Josoa 10:32 - DIEM PROTESTANTA

³² Natolotry ny TOMPO teo an-tanan’ny Israelita i Lakisy ka azony tamin’ny andro faharoa. Novonoin’ireo tamin’ny sabatra ny olona rehetra tao, tahaka izay nataony tamin’i Libnà.

Baiboly Protestanta Malagasy 2011

³² Natolotry NY TOMPO teo an-tanan’ny Israely koa i Lakisy ka azony tamin’ny andro faharoa, dia nasiany tamin’ny lelan-tsabatra izy sy ny olona rehetra tao, tahaka izay rehetra efa nataony tamin’i Libna koa.

Dikateny Iombonana Eto Madagasikara

³² Natolotry ny TOMPO teo an-tanan’ny Israelita i Lakisy ka azony tamin’ny andro faharoa. Novonoin’ireo tamin’ny sabatra ny olona rehetra tao, tahaka izay nataony tamin’i Libnà.

Baiboly Katolika

³² Natolotr’i Iaveh teo an-tanan’i Israely i Lakisa, ka tamin’ny andro faharoa dia afany, ary nasiany tamin’ny lelan-tsabatra izy sy ny manana aina rehetra tao, toy ny nataony tamin’i Lebnà.

Baiboly Protestanta Malagasy

³² Dia natolotr’i Jehovah teo an-tànan’ny Isiraely koa Lakisy, ka afany tamin’ny andro faharoa izy; dia nasiany tamin’ny lelan-tsabatra izy sy ny olona rehetra tao, tahaka izay rehetra efa nataony tamin’i Libna koa.

Malagasy Bible

³² Dia natolotr'i Jehovah teo an-tànan'ny Isiraely koa Lakisy, ka afany tamin'ny andro faharoa izy; dia nasiany tamin'ny lelan-tsabatra izy sy ny olona rehetra tao, tahaka izay rehetra efa nataony tamin'i Libna koa.

La Bible en Malgache

³² Natolotry NY TOMPO teo an-tanan’ny Israely koa i Lakisy ka azony tamin’ny andro faharoa, dia nasiany tamin’ny lelan-tsabatra izy sy ny olona rehetra tao, tahaka izay rehetra efa nataony tamin’i Libna koa.

Josoa 10:32 Rohy Ifampitohizana

Eksodosy 17:13

Koa resin’i Josoa tanteraka tamin’ny lelan-tsabatra ny tafika hamalekita.

Isaia 37:8

Dia niverina ilay dekà, ka nankany Libnà izay nataon’ny mpanjakan’i Asiria fahirano tamin’izay; satria reny fa efa nandao an’i Lakisy ny mpanjaka.

Deoteronomia 7:2

Rehefa hatolotry ny TOMPO Andriamanitrareo ho eo ambany fahefànareo ireny ka horesenareo, dia ataovy ringana tanteraka. Aza manao fanekempihavanana aminy na mamindrafo aminy.

Josoa 10:28

Azon’i Josoa tamin’izany andro izany koa ny tanàna Makedà, ka nasainy novonoina tamin’ny sabatra ny mpanjakany sady nasainy naringana avokoa ny olona rehetra tao ka tsy nisy niangana. Tahaka izay nataon’i Josoa tamin’ny mpanjakan’i Jerikao no nataony tamin’ny mpanjakan’i Makedà.

Josoa 10:31

Dia niala tao Libnà i Josoa sy ny Israelita rehetra niaraka taminy ka nankany Lakisy ary nanao fahirano azy sy nanafika azy.

Josoa 10:33

Tamin’izay dia tonga i Hôrama mpanjakan’i Gezera mba hanampy an’i Lakisy, nefa resin’i Josoa izay mbamin’ny tafiny ka tsy nisy niangana.

Josoa 11:12

Ary nalain’i Josoa koa ny tanànan’ireo mpanjaka hafa rehetra mbamin’ny fanjakany, ka naringany tamin’ny sabatra ireo mpanjaka sy ny mponina rehetra isan-tanàna, araka izay efa nandidian’i Mosesy mpanompon’ny TOMPO.