Levitikosy 19:5 - DIEM PROTESTANTA

⁵ «Rehefa manolotra sorom-pihavanana amiko TOMPO ianareo, dia ataovy araka izay hahazoanareo sitraka amiko izany.

Baiboly Protestanta Malagasy 2011

⁵ Raha mamono zavatra hatao fanati-pihavanana ho an’NY TOMPO ianareo dia ataovy amin’izay hankasitrahana anareo izany.

Dikateny Iombonana Eto Madagasikara

⁵ «Rehefa manolotra sorom-pihavanana amiko TOMPO ianareo, dia ataovy araka izay hahazoanareo sitraka amiko izany.

Baiboly Katolika

⁵ Raha manatitra sorom-pihavanana amin’i Iaveh ianareo, ataovy araka izay hahazoanareo sitraka aminy, izany.

Baiboly Protestanta Malagasy

⁵ Ary raha mamono zavatra hatao fanati-pihavanana ho an’i Jehovah hianareo, dia ataovy amin’izay hankasitrahana anareo izany.

Malagasy Bible

⁵ Ary raha mamono zavatra hatao fanati-pihavanana ho an'i Jehovah ianareo, dia ataovy amin'izay hankasitrahana anareo izany.

La Bible en Malgache

⁵ Raha mamono zavatra hatao fanati-pihavanana ho an’NY TOMPO ianareo dia ataovy amin’izay hankasitrahana anareo izany.

Levitikosy 19:5 Rohy Ifampitohizana

2Tantara 31:2

Najoron’i Hezekià indray ny antokon’ny mpisorona sy ny levita; ary ankoatra ny fitsinjarana azy araka ny antokony, dia teo koa ny fitsinjarana azy araka ny fanompoany avy. Tao anatin’ireo kianjan’ny tranon’ny TOMPO manko dia nisy mpisorona sy levita nisahana ny sorona dorana manontolo, nisy nisahana ny sorom-pihavanana, ary nisy nisahana ny fanompoam-pivavahana isaorana sy iderana ny Tompo.

Eksodosy 24:5

Naniraka tovolahy israelita izy mba hanolotra sorona dorana manontolo ho an’ny TOMPO sady hitondra ombilahy hatao sorom-pihavanana.

Ezekiela 46:12

«Raha tàhiny kosa ny printsy filoha no te hanao sorona an-tsitrapo amin’ny TOMPO, na sorona dorana manontolo io na sorom-pihavanana, dia tokony hovohana ho azy ny vavahady atsinanana. Hanolotra ireo sorona tahaka ny fanao amin’ny andro sabata izy; ary rehefa tafavoaka izy, dia hohidina ny vavahady.

Ezekiela 46:2

Hiditra avy any an-kianja ivelany manko ny printsy filoha ka hamakivaky ny lalantsaran’ny vavahady. Dia hijoro eo an-tokonam-bavahady izy mandritra ny anoloran’ny mpisorona ny sorona dorana manontolo sy ny sorom-pihavanana nateriny. Dia hiankohoka eo an-tokonam-bavahady eo ny printsy vao handeha, ary tsy hohidina ny varavarana raha tsy efa hariva.

Levitikosy 1:3

«Raha omby no atolotra ho sorona dorana manontolo, dia ombilahy tsy misy kilema no aoka hatolotra; eo anoloan’ny varavaran’ny Tranolay fihaonana no hitondrany azy mba hankasitrahina eo anatrehan’ny TOMPO.

Levitikosy 19:4

«Aza mivily hanaraka ireo andriamani-tsiizy ary aza manao andriamanitra anidina ho anareo. Izaho no TOMPO Andriamanitrareo.

Levitikosy 19:6

Ny andro hamonoana ny sorona sy ny ampitson’iny no hihinananareo azy; fa izay sisa tratry ny andro fahatelo kosa dia hodorana.

Levitikosy 22:19

lahy tsy misy kilema amin’ny omby na ondry na osy no aoka hateriny mba hahazoany sitraka.

Levitikosy 22:21

Raha misy olona manatitra omby na ondry na osy amiko TOMPO ho sorom-pihavanana mba ho fanalàm-boady na ho fanomezana an-tsitrapo, dia biby tsy misy kilema na kely akory aza no aoka hateriny mba hahazoany sitraka.

Levitikosy 22:23

Raha omby na ondry na osy no misy sampona, dia azo aterina ihany ho fanomezana an-tsitrapo; fa raha fanalàm-boady dia tsy hahazoana sitraka izany.

Levitikosy 22:29

«Raha manolotra sorom-pisaorana amiko TOMPO ianareo, dia araka izay hahazoanareo sitraka no anolory azy.

Levitikosy 7:16

«Raha misy olona manatitra sorom-pihavanana fanalam-boady na an-tsitrapo, dia amin’ny andro anaterana azy no ihinanana ampahan’ny hena; izay ambiny kosa azo hanina ampitson’iny,

Levitikosy 7:18

Raha tàhiny hihinanana amin’ny andro fahatelo izany henan’ny sorom-pihavanana izany, dia tsy hahazo sitraka amin’Andriamanitra ny mpanatitra azy; hoheverina ho tsinontsinona izany sorom-pihavanana izany, satria ny henany efa nanjary tsy azo ampiasaina amin’ny fombam-pivavahana intsony. Izay olona mihinana amin’izany dia itambesaran-keloka.