Jona 2:4 - DIEM PROTESTANTA

⁴ Natsipinao tao amin’ny lalina aho, dia tao an-kibon’ny ranomasina. Nanafotra ahy ny riaka; natosakao tamiko avokoa ny alon-dranonao aman’onjanao.

Baiboly Protestanta Malagasy 2011

⁴ Fa efa natsipinao tao amin’ny lalina aho, dia tao amin’ny ranomasina, ka voasafotry ny riaka aho; nanarona ahy ny alondranonao sy ny onjanao rehetra.

Dikateny Iombonana Eto Madagasikara

⁴ Natsipinao tao amin’ny lalina aho, dia tao an-kibon’ny ranomasina. Nanafotra ahy ny riaka; natosakao tamiko avokoa ny alon-dranonao aman’onjanao.

Baiboly Katolika

⁴ Natsipinao tany amin’ny hantsana aho, dia tany anatin’ny ranomasina, ka ny riaka nanodidina ahy; ny alon-dranonao aman’onjanao rehetra nandeha teo amboniko.»

Baiboly Protestanta Malagasy

⁴ Fa efa natsipinao tao amin’ny lalina aho, Dia tao amin’ny ranomasina, Ka voasafotry ny riaka aho; Nanarona ahy ny alon-dranonao sy ny onjanao rehetra.

Malagasy Bible

⁴ Fa efa natsipinao tao amin'ny lalina aho, Dia tao amin'ny ranomasina, Ka voasafotry ny riaka aho; Nanarona ahy ny alon-dranonao sy ny onjanao rehetra.

La Bible en Malgache

⁴ Fa efa natsipinao tao amin’ny lalina aho, dia tao amin’ny ranomasina, ka voasafotry ny riaka aho; nanarona ahy ny alondranonao sy ny onjanao rehetra.

Jona 2:4 Rohy Ifampitohizana

1Mpanjaka 8:42

satria nandre ny lazanao lehibe sy ny fiarovanao mahery ary ny fahefana ampiharinao. Rehefa tonga hivavaka mitodika amin’ity tempoly ity izy,

1Mpanjaka 8:48

ary hiverina aminao amin’ny fo sy fanahy manontolo izy ao amin’izany tany nitondrana azy ho babo izany sady hivavaka mitodika amin’ity taniny izay nomenao ny razany ity sy amin’ity tanàna voafidinao ity ary amin’ity tempoly izay naoriko ho voninahitrao ity,

1Mpanjaka 9:7

dia hongotako ianareo, ry Israelita, tsy ho amin’ny tany izay nomeko anareo; ary hariako lavitra Ahy ity tempoly izay natokako hanajana Ahy ity. Amin’izay ianareo Israelita dia ho tonga fandatsa sy fanaraby any amin’ny firenen-kafa rehetra.

2Tantara 6:38

ary hiverina aminao amin’ny fo sy fanahy manontolo izy ao amin’izany tany nitondrana azy ho babo izany sady mivavaka manandrify ny taniny izay nomenao ny razany ity sy amin’ity tanàna voafidinao ity ary amin’ity tempoly naoriko ho voninahitro ity,

Salamo 31:22

Hisaorana anie Ianao, TOMPO ô, fa nigagàna tokoa ny fitiavanao ahy fony aho toy ny tanàna voafahirano!

Salamo 42:8

Mitambolimbolina ny ranobe, satria mirohondrohona ny riananao; miantonta toy izany hanafotra ahy avokoa ny onja aman’alondranom-pahoriana alefanao.

Salamo 5:7

Haringanao ny mpandainga; ary maharikoriko Anao, TOMPO ô, ny mpamitaka sy mpamono olona.

Salamo 88:6

Any amin’ny maty no anjara toerako toy ireo faty mitsitra ao am-pasana, izay tsy tsaroanao intsony sady tsy ombàn’ny fiarovanao.

Salamo 88:7

Napetrakao any am-paran’ny lavaka aho, any amin’ny haizina tsy hita noanoa.

Isaia 38:17

Indro niova ho fahasambarana ilay fahoriako nangidy dia nangidy. Fatra-pitia ahy Ianao ka tsy namela ahy ho faty; fa narianao any ivohonao ny heloko rehetra.

Isaia 49:14

I Tsiôna nanao hoe: «Efa nandao sy nanadino ahy ilay ANDRIANANAHARY Tompo.»

Jeremia 15:1

Ary hoy ny TOMPO tamiko: –Na dia i Mosesy sy i Samoela aza no mitsangana manelanelana eto amiko, dia tsy handefitra amin’ity vahoaka ity Aho. Roahy hiala eto anatrehako izy mba handeha any!

Jeremia 7:15

Ary ianareo kosa horoahiko lavitra Ahy tahaka ny nandroahako ny olona rehetra mpiray firenena aminareo, dia ny taranaka rehetra tao Efraîma.»

Fitomaniana 3:54

Nandifotra ny lohako ny rano, ka hoy aho hoe: «Very aho ity!»

Ezekiela 37:11

Ary hoy indray ny Tompo tamiko: «Ry ilay taranak’olombelona, ireo taola-maina ireo dia sarin’ny vahoaka israelita rehetra. Fa hoy ny Israelita hoe: ‹Tahaka ny taola-maina izahay, levona ny fanantenanay, fongotra izahay.›

Daniela 6:10

Koa dia nosoniavin’i Dariôsa mpanjaka izany didy aman-dalàna izany.

Jona 2:7

Tany amin’ny fanambanin’ny tendrombohitra no nahatafalatsaka ahy, ka nihidy tamiko mandrakizay ny vavahadin’ny sehatry ny maty. Nefa Ianao, ry TOMPO Andriamanitro ô, nampiakatra ahy velona avy tao an-davaka.