Joda 1:3 - DIEM PROTESTANTA

³ Ry hava-malala, teo am-piezahana mafy hanoratra ho anareo ny amin’ny famonjena iombonantsika aho no nisy nahatery ahy hanoratra aminareo, mba hampirisika anareo hikely aina hiaro ny finoana izay efa natolotra tanteraka tamin’ny vahoakan’Andriamanitra.

Baiboly Protestanta Malagasy 2011

³ Ry malala, raha manao izay zotom-po rehetra hanoratra aminareo aho hilaza ny amin’ny famonjena iombonantsika dia nisy nahatery ahy hanoratra aminareo, hampirisika anareo mba hiadianareo mafy hiaro ny finoana izay voatolotra indray mandeha monja ho an’ny olona masina.

Dikateny Iombonana Eto Madagasikara

³ Ry hava-malala, teo am-piezahana mafy hanoratra ho anareo ny amin’ny famonjena iombonantsika aho no nisy nahatery ahy hanoratra aminareo, mba hampirisika anareo hikely aina hiaro ny finoana izay efa natolotra tanteraka tamin’ny vahoakan’Andriamanitra.

Baiboly Katolika

³ Ry malala, noho ny faniriako mafy hanoratra aminareo ny amin’ny famonjena iombonantsika, dia voatery hanoratra ity taratasy ity ho anareo aho, mba hamporisika anareo hikely aina hiaro ny finoana, izay natolotra ny olo-masina indray mandeha monja.

Baiboly Protestanta Malagasy

³ Ry malala, raha manao izay zotom-po rehetra hanoratra aminareo aho hilaza ny amin’ny famonjena iombonantsika, dia nisy nahatery ahy hanoratra aminareo, hananatra mba hiezahanareo mafy hiaro ny finoana izay efa voatolotra indray mandeha monja ho an’ny olona masina.

Malagasy Bible

³ Ry malala, raha manao izay zotom-po rehetra hanoratra aminareo aho hilaza ny amin'ny famonjena iombonantsika, dia nisy nahatery ahy hanoratra aminareo, hananatra mba hiezahanareo mafy hiaro ny finoana izay efa voatolotra indray mandeha monja ho an'ny olona masina.

La Bible en Malgache

³ Ry malala, raha manao izay zotom-po rehetra hanoratra aminareo aho hilaza ny amin’ny famonjena iombonantsika dia nisy nahatery ahy hanoratra aminareo, hampirisika anareo mba hiadianareo mafy hiaro ny finoana izay voatolotra indray mandeha monja ho an’ny olona masina.

Joda 1:3 Rohy Ifampitohizana

Nehemia 13:25

Dia nifandahatra tamin’ireo lehilahy ireo aho ka nanozona azy; nokapohiko aza ny sasany ary norombotako ny volon-dohany. Dia nampianiana azy tamin’Andriamanitra aho mba tsy hanome ny zanakavaviny ho vadin’ny hafa firenena, ary mba tsy haka ny zanakavavin’ny hafa firenena ho vadin’ny tenany na ny zanakalahiny; sady hoy aho hoe:

Isaia 45:17

Ianareo kosa, ry vahoaka Israely, dia nandray famonjena mandrakizay avy amin’ny TOMPO. Tsy ho menatra na ho afa-baràka na oviana na oviana ianareo.

Isaia 45:22

Mitodiha atỳ amiko, dia ho voavonjy ianareo, ry olona amin’ny vazan-tany rehetra; satria Izaho no Andriamanitra fa tsy misy hafa.

Jeremia 9:3

Samia miaro tena amin’ny namany avy ianareo ary aza matoky olona na dia ny rahalahy aza; fa Jakôba vaovao mamitaka tokoa izy, ary na ny sakaiza aza manaratsy anareo.

Asan’ny Apostoly 17:3

nohazavainy sady nasehony taminy fa, araka ny Soratra Masina, dia tsy maintsy nijaly ny Mesia ary nitsangana velona avy tany amin’ny maty. Ka hoy i Paoly: –Izao Jesoa ambarako aminareo izao no ilay Mesia!

Asan’ny Apostoly 18:28

teny feno hery tokoa no nandreseny lahatra ny Jiosy ampahibemaso ka nanaporofoany tamin’ny alalan’ny Soratra Masina fa i Jesoa no ilay Mesia.

Asan’ny Apostoly 20:27

Tsy nafeniko fa notorîko taminareo avokoa ny fikasan’Andriamanitra.

Asan’ny Apostoly 28:28

Dia nofaranan’i Paoly: –Aoka ho fantatrareo fa izany tenim-pamonjena avy amin’Andriamanitra izany dia efa nampitondraina ho any amin’ny hafa firenena ka izy ireo dia hihaino. [

Asan’ny Apostoly 4:12

Ao aminy no hany ahazoam-pamonjena; eny, tsy misy eto ambanin’ny lanitra anarana hafa nomen’Andriamanitra ny olona, izay hahazoantsika famonjena!

Asan’ny Apostoly 6:7

Niroborobo ny tenin’Andriamanitra, nitombo be dia be ny isan’ny mpianatra tao Jerosalema, ary nisy mpisorona maro nanaiky ny finoana.

Asan’ny Apostoly 9:13

Izao kosa no navalin’i Hananià: –Maro, Tompoko, ny olona niresaka tamiko momba io lehilahy io ka samy nilaza ny ratsy rehetra vitany tamin’ireo anisan’ny vahoakanao tany Jerosalema.

Asan’ny Apostoly 9:22

Vao mainka feno hery ny toritenin’i Saoly: nasehony marimarina fa i Jesoa no Mesia, hany ka resy lahatra ny Jiosy mponina tao Damasy.

1Korintiana 15:3

Izao no fampianarana isan’ny voalohany indrindra voaraiko ary nampitaiko taminareo: i Kristy dia maty ho fanalana ny fahotantsika araka ny voalazan’ny Soratra Masina,

Galatiana 2:5

Fa tsy nikoy mihitsy izahay taminy, na indray mihelina aza, mba ho Vaovao Mahafaly marim-pototra no voatana ho anareo.

Galatiana 3:28

Koa tsy misy intsony ny hoe Jiosy na hafa firenena, tsy misy intsony ny hoe mpanompo na tsy mpanompo, tsy misy intsony ny hoe lehilahy na vehivavy; fa olona iray ihany ianareo rehetra, noho ianareo tafaray amin’i Kristy Jesoa.

Galatiana 6:11

Jereo amin’ny havaventin’ny soratra fa tanako mihitsy no anoratako ho anareo izao.

Efesiana 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny sitrapon’Andriamanitra. Mamangy anareo atỳ Efeso aho, dia ianareo vahoakan’Andriamanitra sady mpino tafaray amin’i Kristy Jesoa.

Deoteronomia 21:9

Izany no hialanareo andraikitra amin’ny famonoana olona tsy manan-tsiny, satria nanao izay mahitsy eo imason’ny TOMPO ianareo.

Deoteronomia 9:10

Dia nomen’ny TOMPO ahy ny takela-bato anankiroa, voasoratry ny rantsan-tanan’Andriamanitra ka nirakitra ny didy rehetra nolazain’ny TOMPO taminareo; avy tao anatin’ny afo no nilazany an’ireny tao an-tendrombohitra fony ianareo vory ho fivondronambe.

Filipiana 1:1

Avy amiko Paoly ity taratasy ity. Mamangy anareo vahoakan’Andriamanitra rehetra atỳ Filipy aho, dia ianareo efa tafaray amin’i Kristy Jesoa ary ao anatin’izany ireo mpitondra Fiangonana sy diakônina. Mamangy anareo koa i Timôty. Samy mpanompon’i Kristy Jesoa izahay.

Filipiana 1:27

Izao ihany: manàna fitondrantena mendrika ny Vaovao Mahafaly momba an’i Kristy. Ka amin’izany, tonga moa aho, dia hahita anareo; tsy tonga kosa, dia handre ny aminareo: ka ho fantatro fa miorina tsara amin’ny firaisam-panahy ianareo, sady miray fo miara-miezaka hampandroso ny finoana vokatry ny Vaovao Mahafaly.

Kolosiana 1:2

Ho aminareo anie ny fahasoavana sy ny fiadanana avy amin’Andriamanitra Raintsika!

1Tesaloniana 2:2

Fantatrareo koa fa taloha kelin’izay, dia nampijalîna sy nalam-baràka tany Filipy izahay; kanefa dia nomen’ilay Andriamanitray fahasahiana hanambara taminareo ny Vaovao Mahafaly avy aminy, na dia be aza ny fanoherana.

1Timoty 1:18

Ry Timôty zanako, izany fepetra izany no atolotro anao, araka ireo hafatr’Andriamanitra voalaza fahiny tamin’ny fanendrena anao. Raiso ireo ho fitaovam-piadiana amin’ny ady tsara,

1Timoty 6:12

Miadia ny ady tsaran’ny finoana, hazòny ny fiaina-maharitra mandrakizay, fa ho any amin’izany fiainana izany no niantsoan’Andriamanitra anao fony ianao nanambara ilay fiekem-pinoana fatratra teo anatrehan’ny vavolombelona maro.

2Timoty 1:13

Ireo teny efa renao tamiko no ataovy fenitra ho anao, ka tano mafy amin’ny finoana sy ny fitiavana ananantsika tafaray amin’i Kristy Jesoa.

Titosy 1:4

Mamangy anao aho, ry Tito, dia ianao izay tena zanako ao amin’ny finoana iombonantsika. Ho aminao anie ny fahasoavana sy ny fiadanana avy amin’Andriamanitra Ray sy i Kristy Jesoa Mpamonjy antsika!

Hebreo 13:22

Mangataka aminareo aho, ry havana; raiso tsara izany lahateny fampaherezana izany, fa teny fohifohy ihany no andefasako azy an-tsoratra aminareo.

Hebreo 6:9

Na izany aza no teninay, ry hava-malala, dia zavatra tsara kokoa sady miantoka ny famonjena anareo no antenainay, raha ny aminareo.

1Petera 5:12

Amin’ny alalan’i Silasy, rahalahy mahatoky, no nanoratako fohifohy taminareo; mananatra anareo aho sy manambara aminareo fa izany no tena fahasoavan’Andriamanitra, ka tomoera tsara amin’izany.

2Petera 1:1

Avy amiko Simôna Petera ity taratasy ity, dia izaho mpanompon’i Jesoa Kristy sady apôstôliny. Mamangy anareo aho, dia ianareo izay nahazo finoana sarobidy tahaka ny anay, noho i Jesoa Kristy, Andriamanitsika sy Mpamonjy antsika, efa niantra antsika.

2Petera 2:21

Aleo manko tsy nahafantatra ny lala-marina soritan’Andriamanitra izy, toy izay efa nahafantatra vao nihemotra mandao ny didy masina natolotra azy.

Joda 1:1

Avy amiko Joda ity taratasy ity, dia izaho mpanompon’i Jesoa Kristy sady rahalahin’i Jakôba. Mamangy anareo voaantson’Andriamanitra aho, dia ianareo tiavin’Andriamanitra Ray sy tahiriziny ho an’i Jesoa Kristy.

Joda 1:17

Ianareo kosa, ry hava-malala, tsarovy ny teny efa nolazain’ireo apôstôlin’i Jesoa Kristy Tompontsika;

Joda 1:20

Ianareo kosa, ry hava-malala, ataovy izay handrosoanareo amin’ny finoana masina indrindra efa anananareo, ka mivavaha ombàn’ny herin’ny Fanahy Masina;

Apokalipsy 12:11

Ireo havantsika kosa dia naharesy ilay mpiampanga, ka ny ra nafoin’ny Zanakondry sy ny tenin’Andriamanitra nijoroan’izy ireo ho vavolombelona no nandreseny azy; ary tsy nankamamy ny ainy intsony ireo na dia ho faty aza.

Apokalipsy 2:10

Aza matahotra na inona na inona amin’izay fijaliana efa hanjo anao; indro ny devoly efa hanao am-ponja ny sasany aminareo, mba ho voazaha toetra ianareo ary hiaritra fahoriana mandritra ny folo andro. Aoka ho mahatoky ambara-pahafaty ianao, dia ny fiainana no homeko anao ho satroboninahitra.