Levitikosy 24:16 - DIEM PROTESTANTA

¹⁶ Koa izay manevateva ny anaran’ny TOMPO, dia hatao maty tokoa: hamono azy amin-torabato ny Israelita rehetra tafangona. Na vahiny izy na tompontany, rehefa manevateva ny anaran’Andriamanitra, dia hatao maty tokoa.

Baiboly Protestanta Malagasy 2011

¹⁶ Izay miteny ratsy ny anaran’NY TOMPO dia hovonoina ho faty; hitora-bato azy tokoa ny fiangonana manontolo; na vahiny na tompon-tany, izay miteny ratsy ny anarana, dia hovonoina.

Dikateny Iombonana Eto Madagasikara

¹⁶ Koa izay manevateva ny anaran’ny TOMPO, dia hatao maty tokoa: hamono azy amin-torabato ny Israelita rehetra tafangona. Na vahiny izy na tompontany, rehefa manevateva ny anaran’Andriamanitra, dia hatao maty tokoa.

Baiboly Katolika

¹⁶ ary izay manevateva ny Anaran’i Iaveh, dia hohelohin-ko faty, ka hitora-bato azy ny fiangonana rehetra. Na vahiny, na tompon-tany, rehefa manevateva ny Anarana masina, dia ho faty.

Baiboly Protestanta Malagasy

¹⁶ Fa izay miteny ratsy ny anaran’i Jehovah dia hatao maty mihitsy; hitora-bato azy tokoa ny fiangonana rehetra; na vahiny na tompon-tany, raha miteny ratsy ny Anarana, dia hatao maty izy.

Malagasy Bible

¹⁶ Fa izay miteny ratsy ny anaran'i Jehovah dia hatao maty mihitsy; hitora-bato azy tokoa ny fiangonana rehetra; na vahiny na tompon-tany, raha miteny ratsy ny Anarana, dia hatao maty izy.

La Bible en Malgache

¹⁶ Izay miteny ratsy ny anaran’NY TOMPO dia hovonoina ho faty; hitora-bato azy tokoa ny fiangonana manontolo; na vahiny na tompon-tany, izay miteny ratsy ny anarana, dia hovonoina.

Levitikosy 24:16 Rohy Ifampitohizana

2Samoela 6:2

Dia niainga i Davida sy izany tafika manontolo nomba azy izany ka niala tao Bahala-Joda mba hampakatra ny Vatamasin’Andriamanitra fa eo amin’io Vatamasina io no iantsoana ny anaran’ilay TOMPOn’izao rehetra izao, dia Ilay mipetraka eo ambonin’ny Kerobima.

Salamo 139:20

Miresaka Anao amim-pihatsarambelatsihy ireo fahavalonao sady mitonona Anao mba hoenti-mamitaka.

Salamo 74:10

Andriamanitra ô, mandra-pahoviana no hiteny ratsy Anao ny mpandrafy anay? Ary moa ny fahavalonay ve dia tsy hitsahatra hanamavo Anao?

Salamo 74:18

TOMPO ô, izao no mba tsarovy: miteny ratsy Anao ny fahavalo, manamavo Anao io firenena adala io.

Eksodosy 20:7

«Aza manonom-poana ny anarako ianao fa Izaho TOMPO Andriamanitrao dia mitana ho meloka izay manao toy izany.

Eksodosy 22:28

«Aza avelanareo ho tratra aoriana ny fanateranareo amiko ny santa-bokatrareo sy ny santatry ny divainareo. «Tsy maintsy hatokanareo ho Ahy ny lahimatoanareo.

Levitikosy 20:2

«Izao no lazao amin’ny Israelita. Na iza na iza, Israelita na vahiny valovotaka eo aminy, manolotra ny iray amin’ny zanany ho sorona amin’ny sampy Môlôka, dia hatao maty tokoa; ka torabato no hamonoan’ny mponina tompontany azy.

Matio 12:31

Noho izany, hoy Aho aminareo: havelan’Andriamanitra avokoa ny heloka rehetra vitan’ny olombelona ary koa ny fanevatevana rehetra ataony an’Andriamanitra; fa izay manevateva ny Fanahy Masina kosa dia tsy hahazo famelan-keloka.

Matio 26:66

ka ahoana no hevitrareo? Dia hoy ireo: –Mendrika Azy ny ho faty!

Marka 14:64

Renareo teo ny fanevatevàny an’Andriamanitra, ka ahoana ianareo amin’izany? Dia samy nanameloka an’i Jesoa izy rehetra ka nilaza fa mendrika Azy ny ho faty.

Jaona 19:7

Ny Jiosy kosa namaly azy hoe: –Manana lalàna izahay, ary araka izany lalàna izany dia tokony ho faty Izy, satria nanao ny tenany ho Zanak’Andriamanitra!

Asan’ny Apostoly 26:11

Matetika dia nofaiziko tao amin’ny sinagôga izy ireo ary notereko hivadi-pinoana. Ary noho izaho tena romotra taminy no nanenjehako azy hatrany amin’ny tanànan’ny firenen-kafa.

Asan’ny Apostoly 7:58

ka nitarika azy tany ivelan’ny tanàna sy nitora-bato azy. Ary ny vavolombelona dia nametra-damba teo an-tongotr’izay tovolahy antsoina hoe Saoly izay.

1Timoty 1:13

na dia nanevateva Azy aza taloha sady nanenjika sy nampahory Azy mafy. Kanefa namindran’Andriamanitra fo aho satria tsy mbola nanam-pinoana ka tsy nahalala izay nataoko.

Jakoba 2:7

Ireo no manevateva ilay anarana soa nomen’Andriamanitra anareo.