Josoa 6:21 - DIEM PROTESTANTA

²¹ Ary naringany tamin’ny sabatra avokoa ny mponina rehetra tao na lehilahy na vehivavy na antitra na tanora, mbamin’ny omby sy ny ondry aman’osy ary ny boriky.

Baiboly Protestanta Malagasy 2011

²¹ Ary nataony toy ny zavatra voaozona tamin’ny lelan-tsabatra izay rehetra tao an-tanàna, na lehilahy na vehivavy na tanora na antitra na omby na ondry aman’osy na boriky.

Dikateny Iombonana Eto Madagasikara

²¹ Ary naringany tamin’ny sabatra avokoa ny mponina rehetra tao na lehilahy na vehivavy na antitra na tanora, mbamin’ny omby sy ny ondry aman’osy ary ny boriky.

Baiboly Katolika

²¹ Nony azo ny tanàna dia natolotra ho anatema tamin’ny lelan-tsabatra avokoa izay rehetra tao amin’ny tanàna, na lahy na vavy, na tanora na antitra, ary na dia hatramin’ny omby aman’ondry sy ny ampondra aza.

Baiboly Protestanta Malagasy

²¹ Ary naringany tamin’ny lelan-tsabatra izay rehetra tao an-tanàna, na lehilahy na vehivavy, na tanora na antitra, na omby, na ondry aman-osy, na boriky.

Malagasy Bible

²¹ Ary naringany tamin'ny lelan-tsabatra izay rehetra tao an-tanana, na lehilahy na vehivavy, na tanora na antitra, na omby, na ondry aman'osy, na boriky.

La Bible en Malgache

²¹ Ary nataony toy ny zavatra voaozona tamin’ny lelan-tsabatra izay rehetra tao an-tanàna, na lehilahy na vehivavy na tanora na antitra na omby na ondry aman’osy na boriky.

Josoa 6:21 Rohy Ifampitohizana

1Mpanjaka 20:42

Dia hoy ilay mpaminany taminy: –Izao no lazain’ny TOMPO: «Satria navelanao handeha ilay lehilahy nohelohiko ho faty, dia ianao kosa no ho faty hisolo azy, ary ny vahoakanao no ho faty hisolo ny vahoakany.»

Jeremia 48:18

Ry mponina mahonena ao Dibôna, midìna avy eo amin’ny toeram-boninahitrareo ka mitoera ao anaty fako ianareo, satria miakatra hanafika anareo ilay mpandrava an’i Môaba ka mandrodana ny mandanareo.

Deoteronomia 13:16

dia asio amin’ny sabatra ho faty ny mponina sy ny biby fiompy amin’io tanàna io ka ataovy levona tanteraka ny tanàna sy izay rehetra eo aminy:

Deoteronomia 2:34

Ary afatsika tamin’izay ny tanànany rehetra, ka noravantsika tanteraka; naringantsika ny lehilahy mbamin’ny zaza amam-behivavy isan-tanàna ka tsy nasiantsika niangana na iray akory aza.

Deoteronomia 7:16

Aoka hofongoranareo tsy hisy antra mihitsy ny firenena rehetra izay hatolotry ny TOMPO Andriamanitrareo; ary aza tompoinareo ny andriamaniny, fa ho fandrika hampanompo sampy anareo ireny.

Josoa 10:28

Azon’i Josoa tamin’izany andro izany koa ny tanàna Makedà, ka nasainy novonoina tamin’ny sabatra ny mpanjakany sady nasainy naringana avokoa ny olona rehetra tao ka tsy nisy niangana. Tahaka izay nataon’i Josoa tamin’ny mpanjakan’i Jerikao no nataony tamin’ny mpanjakan’i Makedà.

Josoa 10:39

Azony ny tanàna sy ny mpanjakany mbamin’ireo tanàna manodidina an’i Debira. Naringany tamin’ny sabatra ny mponina rehetra tao ka tsy nisy niangana. Tahaka izay nataon’i Josoa tamin’i Hebrôna sy i Libnà mbamin’ny mpanjakany no nataon’i Josoa tamin’i Debira sy ny mpanjakany.

Josoa 11:11

ary nasainy naringana avokoa ny olona rehetra tao; tsy nisy zava-manana aina niangàna mihitsy, sady nodorana ny tanàna.

Josoa 11:14

Ary norobain’ny Israelita ho azy avokoa ny zavatra rehetra tao amin’ireo tanàna an-kavoana ireo mbamin’ny biby fiompy, fa ny olona rehetra ihany no naringany tanteraka tamin’ny sabatra ka tsy nisy niangana.

Josoa 8:2

Tahaka izay nataonao tamin’i Jerikao sy ny mpanjakany no hataonao amin’i Hay sy ny mpanjakany, saingy azonareo baboina avokoa ny fananany sy ny biby fiompiny. Ametraho miaramila mamitsaka hamely ny tanàna avy ao ivoho.

Josoa 8:22

Ny Israelita tafiditra tao an-tanàna moa nivoaka hamely azy koa, hany ka latsaka teo afovoan’ny Israelita roa tonta ireo lehilahin’i Hay; nasian’ny Israelita ry zareo ka tsy nisy afa-nandositra, ary tsy nisy niangana velona

Josoa 9:3

Ny mponina tao Gibehôna dia isan’ny Hivita; kanefa, nony nandre an’izay nataon’i Josoa tamin’i Jerikao sy i Hay ry zareo,

Apokalipsy 18:21

Ary nisy anjely anankiray manan-kery, naka vato tahaka ny vato lehibe fikoseham-bary, dia nanipy azy tany an-dranomasina ka nanao hoe: «Hatsipy mafy toy izay i Babilôna, ilay tanàna lehibe, ka tsy ho hita intsony!

1Samoela 15:3

Koa ankehitriny, mandehana tafiho ny Hamalekita, ary levony avokoa izay rehetra ananany fa aza asiana miangana sy indrafo. Vonoy ho faty avokoa na lehilahy na vehivavy, na ankizy na zaza minono, na omby na ondry, na rameva na boriky.»

1Samoela 15:8

Nataony jinja fary tamin’ny sabatra ny vahoaka rehetra, afa-tsy i Agaga mpanjakany izay natao sambobelona.