Josoa 24:16 - DIEM PROTESTANTA

¹⁶ Dia namaly ny vahoaka nanao hoe: –Sanatria anay ny handao ny TOMPO mba hanompo andriamani-kafa!

Baiboly Protestanta Malagasy 2011

¹⁶ Dia namaly ny vahoaka hoe: Sanatria raha hahafoy NY TOMPO izahay ka hanompo izay andriamanitra hafa.

Dikateny Iombonana Eto Madagasikara

¹⁶ Dia namaly ny vahoaka nanao hoe: –Sanatria anay ny handao ny TOMPO mba hanompo andriamani-kafa!

Baiboly Katolika

¹⁶ Dia namaly ny vahoaka, ka nanao hoe: Lavitra anay izay handao an’i Iaveh ka hanompo andriamani-kafa.

Baiboly Protestanta Malagasy

¹⁶ Dia namaly ny vahoaka ka nanao hoe: Sanatria raha hahafoy an’i Jehovah izahay ka hanompo izay andriamani-kafa.

Malagasy Bible

¹⁶ Dia namaly ny vahoaka ka nanao hoe: Sanatria raha hahafoy an'i Jehovah izahay ka hanompo izay andriamani-kafa.

La Bible en Malgache

¹⁶ Dia namaly ny vahoaka hoe: Sanatria raha hahafoy NY TOMPO izahay ka hanompo izay andriamanitra hafa.

Josoa 24:16 Rohy Ifampitohizana

Salamo 119:106

Hamafisiko ny velirano izay nataoko, dia ny hitandrina ny fitsipikao ara-drariny.

Romana 3:6

Sanatria izany! Fa raha zavatra tsy rariny no ampiharin’Andriamanitra, hataony ahoana no fitsara an’izao tontolo izao?

Romana 6:2

Sanatria izany! Isika izay efa maty raha ny amin’ny fahotana, hataontsika ahoana no mbola ho velona ao amin’ny fahotana ihany?

Josoa 22:29

Sanatria aminay mihitsy ny hikomy amin’ny TOMPO na hiala amin’ny fanarahana AZY ankehitriny, ka hanorina alitara mba hanolorana sorona dorana manontolo na fanatitra hohanina na sorona hafa. Eo amin’ny alitaran’ny TOMPO Andriamanitray, dia ilay alitara manoloana ny fonena-masiny ihany, no hanoloranay ireny.

Josoa 24:15

Nefa raha tàhiny tsy sitrakareo ny hanompo ny TOMPO, dia fidio anio izay hotompoinareo, na ny andriamanitra izay notompoin’ny razanareo tany ampitan’i Eofrata na ny andriamanitry ny Amôrita izay mponina teto amin’ny tany onenanareo; fa izaho sy ny ankohonako kosa dia hanompo ny TOMPO izahay.

Josoa 24:17

Satria ny TOMPO Andriamanitsika ihany no nampakatra ny razantsika niala tamin’ny toerana fanandevozana tany Ejipta; Izy no nanao ireny famantarana lehibe fantatsika tsara ireny; Izy no niaro ny razantsika teny amin’ny lalana rehetra nalehany sy teny amin’ny firenena rehetra noteteziny.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.