Josoa 2:19 - DIEM PROTESTANTA

¹⁹ Raha misy olona mivoaka ho any ivelan’ny trano, dia izy ihany no tompon’andraikitra amin’ny fahafatesany fa tsy izahay. Ireo rehetra miaraka aminao ao an-tranonao kosa, raha misy olona mamely azy, dia izahay no tompon’andraikitra amin’ny fahafatesany.

Baiboly Protestanta Malagasy 2011

¹⁹ ary izay rehetra mivoaka avy eo am-baravaran’ny tranonao ho eny ivelany dia ho eo an-dohany ihany ny rany ary izahay dia tsy hanan-tsiny; fa izay rehetra mitoetra ao aminao ao an-trano kosa dia ho eo an-dohanay ny rany raha toa ka misy olona mikasi-tanana azy;

Dikateny Iombonana Eto Madagasikara

¹⁹ Raha misy olona mivoaka ho any ivelan’ny trano, dia izy ihany no tompon’andraikitra amin’ny fahafatesany fa tsy izahay. Ireo rehetra miaraka aminao ao an-tranonao kosa, raha misy olona mamely azy, dia izahay no tompon’andraikitra amin’ny fahafatesany.

Baiboly Katolika

¹⁹ Ary izay mivoaka ny varavaran’ny tranonao ho any ivelany, dia azy ho azy ny rany, fa tsy anananay tsiny. Fa raha mikasi-tanana ny anankiray amin’izay rehetra ao an-tranonao, dia anay ho anay ny rany.

Baiboly Protestanta Malagasy

¹⁹ ary izay rehetra mivoaka eo am-baravaran’ny tranonao ho eny ivelany, dia ho eo an-dohany ihany ny rany, ary izahay tsy hanan-tsiny; fa izay rehetra mitoetra ao aminao ao an-trano, dia ho eo an-dohanay kosa ny rany, raha tàhiny misy olona maninona azy akory;

Malagasy Bible

¹⁹ ary izay rehetra mivoaka eo am-baravaran'ny tranonao ho eny ivelany, dia ho eo an-dohany ihany ny ràny, ary izahay tsy hanan-tsiny; fa izay rehetra mitoetra ao aminao ao an-trano, dia ho eo an-dohanay kosa ny ràny, raha tàhiny misy olona maninona azy akory;

La Bible en Malgache

¹⁹ ary izay rehetra mivoaka avy eo am-baravaran’ny tranonao ho eny ivelany dia ho eo an-dohany ihany ny rany ary izahay dia tsy hanan-tsiny; fa izay rehetra mitoetra ao aminao ao an-trano kosa dia ho eo an-dohanay ny rany raha toa ka misy olona mikasi-tanana azy;

Josoa 2:19 Rohy Ifampitohizana

2Samoela 1:16

Ary hoy i Davida taminy: –Nandrora mitsilany ianao izao ka nahavoa tena. Ny vavanao ihany no nanameloka anao ho faty raha nanao hoe: «Izaho no namono ho faty ny mpanjaka voafidin’ny TOMPO.»

2Samoela 4:11

Koa mainka fa misy olon-dratsy namono nahafaty lehilahy tsy nanan-tsiny tao an-tranony sady teo am-parafarany. Tsy maintsy sazîko ianareo izao noho ny namonoanareo an’i Isbôsèta ho faty; ka hofongorako tsy ho amin’ity tany ity intsony ianareo.

1Mpanjaka 2:32

Hataon’ny TOMPO manody an’i Jôaba anie izany, satria olona roa tsy manan-tsiny akory sady tsara fanahy noho izy no nasiany tamin’ny sabatra ka maty, dia i Abinera zanakalahin’i Nera sady filohan-tafik’i Israely sy i Hamasà zanakalahin’i Jetera sady filohan-tafik’i Joda, nefa i Davida raiko tsy mba nahafantatra izany.

Eksodosy 12:13

Fa ho anareo kosa, ny ra dia ho famantarana ny trano izay itoeranareo; koa raha mahita ny ra Aho, dia handalo fotsiny, ka ny areti-mandringana dia tsy hahazo anareo rehefa mamely an’i Ejipta Aho.

Eksodosy 12:22

Makà rantsana hisôpa iray fihina ka atsobohy ao amin’ny ran’ny zanakondry ao anaty koveta, dia hosory ra ny tolàm-baravarana roa sy ny tataom-baravaran’ny tranonareo; ary aoka tsy hisy olona hivoaka ny tranony intsony ambara-pahamarainan’ny andro.

Eksodosy 12:23

Fa handalo mba hanafay ny Ejiptianina ny TOMPO; koa raha mahita ny ra eo amin’ny tataom-baravarana sy ny tolam-baravarana roa ny TOMPO dia handalo ny varavaranareo fotsiny fa tsy hamela ny areti-mandringana hiditra ao an-tranonareo.

Levitikosy 20:11

«Ny lehilahy, izay miray amin’ny vadin-drainy, dia manala baràka ny rainy; ary samy hatao maty tokoa na io lehilahy io na ny vadin-drainy, ka hozakain’izy roroa ny ho faty.

Levitikosy 20:9

«Na iza na iza manozona ny rainy na ny reniny, dia hatao maty tokoa; hozakain’io olona io ny ho faty, noho izy efa nanozona ny rainy na ny reniny.

Matio 24:17

izay any an-tampon-trano aoka tsy hidina haka izay zavatra ao an-tranony;

Asan’ny Apostoly 18:6

Kanefa nanohitra sy nanevateva azy ry zareo; ka dia nanopakopa-damba i Paoly sady nanao taminy hoe: –Anareo ny andraikitra raha toa ka manalavitra an’Andriamanitra ianareo, fa afaka adidy aminareo aho. Manomboka anio dia any amin’ny hafa firenena no halehako.

Asan’ny Apostoly 20:26

Koa izao no ambarako aminareo anio: raha toa ka misy aminareo manalavitra an’Andriamanitra, dia anareo ny andraikitra fa afaka adidy aminareo rehetra aho.

Asan’ny Apostoly 27:31

Kanefa hoy i Paoly tamin’ilay kapiteny rômanina sy ireo miaramila hoe: –Raha tsy mitoetra eto an-tsambo ireo olona ireo, dia tsy ho voavonjy ianareo.

Filipiana 3:9

ary mba hahatafaray ahy aminy. Tsy manana fahamarinana avy amin’ny fanarahan-dalàna aho; fa ny finoana niainan’i Kristy no ahazoako fahamarinana, dia ilay fahamarinana avy amin’Andriamanitra ka miorina amin’ny finoana.

Hebreo 10:29

Hanao ahoana kosa àry izay manao tsinontsinona ilay Zanak’Andriamanitra sy mihevitra fa ny ra iorenan’ny Fanekempihavanana sady nanadiovana azy dia tsy misy hasiny ary maniratsira ny Fanahy Masina nandraisany fahasoavana? Hanao ahoana ny hamafin’ny fampijaliana heverinareo fa tokony hihatra aminy?

Josoa 2:12

Ary ankehitriny, aoka hianiananareo amin’ny Tompo aho fa hamindranareo fo ny fianakaviako tahaka izay namindrako fo taminareo: koa mba omeo famantarana azo antoka aho

Josoa 2:14

Dia novalian’izy roa lahy hoe: –Raha tàhiny tsy ambaranao olona izao fandalovanay mpisafo tany izao, dia hamindra fo sy hanao izay hitsiny aminao izahay, rehefa homen’ny TOMPO anay ity tany ity. Raha tsy izany no ataonay aminareo mianakavy, dia aoka ny ainay no ho faty hisolo ny anareo.

Josoa 2:20

Kanefa, raha tàhiny ambaranao olona izao fandalovanay izao, dia afaka amin’ny fianianana izay nasainao nataonay izahay.