Jeremia 9:2 - DIEM PROTESTANTA

² «Toy ny tsipîka mihenjana ny lelany, hoy ny teny hentitry ny TOMPO. Lainga fa tsy toetra mahatoky no anjakany eo amin’ny tany. Mandroso miharatsy hatrany izy, ary Izaho kosa tsy fantany.

Baiboly Protestanta Malagasy 2011

² Manenjana ny lelany toy ny fanenjana tsipìka izy mba handefa lainga. Ary tsy tamin’ny fahamarinana no nahazoany hery etỳ ambonin’ny tany; fa mandroso amin’ny ratsy kokoa hatrany izy ary tsy mba fantany Aho, hoy NY TOMPO.

Dikateny Iombonana Eto Madagasikara

² «Toy ny tsipîka mihenjana ny lelany, hoy ny teny hentitry ny TOMPO. Lainga fa tsy toetra mahatoky no anjakany eo amin’ny tany. Mandroso miharatsy hatrany izy, ary Izaho kosa tsy fantany.

Baiboly Katolika

² Manenjan-dela, toy ny tsipìka, handefasan-dainga; tsy amin’ny marina no mahahery azy amin’ny tany, fa mivarilavo amin’ny fahotana ihany izy ireo, ary Izaho tsy mba fantany, - teny marin’i Iaveh. -

Baiboly Protestanta Malagasy

² Manenjana ny lelany toy ny fanenjana tsipìka izy mba handefa lainga. Ary tsy araka ny marina no mahahery azy etỳ ambonin’ny tany; Fa mandroso amin’ny ratsy ka hatramin’ny ratsy izy, Ary Izaho tsy mba fantany, hoy Jehovah.

Malagasy Bible

² Manenjana ny lelany toy ny fanenjana tsipìka izy mba handefa lainga. Ary tsy araka ny marina no mahahery azy etỳ ambonin'ny tany; Fa mandroso amin'ny ratsy ka hatramin'ny ratsy izy, ary Izaho tsy mba fantany, hoy Jehovah.

La Bible en Malgache

² Manenjana ny lelany toy ny fanenjana tsipìka izy mba handefa lainga. Ary tsy tamin’ny fahamarinana no nahazoany hery etỳ ambonin’ny tany; fa mandroso amin’ny ratsy kokoa hatrany izy ary tsy mba fantany Aho, hoy NY TOMPO.

Jeremia 9:2 Rohy Ifampitohizana

Isaia 59:3

Satria voaloto amin’ny ra ny felatananareo ary voaloto amin’ny heloka ny rantsan-tananareo; lainga sy fanaratsiana no afafin’ny teninareo.

Jeremia 12:1

TOMPO ô, mpandala ny rariny Ianao ka tsy tokony mifandahatra aminao aho. Nefa ny amin’ireto toe-javatra ireto dia te hiady hevitra aminao aho. Nahoana no ahitam-pahombiazana ny lalana ombàn’ny olon-dratsy? Ary nahoana no miadam-pinaritra ireo rehetra mpivadika aminao?

Jeremia 12:6

Fa na dia ireo mpiray foko aminao aza, eny na dia ireo iray fianakaviana aminao aza, dia mamitaka anao ka miantso olona am-badika hanohitra anao. Aza matoky azy, na dia tsara vava aminao aza izy.

Jeremia 13:22

Amin’izay dia hanontany tena ianao hoe: «Ahoana no nahatonga izao tamiko?» Ny halehiben’ny fahadisoanao no nanaingàna ny morontongotr’akanjonao ka nanaovana an-keriny taminao.

Jeremia 23:10

«Feno olona mijangajanga ny tany. Mirohotra amin’ny faharatsiana izy ary feno fahasahiana hanao tsy rariny. Noho izany, misaona ny tany ary tonga maina ny kijàna.

Jeremia 4:22

«Adala tokoa ny vahoakako fa tsy mahalala Ahy», hoy ny Tompo. Ankizy tsy misaina ireo, tsy mahatakatra na inona na inona, tsy kinga afa-tsy amin’ny fanaovan-dratsy fa raha izay hanao ny tsara tsy hainy.

Jeremia 5:1

Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Jeremia 5:11

Fa efa nivadika tamiko mihitsy na ny fanjakan’i Joda na ny fanjakan’i Israely, hoy ny teny hentitry ny TOMPO.

Jeremia 5:2

Rehefa manao fianianana ny mponina, dia manao hoe: «Velona ny TOMPO, ka mianiana aho...»; nefa tsy marina akory ny fianianany.

Hosea 4:2

Fa mitombo ny fanozonana olona sy ny famitahana azy ary ny famonoana azy ho faty, mbamin’ny halatra sy ny fanitsakitsaham-bady; mifandimby ny ra latsaka.

Hosea 5:7

Namadika ny TOMPO izy fa niteraka zazasary. Ankehitriny, iray volana latsaka dia ho levona izy mbamin’ny fananany.

Hosea 6:7

Tao Adama kosa ianareo no nandika ny fanekempihavanana tao ianareo no namadika Ahy.

Hosea 7:4

Samy mpanitsakitsa-bady avokoa izy, ka toy ny lafaoro voafana loatra izay tsy soronan’ny mpanendy mofo intsony hatramin’ny namolavolany ny koba ka mandra-pibontsiny.

Mika 6:12

Mpanao herisetra ny mpanan-karena amin’ity renivohitra ity; ary mandainga sy mamitaka ny hafa ireo mponina ao aminy.

Zefania 3:4

Mpieboebo sady mpamitaka ireo mpaminaniny; zimbazimbain’ireo mpisorony kosa ny zavatra voatokana ho an’Andriamanitra ary dikainy ny lalàna.

Malakia 2:11

Efa nivadi-panekena ny vahoakan’i Joda. Zavatra maharikoriko no nataony tao Jerosalema sy tamin’ny tanin’i Israely manontolo; satria nozimbazimbainy ny toeramasina izay mamin’ny TOMPO, ary dia nanambady vehivavy mpivavaka amin’ny andriamani-kafa izy.

Malakia 2:14

Dia anontanianareo ny anton’ny tsy anekeny izany intsony. Ny antony dia satria efa nanaiky teo anatrehan’ny TOMPO ianareo fa ho mahatoky amin’ny vadin’ny fahatanoranareo. Vady vita fanekena taminareo izany, nefa dia nilaozanareo.

Jakoba 4:4

Olona mivadika amin’Andriamanitra ianareo! Tsy fantatrareo ve fa izay misakaiza amin’izao tontolo izao dia fahavalon’Andriamanitra? Koa na iza na iza te ho sakaizan’izao tontolo izao, dia mampahatonga ny tenany ho fahavalon’Andriamanitra.

Mpitsara 2:10

Ary rehefa tapitra maty avokoa izany taranaka izany ka voaangona any amin’ny razany, dia taranaka hafa indray no nandimby azy, taranaka izay tsy nahalala akory ny TOMPO sy ny asa nataony ho an’i Israely.