Levitikosy 21:15 - DIEM PROTESTANTA

¹⁵ Amin’izay, dia tsy ho afa-baràka ny ankohonany eo anivon’ny fianakaviamben’ny mpisorona, Satria Izaho no TOMPO Izay efa nanokana ny mpisorombe hanompo Ahy.»

Baiboly Protestanta Malagasy 2011

¹⁵ Aoka tsy hanao izay hampaloto ny taranany eo amin’ny fireneny izy fa Izaho TOMPO no nanamasina azy.

Dikateny Iombonana Eto Madagasikara

¹⁵ Amin’izay, dia tsy ho afa-baràka ny ankohonany eo anivon’ny fianakaviamben’ny mpisorona, Satria Izaho no TOMPO Izay efa nanokana ny mpisorombe hanompo Ahy.»

Baiboly Katolika

¹⁵ Tsy hanao izay hanala baraka ny taranany eo amin’ny fireneny izy, fa Izaho no Iaveh manamasina azy.»

Baiboly Protestanta Malagasy

¹⁵ Ary aoka tsy hanao izay hahaloto ny taranany eo amin’ny fireneny izy; fa Izaho Jehovah no manamasina azy.

Malagasy Bible

¹⁵ Ary aoka tsy hanao izay hahaloto ny taranany eo amin'ny fireneny izy; fa Izaho Jehovah no manamasina azy.

La Bible en Malgache

¹⁵ Aoka tsy hanao izay hampaloto ny taranany eo amin’ny fireneny izy fa Izaho TOMPO no nanamasina azy.

Levitikosy 21:15 Rohy Ifampitohizana

Genesisy 18:19

Nofidîko izy mba handidiany ireo zanany sy ny taranany hitandrina ny didiko ka hanao ny rariny sy ny hitsiny mba hotanterahiko amin’i Abrahama izay rehetra efa nampanantenaiko momba azy.»

Ezra 2:62

Nitady ny taratasy milaza ny firazanany ry zareo saingy tsy nahita; dia noheverina ho tsy madio ara-pivavahana izy ka nahantona tsy hanao fisoronana.

Ezra 9:2

Ny zanakavavin’ireo manko no nalain’ny lehilahy israelita ho vadiny sy ho vadin’ny zananilahy, hany ka ny taranaka masina no miharoharo amin’ny valovotaka; ary ny lehibe sy mpifehy mihitsy aza no nitari-dàlana tamin’izany fahadisoana izany.

Eksodosy 34:16

Ary haka vady amin’ny zanany vavy ireo zanakalahinareo, ka ireo vehivavy ireo dia hitarika ny zanakalahinareo hanaraka ny fanompoam-pivavahana fanaony amin’ireo andriamaniny.

Levitikosy 19:2

mba hamepetra ny Fiangonana israelita tsivakivolo hoe: «Aoka ho masina ianareo satria masina Aho, ilay TOMPO Andriamanitrareo.

Levitikosy 20:7

Manokàna tena ho Ahy ianareo, ary aoka ho masina fa Izaho no TOMPO Andriamanitrareo.

Levitikosy 21:14

Ny vehivavy maty vady, na nariam-bady, na novetaina, na mpijangajanga, dia tsy azony alaina ho vady; fa vehivavy virijiny, anisan’ny fianakavia-mpisorona, no halain’ny mpisorombe.

Levitikosy 21:16

Dia niteny tamin’i Mosesy ny TOMPO

Levitikosy 21:8

Ianareo Israelita kosa dia aoka hihevitra ny mpisorona ho olona voatokana, satria ny sakafo aroso ho Ahy Andriamanitrareo no atolony. Eny, aminareo ny mpisorona dia ho olona voatokana; satria Izaho TOMPO, Izay nanokana anareo Israelita ho vahoakako, dia masina.

Levitikosy 22:16

raha avelany hihinana izany ny Israelita tsy anisan’ny fianakavia-mpisorona, dia manjary itambesaran-keloka sy manonitra. Fa Izaho no TOMPO Izay efa nanokana ireny zava-masina ireny.»

Malakia 2:11

Efa nivadi-panekena ny vahoakan’i Joda. Zavatra maharikoriko no nataony tao Jerosalema sy tamin’ny tanin’i Israely manontolo; satria nozimbazimbainy ny toeramasina izay mamin’ny TOMPO, ary dia nanambady vehivavy mpivavaka amin’ny andriamani-kafa izy.

Malakia 2:15

Tsy efa nataon’ny TOMPO ho tena iray amin’ny vadinareo ve ianareo, ara-batana sy ara-panahy? Ary inona no tadiavin’izany tena iray izany? Moa va tsy ny hanan-taranaka araka an’Andriamanitra? Koa dia mitandrema tena ianareo, aza ilaozana ny vadin’ny fahatanoranareo.

Matio 23:17

Tsy misaina sady jamba ianareo! Inona no mendri-kaja kokoa, ny volamena sa ny Toeramasina izay mahamasina ny volamena?

Romana 11:16

Raha voatolotra ho an’Andriamanitra ny santatry ny mofo, dia Azy koa ny mofo rehetra. Raha voatokana ho an’Andriamanitra ny foto-kazo, dia Azy koa ny rantsany rehetra.

1Korintiana 7:14

Fa ny lahy tsy mpino dia atokan’Andriamanitra ho Azy, noho ny vadiny kristianina; ary ny vavy tsy mpino dia atokan’Andriamanitra ho Azy, noho ny vadiny kristianina. Raha tsy izany, dia ho tsy mpino ny zanak’izy roa, kanefa izao dia voatokana ho an’Andriamanitra.