Josoa 7:11 - DIEM PROTESTANTA

¹¹ Nanota ny Israelita ka nivadika tamin’ny fanekempihavanana nodidiako hotandremany; fa ny zavatra nasaiko nolevonina dia nakany sy nangalany ary nanafenany ka nataony tanaty entany.

Baiboly Protestanta Malagasy 2011

¹¹ Efa nanota ny Israely ka nivadika ny fanekeko izay nandidiako azy satria efa naka tamin’ny zavatra voaozona izy sady koa nangalatra sy namitaka ka nataony ao amin’ny entany ireny.

Dikateny Iombonana Eto Madagasikara

¹¹ Nanota ny Israelita ka nivadika tamin’ny fanekempihavanana nodidiako hotandremany; fa ny zavatra nasaiko nolevonina dia nakany sy nangalany ary nanafenany ka nataony tanaty entany.

Baiboly Katolika

¹¹ Efa nanota i Israely, fa ny fanekeko nasaiko notandremany, nivadihany, ka nangalany ny zavatra natao anatema, norobainy izany, sady namitahany fa nafeniny tany anaty entany.

Baiboly Protestanta Malagasy

¹¹ Efa nanota ny Isiraely ka nivadika ny fanekeko izay nandidiako azy; fa efa naka tamin’ny zavatra voaozona izy, sady nangalatra sy namitaka koa, ka nataony ao amin’ny entany.

Malagasy Bible

¹¹ Efa nanota ny Isiraely ka nivadika ny fanekeko izay nandidiako azy; fa efa naka tamin'ny zavatra voaozona izy, sady nangalatra sy namitaka koa, ka nataony ao amin'ny entany.

La Bible en Malgache

¹¹ Efa nanota ny Israely ka nivadika ny fanekeko izay nandidiako azy satria efa naka tamin’ny zavatra voaozona izy sady koa nangalatra sy namitaka ka nataony ao amin’ny entany ireny.

Josoa 7:11 Rohy Ifampitohizana

2Mpanjaka 18:12

Tonga izany rehetra izany noho ny tsy nihainoan’ny Israelita ny feon’ny TOMPO Andriamaniny ary noho ny nivadihany tamin’ny fanekempihavanana; tsy nohenoiny sady tsy nampihariny manko ny didy rehetra izay nampitain’i Mosesy mpanompon’ny TOMPO.

2Mpanjaka 5:24

Rehefa tonga teo amin’ny toerana atao hoe Hôfela izy, dia nalain’i Gehazỳ ny kitapo sy ny akanjo ka napetrany tao an-tranony; ary nasainy niverina ireo mpanompon’i Nahamàna, ka lasa.

Isaia 24:5

Ny tany dia voaloton’ny mponina ao aminy fa nandika ny lalànan’ny Tompo ireny, tsy nanaraka ny fitsipika fa nivadika tamin’ny fanekempihavanana izay maharitra mandrakizay.

Jeremia 31:32

Kanefa tsy hitovy amin’ilay fanekempihavanana nataoko tamin’ireo razany fony Aho nandray an-tanana hamoaka azy avy tany Ejipta izany. Fa nivadihan’ireo iny, kanefa Izaho no tompony; teny hentitra avy amiko TOMPO izany.

Hosea 6:7

Tao Adama kosa ianareo no nandika ny fanekempihavanana tao ianareo no namadika Ahy.

Levitikosy 5:15

«Raha misy olona manao fanazimbana ny zavatra voatokana ho an’ny TOMPO ka manota tsy nahy momba izany, dia hitondra sorom-panonerana amin’ny TOMPO izy, dia ondrilahy tsy misy kilema, tombanana sekela volafotsy vitsivitsy araka ny sekela fampiasa ao amin’ny Toeramasina: sorom-panonerana izany.

Habakoka 2:6

Ireo vahoaka babo rehetra ireo kosa dia hiara-manao oha-pitenenana hanesoesoana sy hanaratsiana azy.» Eny, ireo vahoaka ireo no hilaza hoe: «Lozanareo mpangoron-karena izay mandraoka ny tsy anareo sady mivesatra ny tsatòka! Mandra-pahoviana no hanaovanareo izany?

Zakaria 5:4

Ny TOMPOn’izao rehetra izao dia manao teny hentitra hoe: Izaho no nampiainga izany ozona izany; hiditra ao an-tranon’ny mpangalatra sy ny mpianiana lainga amin’ny anarako izany, ary hitoetra ao ka handevona ny trano mbamin’ny hazony sy ny vatony.

Matio 22:21

Ka novalian’ireo hoe: –An’ny amperôra rômanina! Tamin’izay dia hoy i Jesoa taminy: –Raha izany àry, dia avereno amin’ny amperôra rômanina izay an’ny amperôra rômanina ary amin’Andriamanitra izay an’Andriamanitra.

Asan’ny Apostoly 5:9

Ary hoy i Petera taminy: –Nahoana no dia niray tetika nizaha toetra ny Fanahin’ny Tompo ianareo? Mby eo an-tokonam-baravarana izao ireo zatovo avy nandevina ny vadinao, ka hoentiny halevina koa ianao.

Deoteronomia 17:2

Ao amin’ny tanàna izay homen’ny TOMPO Andriamanitrareo anareo, dia mety hisy lehilahy na vehivavy hita manao izay ratsy eo imason’ny TOMPO Andriamanitrareo ka mivadika ny fanekempihavanana nataony.

Hebreo 4:13

Tsy misy zavaboaary miafina amin’Andriamanitra; fa ny zavatra rehetra dia mihanjahanja sy miharihary eo imasony, ary Izy no hampamoaka antsika ny amin’izay ataontsika.

Josoa 23:16

raha tàhiny ialànareo ny fanekempihavanana izay efa nandidian’Izy TOMPO Andriamanitrareo anareo; ary raha mandeha manompo andriamani-kafa ianareo ka hiankohoka eo anatrehan’ireo, dia hirehitra aminareo ny fahatezeran’ny TOMPO ka ho levona faingana tsy ho eto amin’ity tany soa nomeny anareo ity ianareo.

Josoa 7:1

Nanao fahadisoana bevava ny Israelita tamin’ny fandikana didy momba ireo zavatra voatokana hafoy ho an’ny TOMPO; fa naka zavatra sasany tamin’ireo i Hakàna, zanakalahin’i Karmỳ sy zafin’i Zabdià ary zafiafin’i Zera sady anisan’ny fokon’i Joda, koa tezitra tamin’ny Israelita ny Tompo.

Josoa 7:10

Dia hoy ny TOMPO tamin’i Josoa: –Mitsangàna fa nahoana ianao no miankohoka toy izao?

Mpitsara 2:20

Nirehi-pahatezerana tamin’ny Israelita ny TOMPO, ka niteny azy hoe: –Ity firenena ity dia nandika ny fanekempihavanana izay nandidiako ny razany, fa tsy nankatò Ahy;

1Samoela 14:38

Dia hoy i Saoly tamin’ny filohan’ny vahoaka: –Avia atỳ ianareo rehetra ka fantaro tsara izay fahotana natao androany.