aina; ary hafafinareo foana ny voan-javatrareo, fa ny fahavalonareo no hihinana azy.

Malagasy Bible

¹⁶ Izaho kosa dia hanao izao aminareo hanisy fampitahorana aminareo Aho, dia areti-mahasahozanina sy tazo mahamay, izay manimba ny maso sy mandany ny aina; ary hafafinareo foana ny voan-javatrareo, fa ny fahavalonareo no hihinana azy.

La Bible en Malgache

¹⁶ dia izao no hataoko aminareo: Hasiako fampitahorana aminareo, dia aretina mahasaozanina sy tazo mahamay izay manimba ny maso sy mandany ny aina; ary hafafinareo foana ny voan-javatrareo fa ny fahavalonareo no hihinana azy.

Levitikosy 26:16 Rohy Ifampitohizana

1Mpanjaka 8:37

«Mety hisy mosary eto amin’ity tany ity na areti-mandringana, mety ho mainan’ny rivotra na ho lo am-potony ny vary, na koa hisy andiam-balala sy sompanga tonga; mety hisy fahavalo manao fahirano ireo Israelita ao amin’ny tanàna anankiray, na koa hipoitra ny fahoriana aman’areti-mifindra isan-karazany.

Joba 18:11

Manemitra azy hatraiza hatraiza ny horohoro ary manara-dia azy amin’izay alehany.

Joba 20:25

Ongotany ny zana-tsipîka nitrobaka azy; ka raha vao tafatsoaka amin’ny atiny izany, dia ny tenany indray no iharan’ny horohorom-pahafatesana.

Joba 31:8

dia aoka olon-kafa no hihinana izay nafafiko na aoka hongotana ny zavatra izay namboleko.

Salamo 109:6

Hoy izy ny amiko: «Anendreo olon-dratsy hamely azy; aoka hisy mpiampanga hitsangana eo ankavanany!

Salamo 73:19

Oadray! Fongana indray mipi-maso izy, levona matin’ny horohoro tampoka.

Salamo 78:33

Koa indray mitsoka monja no nandevonany ny fisiany; ary tamin’ny loza tampoka no nanaperany ny taonany.

Eksodosy 15:26

Hoy Izy taminy: «Raha ankatoavinareo tokoa Aho TOMPO Andriamanitrareo, ka ataonareo izay heveriko ho marina, raha henoinareo ny didiko, ka tandremanareo ny fitsipiko dia tsy hisy hataoko aminareo ny aretina rehetra izay namelezako ny Ejiptianina, satria Izaho no TOMPO Izay manasitrana anareo.»

Ohabolana 3:33

Ozonin’ny TOMPO ny tranon’ny olon-dratsy fa ny fonenan’ny olo-marina kosa tahîny.

Isaia 10:4

Izao ihany no azonareo atao: hitanondrika miaraka amin’ireo babo na hidaboka miaraka amin’ireo maty. Saingy, na teo aza izany rehetra izany, dia mbola tsy afaka ny fahatezeran’ny TOMPO fa mihinji-tanana mandrahona ihany Izy.

Isaia 62:8

Dia nataon’ny TOMPO izao fianianana izao: «Araka ny hery amam-pahefana feno ananako, dia mianiana aminao Aho, ry vahoakako, fa tsy hamela ny vary novolenao ho sakafon’ny fahavalonao intsony, ary tsy hamela ny divay nisasaranao hosotroin’ny vahiny intsony;

Isaia 7:2

Dia nampandrenesina i Ahaza, taranak’i Davida, sy ny tao an-dapany fa efa mitoby any Efraîma ny Sirianina. Koa taitra ny fon’ny mpanjaka sy ny an’ny vahoakany, tahaka ny hazo any an’ala rehefa tsofin’ny rivotra.

Jeremia 12:13

Vary no nafafinareo nefa tsilo no jinjainareo. Nisahirana mafy ny tenanareo fa tsy nisy tombontsoa akory izany. Aoka ho menatra ianareo amin’ny vokatra azonareo! Fa ny fahatezeran’ny TOMPO no mirehitra mamely anareo.

Jeremia 15:3

Karazan-javatra efatra no hotendreko hamely azy, hoy ny teny hentitra avy amiko TOMPO: ny sabatra handringana azy, ny alika hitarika azy lavitra ary ny voromahery mbamin’ny bibidia hihinana sy handripaka azy;

Jeremia 15:8

Ny mpitondratenany dia nohamaroiko noho ny fasika amoron-dranomasina. Na dia mitataovovonana aza ny andro, dia nitondrako mpandringana tao aminy handripaka ny renin’ireo zatovo mpiantafika ary nazerako tampoka teo aminy ny hovitra noho ny tahotra

Jeremia 20:4

Satria izao no lazain’ny TOMPO: «Indro hatolotro ho amin’ny fihorohoroana ianao sy ny namanao rehetra. Ho fatin’ny sabatry ny fahavalony manko ireo namanao; ary ny masonao no hahita izany. Hatolotro eo an-tanan’ny mpanjakan’i Babilôna ny vahoakan’i Joda rehetra ka hoentiny ho babo any Babilôna na hovonoiny ho faty amin’ny sabatra.

Jeremia 5:17

Tapitra haripak’io firenena io avokoa ny vokatrareo sy ny mofonareo, ny zanakareo lahy sy ny zanakareo vavy, ny omby sy ondry aman’osinareo, ary ny voalobokareo sy ny aviavinareo. Horavany amin’ny ady ny tanànamimanda izay noheverinareo hitokiana.

Ezekiela 24:23

Hofehezinareo eny an-dohanareo ny hamama, ary hanaovanareo ny kapanareo, tsy hitaraina ianareo sady tsy hitomany. Nefa hihareraka ianareo noho ny fahadisoanareo, ary hifampitoloko ianareo samy mpiray firenena.

Ezekiela 33:10

«Ry ilay taranak’olombelona, mitenena amin’ny Israelita izay milaza hoe: ‹Vesaran’ny fahadisoanay sy ny fahotanay izahay, ka mila ho levona mihitsy. Koa ahoana moa no hahavelomanay?›

Amosa 5:11

Nohosihosenareo ny malahelo ka nangalanareo am-paham-bary ny vokatra avy aminy. Noho izany, dia tsy hitoetra amin’ny trano vato voapaika nataonareo ianareo, ary tsy hisotro ny divay avy amin’ny voaloboka tsara nambolenareo.

Mika 6:15

Hamafy ianareo, nefa tsy hijinja; hanery ôliva, nefa tsy hihosotra menaka; hanosihosy voaloboka, nefa tsy hisotro divay.

Hagay 1:6

Namafy be ianareo nefa kely no jinjainareo; mihinana ianareo nefa tsy voky ary misotro nefa tsy afa-po; mitafy ianareo nefa tsy mafana; ary ny karaman’ny mpiasa dia mora lany toy ny amin’ny kitapo loaka.»

Zakaria 14:12

Ary izao no aretim-be hamelezan’ny Tompo ny firenen-drehetra izay niady tamin’i Jerosalema: ho simba nofo dieny mbola velona ny olona, ho levona ho azy ao amin’ny fitoerany ny masony, ho tahaka izany koa ny lela ao am-bavany.

Malakia 2:3

Efa mandrahona sahady ny taranakareo Aho; ianareo kosa hamafazako tain-droroha eny an-tavanareo, dia ny tain-drorohan’ireo biby nataonareo sorona tamin’ny andro fety; ary hoesorina miaraka aminy koa ianareo.

Deoteronomia 28:51

hihinana ny vokatry ny fiompianareo sy ny vokatry ny taninareo, mandra-paharinganareo. Tsy havelany ho anareo na vary, na divay, na ny zanak’omby sy ondry aman’osinareo, mandra-pahafongony anareo.

Deoteronomia 32:25

Eny ivelany, dia ny sabatra no handringana; ao an-trano, dia ny tahotra no hahafaty. Ka samy hiharan’izany avokoa na zatovolahy na zatovovavy na zazakely na beantitra.»

Hebreo 10:31

Zavatra mahatahotra izany ho azon’ny tanan’ilay Andriamanitra velona!

Mpitsara 6:11

Ary tonga tao an-tanàna Hôfrà ilay anjelin’ny TOMPO ka nipetraka teo ambanin’ny hazo terebinta izay an’i Jôasy lehilahy anisan’ny tarik’i Abihezera. I Gidehôna zanakalahin’i Jôasy tamin’izay dia teo am-pivelezam-bary tao amin’ny famiazam-boaloboka mba tsy ho hitan’ny Midianita.

1Samoela 2:33

Nefa dia hotanako ihany ny iray amin’ny taranakao ho eo anilan’ny alitarako mba hokikisan’ny fialonana sy ny fahoriam-panahy izy; fa ny sisa rehetra kosa dia ho faty tanora.