Josoa 11:14 - DIEM PROTESTANTA

¹⁴ Ary norobain’ny Israelita ho azy avokoa ny zavatra rehetra tao amin’ireo tanàna an-kavoana ireo mbamin’ny biby fiompy, fa ny olona rehetra ihany no naringany tanteraka tamin’ny sabatra ka tsy nisy niangana.

Baiboly Protestanta Malagasy 2011

¹⁴ Nalain’ny Zanak’Israely ho babony ny fananana rehetra tao amin’ireny tanàna ireny sy ny biby fiompy ary ny olona rehetra dia nasiany tamin’ny lelan-tsabatra mandra-pandringany azy. Tsy nasiany niangana na dia iray akory aza.

Dikateny Iombonana Eto Madagasikara

¹⁴ Ary norobain’ny Israelita ho azy avokoa ny zavatra rehetra tao amin’ireo tanàna an-kavoana ireo mbamin’ny biby fiompy, fa ny olona rehetra ihany no naringany tanteraka tamin’ny sabatra ka tsy nisy niangana.

Baiboly Katolika

¹⁴ Ary ny zavatra rehetra mety ho babo tamin’ireny, sy ny biby fiompiny dia norobain’ny zanak’i Israely ho azy; fa ny lehilahy rehetra kosa dia nasiany tamin’ny lelan-tsabatra mandra-paharingany, tsy nisy niangana rehefa manana aina.

Baiboly Protestanta Malagasy

¹⁴ Ary ny fananana rehetra tao amin’ireny tanàna ireny sy ny biby fiompy dia nalain’ny Zanak’Isiraely ho babony; fa ny olona rehetra nasiany tamin’ny lelan-tsabatra mandra-pandringany azy; tsy nasiany niangana na dia iray akory aza.

Malagasy Bible

¹⁴ Ary ny fananana rehetra tao amin'ireny tanàna ireny sy ny biby fiompy dia nalain'ny Zanak'Isiraely ho babony; fa ny olona rehetra nasiany tamin'ny lelan-tsabatra mandra-pandringany azy; tsy nasiany niangana na dia iray akory aza.

La Bible en Malgache

¹⁴ Nalain’ny Zanak’Israely ho babony ny fananana rehetra tao amin’ireny tanàna ireny sy ny biby fiompy ary ny olona rehetra dia nasiany tamin’ny lelan-tsabatra mandra-pandringany azy. Tsy nasiany niangana na dia iray akory aza.

Josoa 11:14 Rohy Ifampitohizana

2Tantara 20:25

Dia nandeha nandroba azy i Jôsafata sy ny vahoakany, ka betsaka tokoa ny biby fiompy sy harena ary fitafiana sy fanaka sarobidy hitany. Be loatra ny remby ka na dia nandany telo andro hanangonana aza izy ireo, dia tsy nahazaka azy rehetra.

Nomery 31:9

Nataony sambo-belona ny vehivavy sy ny zaza midianita; nobaboiny avokoa ny biby fiompy rehetra mbamin’ny omby aman’ondriny rehetra ary ny fananany rehetra.

Deoteronomia 20:14

Fa hoentinareo ho anareo kosa ny babo rehetra ao, dia ny zaza amam-behivavy sy ny biby fiompy mbamin’izay rehetra ao an-tanàna; ary hitompoanareo ny babo azo tamin’ny fahavalonareo, satria omen’ny TOMPO Andriamanitrareo ho anareo.

Deoteronomia 20:16

Fa ny tanànan’ireto firenena ireto, tanàna izay omen’ny TOMPO Andriamanitrareo ho fanananareo, dia tsy havelanareo hisy miangana izay olona sy mananaina rehetra ao.

Josoa 10:40

Nalain’i Josoa ny tany manontolo; noreseny avokoa ireo mpanjaka rehetra tany an-tendrombohitra sy ny faritra atsimo ary ny teny amin’ny lemak’i Sefelà sy ny kisolosolo, ka tsy nisy niangana; naringany avokoa izay rehetra manana aina, araka ny didy nomen’ny TOMPO Andriamanitr’i Israely.

Josoa 11:11

ary nasainy naringana avokoa ny olona rehetra tao; tsy nisy zava-manana aina niangàna mihitsy, sady nodorana ny tanàna.

Josoa 11:13

Kanefa ireo tanàna rehetra niorina teny amin’ny havoana dia tsy mba nodoran’ny Israelita, afa-tsy i Hatsôra irery izay nasain’i Josoa nodorana.

Josoa 11:15

Izay baiko rehetra nomen’ny TOMPO an’i Mosesy mpanompony dia nampitainy tamin’i Josoa; ka izany no nataon’i Josoa tsy nisy namelany.

Josoa 8:2

Tahaka izay nataonao tamin’i Jerikao sy ny mpanjakany no hataonao amin’i Hay sy ny mpanjakany, saingy azonareo baboina avokoa ny fananany sy ny biby fiompiny. Ametraho miaramila mamitsaka hamely ny tanàna avy ao ivoho.

Josoa 8:27

Araka ny baiko nomen’ny TOMPO an’i Josoa dia ny biby fiompy sy ny fananana izay tao an-tanàna ihany no azon’ny Israelita baboina.