Jeremia 9:24 - DIEM PROTESTANTA

²⁴ Indro avy ny andro, hoy ny teny hentitry ny TOMPO, izay hirotsahako an-tsehatra hamely ireo voafora ivelany fotsiny:

Baiboly Protestanta Malagasy 2011

²⁴ Indro, avy ny andro, hoy NY TOMPO, izay hamaliako ny voafora rehetra izay toy ny tsy voafora,

Dikateny Iombonana Eto Madagasikara

²⁴ Indro avy ny andro, hoy ny teny hentitry ny TOMPO, izay hirotsahako an-tsehatra hamely ireo voafora ivelany fotsiny:

Baiboly Katolika

²⁴ Indro avy ny andro, - teny marin’i Iaveh, - izay hamaizako ny voafora rehetra, miaraka amin’ny tsy voafora,

Baiboly Protestanta Malagasy

²⁴ Indro, avy ny andro, hoy Jehvoah, Izay hamaliako ny voafora rehetra mbamin’ny tsy voafora koa,

Malagasy Bible

²⁴ Indro, avy ny andro, hoy Jehovah, izay hamaliako ny voafora rehetra mbamin'ny tsy voafora koa,

La Bible en Malgache

²⁴ Indro, avy ny andro, hoy NY TOMPO, izay hamaliako ny voafora rehetra izay toy ny tsy voafora,

Jeremia 9:24 Rohy Ifampitohizana

Salamo 20:7

Fantatro izao ankehitriny fa ny TOMPO manome fandresena ny mpanjaka nohosorany; avy any an-danitra toeramasiny no amaliany ny vavaka ataony, ka ny herin’ny tanany ankavanana no anolorany fandresena ho azy.

Salamo 34:2

Hisaotra ny TOMPO lalandava aho ary tsy hitsahatra hidera Azy ny vavako.

Salamo 34:3

Ny TOMPO no reharehako; koa mifalia, ry mpandefitra, rehefa mandre ny fideràko Azy.

Salamo 44:8

fa Ianao no mamonjy anay amin’ny fahavalonay sy manafo-kenatra ny mpankahala anay.

Salamo 44:9

Ianao Andriamanitra no ankalazainay mandrakariva ary ny voninahitrao no derainay mandrakizay. Fiatoana

Salamo 51:1

Tao amin’ny tahirin-kiran’ny filohan’antoko-mpihira. Salamo nataon’i Davida,

Salamo 91:14

Hoy ny Tompo hoe: «Nifikitra tamiko izy, ka hovonjeko; harovako izy satria miaiky ahy ho Tompo.

Salamo 99:4

Ry mpanjaka mahery sy tia rariny ô, Ianao no nampiorina ny hitsiny sady niantoka ny rariny sy ny fitsarana teo amin’ny taranak’i Jakôba.

Isaia 20:5

Dia ho kivy sy ho diso fanantenana ireo Israelita ireo, izay nanantena an’i Etiôpia na nihambo tamin’ny fanampian’i Ejipta.»

Isaia 41:16

Hokororohinao hoentin’ny rivotra izy sy haelin’ny tadio; fa ianao kosa dia Izaho TOMPO no hifalianao ary Izaho ilay Masin’i Israely no hireharehanao.

Isaia 45:25

Fa ny taranak’i Israely rehetra kosa dia Izaho TOMPO no hahazoany rariny sy hataony fireharehana.

Isaia 61:8

Satria Izaho TOMPO dia tia rariny ka mankahala ny fandrobana an-kafetsena; homeko onitra ara-pahamarinana ianareo ary hanaovako fanekempihavanana mandrakizay.»

Jeremia 22:16

Notsarainy ara-drariny tokoa ny mahantra sy ny malahelo; ary nahitany hasambarana izany. Moa tsy izay manao toy izany ve no tena mahalala marina Ahy TOMPO, hoy ny teny hentitra ambarako?

Jeremia 4:2

Raha araka ny rariny sy ny hitsiny ary ny marina no hanaovanao fianianana hoe: «Velona ny TOMPO, ka mianiana aho fa...», dia ny firenen-kafa koa hangataka hotahîko sady hanao Ahy ho reharehany.

Mika 6:8

Tsia, ry olombelona, fa efa nampianarina anao ny fitondrantena tsara sy izay tadiavin’ny TOMPO aminao: dia ny hanao ny rariny sy handala ny fitiavana ary ny hanaraka an’Andriamanitrao amim-panetrentena.

Mika 7:18

Tsy misy andriamanitra mitovy aminao, ry TOMPO mpanaisotra ny heloka. sy mpamela ny fahadisoana. Noho ireo sisa velona aminay vahoaka fanananao, dia tsy mitahiry fahatezerana mandrakizay Ianao fa tia maneho fitiavana aminay.

Matio 11:27

Efa natolotry ny Raiko ho Ahy ny zavatra rehetra; ary tsy misy olona mahalala tsara ny Zanaka afa-tsy ny Ray, na mahalala tsara ny Ray afa-tsy ny Zanaka mbamin’izay tian’ny Zanaka hanehoana azy!

Lioka 10:22

Efa natolotry ny Raiko ho Ahy ny zavatra rehetra; ary tsy misy olona mahalala ny Zanaka afa-tsy ny Ray, na mahalala ny Ray afa-tsy ny Zanaka mbamin’izay tian’ny Zanaka hanehoana Azy!

Jaona 17:3

Ary izao no aina maharitra mandrakizay: dia ny mahalala Anao hany Andriamanitra tokana sady marina sy ny mahalala an’i Jesoa Kristy Ilay nirahinao.

Romana 5:11

Tsy izany ihany, fa mirehareha ao amin’Andriamanitra koa isika amin’ny alalan’i Jesoa Kristy Tompontsika, Ilay nahazoantsika izao fihavanantsika amin’Andriamanitra izao.

1Korintiana 1:31

Noho izany, araka ny voalazan’ny Soratra Masina, «izay mirehareha, dia ny nataon’ny Tompo no aoka hireharehany.»

2Korintiana 10:17

Fa hoy ny Soratra Masina hoe: «Izay mirehareha dia ny nataon’ny Tompo no aoka hireharehany»;

2Korintiana 4:6

Fa Andriamanitra, Izay nandidy hoe: «Aoka ny mazava hamirapiratra avy ao anaty haizina», no nampamirapiratra ny mazava ao am-ponay, mba hampisehoanay ny fahalalana ny voninahitr’Andriamanitra, izay hita eo amin’ny tavan’i Jesoa Kristy.

Galatiana 6:14

Raha ny amiko, dia sanatria raha mba misy hataoko rehareha afa-tsy ny hazofijalian’i Jesoa Kristy Tompontsika: fa tamin’ny alalan’ny hazofijaliany no efa maty izao tontolo izao raha ny amiko, ary izaho kosa efa maty raha ny amin’izao tontolo izao.

Filipiana 3:3

Isika, fa tsy ry zareo, no mpitandro ny tena famorana, dia isika manompo an’Andriamanitra araka ny fanentanan’ny Fanahy Masina ary mirehareha noho isika tafaray amin’i Kristy Jesoa fa tsy mitoky amin’ny fombafomban’olombelona.

1Jaona 5:20

Ary fantatsika fa tonga ny Zanak’Andriamanitra ka efa nanome antsika fahazavan-tsaina mba hahalalantsika an’ilay Andriamanitra tena Izy; ary tafaray amin’izany Andriamanitra tena Izy izany isika, amin’ny alalan’i Jesoa Kristy Zanany Izay Andriamanitra tena Izy sady fiaina-maharitra mandrakizay.

1Samoela 15:22

Dia hoy indray i Samoela hoe: –Moa sitraky ny TOMPO mihoatra noho ny fankatoavana AZY ve ny sorona dorana manontolo sy sorona hafa? Tsia! Fa tsara noho ny sorona rehetra ny fankatoavana AZY ary tsara noho ny jaboran’ondrilahy ny fanekena Azy.