Josoa 7:26 - DIEM PROTESTANTA

²⁶ Avy eo dia nananganany antontam-bato lehibe teo ambonin’i Hakàna, ary mbola eo mandraka androany ilay antontam-bato. Izany no niantsoana io toerana io hoe lohasaha Hakôra mandraka ankehitriny. Taorian’izany vao nitony ny hatezeran’ny Tompo.

Baiboly Protestanta Malagasy 2011

²⁶ Dia nanangana antontam-bato lehibe hanarona azy mandraka androany izy. Ary NY TOMPO dia nionona tamin’ny fahatezerany mirehitra. Izany no nanaovana ny anaran’izany tany izany mandraka androany hoe: Lohasaha Akora.

Dikateny Iombonana Eto Madagasikara

²⁶ Avy eo dia nananganany antontam-bato lehibe teo ambonin’i Hakàna, ary mbola eo mandraka androany ilay antontam-bato. Izany no niantsoana io toerana io hoe lohasaha Hakôra mandraka ankehitriny. Taorian’izany vao nitony ny hatezeran’ny Tompo.

Baiboly Katolika

²⁶ ary nanangana antontam-bato lehibe teo ambonin’i Akàna ny olona, ka mbola maharitra ao mandraka androany izany. Dia nitony i Iaveh tamin’ny firehetan’ny fahatezerany. Noho izany zava-nitranga izany no iantsoana io toerana io mandraka androany hoe Lohasaha Akora.

Baiboly Protestanta Malagasy

²⁶ Dia nanao antontam-bato lehibe hanarona azy mandraka andro-any izy. Ary Jehovah dia nionona tamin’ny fahatezerany mirehitra. Izany no nanaovana ny anaran’izany tany mandraka andro-any hoe Lohasaha Akora.

Malagasy Bible

²⁶ Dia nanao antontam-bato lehibe hanarona azy mandraka androany izy. Ary Jehovah dia nionona tamin'ny fahatezerany mirehitra. Izany no nanaovana ny anaran'izany tany mandraka androany hoe Lohasaha Akora.

La Bible en Malgache

²⁶ Dia nanangana antontam-bato lehibe hanarona azy mandraka androany izy. Ary NY TOMPO dia nionona tamin’ny fahatezerany mirehitra. Izany no nanaovana ny anaran’izany tany izany mandraka androany hoe: Lohasaha Akora.

Josoa 7:26 Rohy Ifampitohizana

2Samoela 18:17

Nalaina ny fatin’i Absalôma, ka natsipy tao anaty lavaka lehibe iray tany an’ala dia nasiana antontam-bato lehibe teo amboniny. Ary nandositra nody any an-tranony avokoa ny Israelita rehetra.

2Samoela 21:14

Nalevin’ny olona tany amin’ny tanin’i Benjamîna, tao Tsela, tao amin’ny fasan’i Kisy rain’i Saoly ireo taolambalo rehetra ireo; ary vitany avokoa izay nandidian’ny mpanjaka. Rehefa izany, vao nanambina ny tany Andriamanitra.

2Tantara 29:10

Koa nanapa-kevitra aho ny hanao fanekempihavanana amin’ny TOMPO Andriamanitr’i Israely mba hiala amintsika ny fahatezerany mirehitra.

Ezra 10:14

Koa aoka ny lehibentsika no hisolo toerana ny fiangonana manontolo; dia ny Israelita rehetra izay efa nanambady vehivavy hafa firenena no aoka hankatỳ amin’ny fotoanandro homena azy, miaraka amin’ny loholona sy mpitsara isan-tanànany avy. Hotontosainay mihitsy izany raharaha izany mandra-pialan’ilay fahatezeran’Andriamanitsika mirehitra amintsika.

Salamo 85:4

Nofoananao manontolo ny fahatezeranao ka nialanao ny fahaviniranao mirehitra.

Eksodosy 32:12

Raha izany no hataonao, dia hiteny ny Ejiptianina hoe: «Halozana no namoahan’ny Tompo ireo Israelita ireo hiala ny tanintsika, mba handringanany azy any an-tendrombohitra, ary hanafoanany azy tsy ho eto ambonin’ny tany intsony.» TOMPO ô, toneo ny hatezeranao, ary avelao ny loza saika hamelezanao ny vahoakanao.

Isaia 40:2

Omeo toky i Jerosalema ka antsoantsoy aminy fa tapitra ny asa an-terivozona sady vita ny sazy nahatra taminy; ary efa nandray indroa heny tamin’ny tanan’ny TOMPO izy ho avotry ny fahotana rehetra nataony.»

Isaia 65:10

Ho an’ny vahoakako izay nitady Ahy dia hanjary saha fiandrasana ondry i Sarôna, ary hanjary valan’omby ny lohasaha Hakôra.

Fitomaniana 3:53

Nanidy ahy velona tao an-davaka izy ary nanjera vato teo amboniko.

Hosea 2:15

Hofaiziko izy noho ireo andro nandoroany vovo-javamanitra mifangaro ho an’ireo Bahala isan-karazany: niravaka peratra sy firavaka izy, ka nanaraka ireo lehilahy sakaizany; fa Izaho TOMPO kosa nohadinoiny, hoy ny teny hentitra ambarako.

Hosea 2:17

Avy any no hamerenako aminy ny tanimboalobony; ary ho tonga varavaram-panantenana ny lohasahan’i Hakôra. Any no hamaliany Ahy an-kira toy ny tamin’ny androm-pahatanorany, dia tamin’ny andro niakarany niala avy tany Ejipta.

Joela 2:13

Aza ny fitafianareo ihany no triatriarina fa ny fonareo indrindra no ovay.» Miverena amiko TOMPO Andriamanitrareo: Fa miantra sy mamindrafo Izy mahari-po sady be fitiavana ary mamoy ny loza nandrahonany.

Joela 2:18

Tia ny taniny ny TOMPO sady miantra ny vahoakany

Jona 1:15

Dia nobatain’ireo i Jônà ka natsipiny tany anaty ranomasina, ary nijanona ny fisafoaky ny tafio-drivotra.

Zakaria 6:8

Fa niantso ahy ny Tompo ka nanao tamiko hoe: –Jereo fa ireo niroso nankamin’ny faritany avaratra dia hampidina ny Fanahiko amin’io faritany io.

Nomery 25:8

narahiny hatrany an-dainy ilay lehilahy israelita ka nolefoniny niaraka tamin’ny vadiny tao. Dia nitsahatra ny areti-mandringana namely ny Israelita.

Deoteronomia 13:17

angony eo afovoan’ny kianja ny entana rehetra voababo, ka dory avokoa na ny tanàna sy ireo entana ireo mba hafoy ho an’ny TOMPO Andriamanitra; dia ho tanàna aolo lalandava izany tanàna izany ka tsy haorina intsony.

Deoteronomia 13:18

Aoka tsy hisy hataon’ny tananao fihi-mamba ny zavatra efa nafoy holevonina, mba hitsaharan’ny TOMPO amin’ny fahatezerany mirehitra; dia hamindrany fo tokoa ianareo ary hohamaroiny araka ny nampanantenainy ombàm-pianianana tamin’ny razambenareo,

Josoa 10:27

Tamin’ny filentehan’ny masoandro dia nasain’i Josoa nampidinina ny faty, ka natsipy tao amin’ilay zohy efa nieren’ireo mpanjaka ireo ihany ny fatiny; ary vato vaventy mifanongoa no nanentsenana ny vavazohy, ka mbola ao ireny vato ireny mandraka androany.

Josoa 7:24

Dia noraofin’i Josoa sy ny Israelita rehetra i Hakàna zafiafin’i Zera, noraofiny niaraka tamin’ny volafotsy sy ny akanjobeny ary ny anja-bolamena. Nalain’ireo koa ny zanakalahin’i Hakàna sy ny zanakavaviny, mbamin’ny ombiny sy ny borikiny, ondry aman’osiny, ary ny lainy mbamin’izay rehetra azy ka nentiny ho any amin’ny lohasaha Hakôra.

Josoa 8:29

Ny mpanjakan’i Hay kosa nahantona tamin’ny hazo; ka teo ihany mandra-paharivan’ny andro. Nony nilentika ny masoandro, dia nasain’i Josoa naidina ny faty, ka natsipy teo akaikin’ny vavahadin’ny tanàna ary notsindrina antontan-bato miavoavo izay mbola ao mandraka androany.