Levitikosy 18:3 - DIEM PROTESTANTA

³ Aza manao araka ny fanaon’i Ejipta izay tany nonenanareo; aza manao araka ny fanaon’i Kanahàna izay tany efa hampidirako anareo; ary aza manaraka ny lalànan’ireny firenena ireny ianareo.

Baiboly Protestanta Malagasy 2011

³ Aza manao ny fanaon’ny tany Ejipta izay nonenanareo; aza manao ny fanaon’ny tany Kanana izay ampidirako anareo ary aza manaraka ny fombany.

Dikateny Iombonana Eto Madagasikara

³ Aza manao araka ny fanaon’i Ejipta izay tany nonenanareo; aza manao araka ny fanaon’i Kanahàna izay tany efa hampidirako anareo; ary aza manaraka ny lalànan’ireny firenena ireny ianareo.

Baiboly Katolika

³ Aza manao toy ny ataon’ny any amin’ny tany Ejipta izay nonenanareo, ary aza manao toy ny ataon’ny any amin’ny tany Kanaana, izay hitondrako anareo; aza manaraka ny lalàn’ireny ianareo.

Baiboly Protestanta Malagasy

³ Aza manao araka ny fanaon’ny tany Egypta, izay nonenanareo; ary aza manao araka ny fanaon’ny tany Kanana, izay ampidirako anareo, ary aza manaraka ny fombany.

Malagasy Bible

³ Aza manao araka ny fanaon'ny tany Egypta, izay nonenanareo; ary aza manao araka ny fanaon'ny tany Kanana, izay ampidirako anareo, ary aza manaraka ny fombany.

La Bible en Malgache

³ Aza manao ny fanaon’ny tany Ejipta izay nonenanareo; aza manao ny fanaon’ny tany Kanana izay ampidirako anareo ary aza manaraka ny fombany.

Levitikosy 18:3 Rohy Ifampitohizana

2Mpanjaka 17:8

ka nanaraka ny fanaon’ny hafa firenena izay efa noroahin’ny TOMPO tsy ho eo anoloan’ny Israelita ary koa nanaraka ny fomba noforonin’ireo mpanjakan’i Israely.

Salamo 106:35

Niharoany ny hafa firenena sady nianarany ny fanaony;

Eksodosy 23:24

Koa aza miankohoka eo anoloan’ny andriamaniny, na manao fanompoam-pivavahana aminy na mianatra ny fanaony, fa ravao mihitsy ny sarivongan’ireo sampiny sady potipoteho ny tsangambatony.

Ezekiela 23:8

Notohizany ny fiainam-pijangajangana efa nataony tany Ejipta. Fa tany, fony mbola tanora izy, dia nisy lehilahy nandry taminy sy nitsapatsapa ny nonony somondrara ka nanaram-po nijangajanga taminy.

Levitikosy 20:23

Aza manaraka ny fanaon’ny firenena izay horoahiko eo anoloanareo; fa noho izy manao ireny ratsy rehetra ireny no nahatonga azy ho halako

Romana 12:2

Aza miray lasitra amin’izao tontolo izao; fa meteza hovan’Andriamanitra ka hihavao saina tanteraka, mba hahaizanareo mamantatra ny sitrapon’Andriamanitra: dia izay tsara sy ankasitrahiny ary lavorary.

Deoteronomia 12:4

Aza anaovanareo fomba toy ireny ny TOMPO Andriamanitrareo;

Deoteronomia 29:17

Koa aoka tsy hisy aminareo, lahy na vavy, na fianakaviana na foko, hanana fo mivily anio ka hiala amin’ny TOMPO Andriamanitsika mba handeha hanompo ny andriamanitr’ireny firenena ireny; aoka tsy hisy aminareo ho tahaka ny fakan-javamaniry miteraka poizina mangidy.

Deoteronomia 9:4

Rehefa voatosiky ny TOMPO Andriamanitrareo teo anoloanareo ireny firenena ireny, dia aoka ianareo tsy hanao anakampo hoe: «Ny fahamarinanay no nampidiran’ny TOMPO anay haka ity tany ity ho fanananay!» Tsy izany, fa ny haratsiam-panahin’ireo no nandroahan’ny TOMPO azy teo anoloanareo.