Josoa 18:16 - DIEM PROTESTANTA

¹⁶ Avy eo midina hatrany am-pototr’ilay tendrombohitra manoloana ny lohasahan’i Hinôma ao avaratry ny lohasahan’ny Refaîta, dia manaraka ny lohasahan’i Hinôma amin’ny ilany atsimo manamorona ny havoanan’ny Jebosita, ary midina hatrany Haîna-Rôgela.

Baiboly Protestanta Malagasy 2011

¹⁶ midina hatrany amin’ny faran’ny tendrombohitra, izay tandrifin’ny lohasahan’ny taranak’i Hinoma, eo amin’ny lohasahan’ny Refaìta eo avaratra, midina hatramin’ny lohasahan’i Hinoma, hatramin’ny ilany atsimon’ny Jebosita, midina hatrany Eny-Rogela,

Dikateny Iombonana Eto Madagasikara

¹⁶ Avy eo midina hatrany am-pototr’ilay tendrombohitra manoloana ny lohasahan’i Hinôma ao avaratry ny lohasahan’ny Refaîta, dia manaraka ny lohasahan’i Hinôma amin’ny ilany atsimo manamorona ny havoanan’ny Jebosita, ary midina hatrany Haîna-Rôgela.

Baiboly Katolika

¹⁶ dia nidina ny faritra avy any amin’ny faran’ny tendrombohitra izay tandrifin’ny lohasahan’ny taranak’i Enôma, ao amin’ny tany lemaky ny Rafaima, eo avaratra; dia nidina indray nandeha amin’ny lohasahan’i Enôma, mankamin’ny kisolosolo atsimon’i Jeboseanina, dia nidina hatrany amin’ny loharanon’i Rogela;

Baiboly Protestanta Malagasy

¹⁶ dia nidina hatramin’ny faran’ny tendrombohitra, izay tandrifin’ny lohasahan’ny taranak’i Hinoma, eo amin’ny Lohasahan’ny Refaïta eo avaratra, ka nidina hatramin’ny lohasahan’i Hinoma, hatramin’ny ilany atsimon’ny Jebosita, ka nidina hatrany En-rogela,

Malagasy Bible

¹⁶ dia nidina hatramin'ny faran'ny tendrombohitra, izay tandrifin'ny lohasahan'ny taranak'i Hinoma, eo amin'ny Lohasahan'ny Refaita eo avaratra, ka nidina hatramin'ny lohasahan'i Hinoma, hatramin'ny ilany atsimon'ny Jebosita, ka nidina hatrany En-rogela,

La Bible en Malgache

¹⁶ midina hatrany amin’ny faran’ny tendrombohitra, izay tandrifin’ny lohasahan’ny taranak’i Hinoma, eo amin’ny lohasahan’ny Refaìta eo avaratra, midina hatramin’ny lohasahan’i Hinoma, hatramin’ny ilany atsimon’ny Jebosita, midina hatrany Eny-Rogela,

Josoa 18:16 Rohy Ifampitohizana

2Samoela 17:17

Dia niandry tao Haîna-Rogèla i Jônatàna sy i Ahimahatsa; ary nisy ankizivavy nilaza tamin’izy roa lahy mba hahafahany kosa mampandre an’i Davida mpanjaka, satria natahotra ny hisy mpahita izy raha miditra ny tanàna.

2Samoela 5:18

Nony tonga ny Filistinina dia niparitaka teny amin’ny lohasahan’ny Refaîta.

1Mpanjaka 1:9

Indray andro dia nikorana teo amin’ny vaton’i Zôheleta akaikin’i Haîna-Rôgela i Adônià ka namono ondry sy omby ary biby matavy. Nasainy avokoa ny rahalahiny rehetra zanaky ny mpanjaka ary ny lehilahy rehetra amin’i Joda izay mpanompon’ny mpanjaka.

2Mpanjaka 23:10

Nozimbain’i Jôsià koa ny Tôfeta tao amin’ny lohasahan’i Bena-Hinôma mba tsy handoran’ny olona intsony ny zanany lahy na vavy ho sorona ho an’i Môlôka.

1Tantara 14:9

Dia tonga ny Filistinina ka nandroba tao amin’ny lohasahan’ny Refaîta.

2Tantara 28:3

Nandoro vovo-javamanitra tao amin’ny lohasahan’i Bena-Hinôma koa izy, ary nanolotra ny zanany ho sorona dorana tamin’ny afo, araka ny fomba maharikoriko fanaon’ny hafa firenena izay noroahin’ny TOMPO teo anoloan’ny Israelita.

2Tantara 33:6

ary na ireo zanany lahy aza dia natolony ho sorona dorana teo an-dohasahan’i Bena-Hinôma. Ankoatra izany dia mbola nanandro sady nisikidy sy nanao ody mahery izy, ary naka hevitra tamin’ny olona tsindrian-javatra sy mpanao fitokavana. Dia nahery nanao izay ratsy eo imason’ny TOMPO izy, ka nampahatezitra Azy.

Isaia 30:33

Fa efa voaomana hatry ny ela ny fandoroana, ary ho an’ny mpanjaka ihany koa izany. Faritra boribory, malalaka sady lalina, no namoriana kitay betsaka handrehetana afo; ary dia ny fofonain’ny TOMPO, izay toy ny riakan-tsolifara miredareda, no hampirehitra izany toeram-pandoroana izany.

Jeremia 19:11

ka mitenena aminy hoe: ‹Izao no lazain’ny TOMPOn’izao rehetra izao: Hopotipotehiko ity vahoaka sy tanàna ity tahaka ny anapotipotehina ny siny tanimanga, ka tsy hisy fanafana intsony.› «Ary ny amin’i Tôfeta, dia any no handevenana fa tsy misy toerana handevenana intsony.

Jeremia 19:2

Avy eo dia mivoaha mankany amin’ny lohasahan’i Bena-Hinôma, izay eo anoloan’ny vavahadin’ny vakim-bilany ary any no torio ny hafatra hambarako anao,

Jeremia 19:6

«Noho izany, hoy ny teny hentitry ny TOMPO, dia ho avy ny andro izay tsy hiantsoana ity toerana ity intsony hoe Tôfeta na lohasahan’i Bena-Hinôma, fa hatao hoe lohasaha Famonoana.

Jeremia 32:35

Nanorina toeram-panasinana an’i Bahala tao amin’ny lohasahan’i Hinôma izy mba hanolorany ho sorona ho an’i Môleka ireo zanany lahy sy zanany vavy, nefa zavatra tsy nandidiako azy akory izany sady tsy mba tonga tao am-poko velively. Natao izany zavatra maharikoriko izany mba hampanota ny vahoakan’i Joda.

Josoa 15:63

Ireo Jebosita izay mponina tao Jerosalema kosa dia tsy voaroakan’ny taranak’i Joda, ka mbola miara-monina aminy ao Jerosalema mandraka androany.

Josoa 18:28

i Tselà, i Elefa, ny tanànan’ny Jebosita (izany hoe i Jerosalema), i Gibehata, ary i Kiriata; izany hoe tanàn-dehibe 14 samy miampy ireo tanàna kely miankina aminy. Izany no zaratany nolovan’ny Benjaminita ho an’ireo tarika ao anatiny.

Mpitsara 1:21

Fa ny Jebosita izay nonina tao Jerosalema kosa dia tsy voaroakan’ny taranak’i Benjamîna, ka mbola miara-nonina amin’ny taranak’i Benjamîna ao Jerosalema mandraka androany.

Mpitsara 1:8

Dia nanafika an’i Jerosalema ny vatan-dehilahin’i Joda ka nahazo azy; ary novonoiny tamin’ny sabatra ny mponina sady nodorany ny tanàna.

Mpitsara 19:10

Saingy tsy nanaiky hijanona intsony ralehilahy fa niainga ihany; ary nandeha niaraka taminy ny vadikeliny sy ireo boriky roa efa nisy lasely. Dia tonga teo amin’ny tandrifin’i Jebosa na hoe i Jerosalema izy.