Jeremia 8:9 - DIEM PROTESTANTA

⁹ Mahazo henatra ny hendry ary ketraka satria voafandrika; nanamavo ny tenin’ny TOMPO izy ka inona indray no mahahendry azy?

Baiboly Protestanta Malagasy 2011

⁹ Mahazo henatra ny hendry, raiki-tahotra izy, voasambotra izy; indro, nolaviny ny tenin’NY TOMPO, koa inona intsony no fahendrena ananany?

Dikateny Iombonana Eto Madagasikara

⁹ Mahazo henatra ny hendry ary ketraka satria voafandrika; nanamavo ny tenin’ny TOMPO izy ka inona indray no mahahendry azy?

Baiboly Katolika

⁹ Ny hendry dia efa mahazo henatra, miraviravy tanana, ary voasambotra; indro fa nanary ny tenin’i Iaveh izy ireo! Ka inona intsony no ho fahendreny eo...?

Baiboly Protestanta Malagasy

⁹ Mahazo henatra ny hendry, Raiki-tahotra sy voasambotra izy; Indro, ny tenin’i Jehovah dia nolaviny, Ka inona intsony no fahendrena ananany?

Malagasy Bible

⁹ Mahazo henatra ny hendry, raiki-tahotra sy voasambotra izy; Indro, ny tenin'i Jehovah dia nolaviny, ka inona intsony no fahendrena ananany?

La Bible en Malgache

⁹ Mahazo henatra ny hendry, raiki-tahotra izy, voasambotra izy; indro, nolaviny ny tenin’NY TOMPO, koa inona intsony no fahendrena ananany?

Jeremia 8:9 Rohy Ifampitohizana

2Mpanjaka 17:15

Nolaviny ny lalànan’Andriamanitra sy ny fanekempihavanana izay nataony tamin’ny razany ary ny fampitandremana nananarany azy. Nanenjika zava-poana izy ka dia tonga zava-poana koa; ary nanaraka ny hafa firenena manodidina azy sady efa nandraran’ny TOMPO azy tsy hotahafina.

Joba 5:12

Izy no mampandamoka ny tetiky ny fetsy ratsy, ka ho tsinontsinona izay asan’ny tanany.

Joba 5:13

Ny hafetsen’ny hendry ihany no amandrihany azy, ary ataony maty momoka ny tolo-tsainy.

Salamo 19:7

Ny faravodilanitra atsinanana no iaingany ary ny faravodilanitra andrefana no iafarany; ka, eny amin’ny lalan-kizorany eny, dia tsy misy afa-miery amin’ny hafanàny.

Isaia 19:11

Tena adala mihitsy ireo printsy ao Tsôhàna. Ary tena very saina ireo olon-kendrin’ny Farao. Ahoana no samy ilazanareo amin’ny Farao hoe: «Izaho dia zanak’olon-kendry sady taranak’ireo mpanjaka fahagola?»

Isaia 29:14

Noho izany, indro Aho mbola hanao zava-mahagaga ho an’ity firenena ity, dia zava-mahagaga sy mahazendana; fa ho foana ny fahendren’ny olon-kendriny ary ho takona ny fahaizan’ny manampahaizany.»

Isaia 43:27

Ilay razanao voalohany efa nanota, ary ireo mpitondrateninao efa nikomy tamiko.

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Jeremia 15:6

Ianao no nandao Ahy sy niamboho Ahy, hoy ny teny hentitra avy amiko TOMPO. Koa nahinjitro hamely anao ny tanako mba handevona anao fa efa sasatry ny mandefitra Aho.

Jeremia 19:7

Eto amin’ity toerana ity no hanafoanako ny pôlitikan’i Joda sy i Jerosalema ka hataoko lavon-tsabatra eo anatrehan’ireo fahavalony izay mitady hahafaty azy ny mponina ao aminy, ary homeko ho sakafon’ny voromahery sy ny bibidia ny fatiny.

Jeremia 2:8

Tsy nanontany akory ny mpisorona hoe: «Mba aiza àry izao ny TOMPO?» Ny mpahay lalàna kosa tsy nahalala Ahy, ireo mpitarika nikomy tamiko, ny mpaminany niteny tamin’ny anaran’i Bahala, ary izy rehetra samy nifikitra tamin’ny andriamani-tsiizy sady tsy mahasoa.

Jeremia 49:7

Fanambarana momba an’i Edôma. Izao no lazain’ny TOMPOn’izao rehetra izao: Tsy misy olon-kendry intsony ve ao Temàna? Efa very saina ve ireo matsilo saina? Sa efa vasoka ny fahendreny?

Jeremia 6:15

Tokony hahamenatra azy ny zava-maharikoriko nataony; nefa tsy menatra akory izy sady tsy mahatsapa ny hadisoany. Noho izany, hoy ny TOMPO, dia anisan’ireo ho lavo izy; ka amin’ny andro hamaliako azy, no hitrosenany amin’ny tany.

Jeremia 6:19

Mihainoa, ry mponina rehetra eran-tany: Indro hahatonga loza ho an’io firenena io Aho, dia loza vokatry ny hevi-dratsiny ihany, satria tsy niraharaha ny teniko izy sady naniratsira ny fampianarako.

Ezekiela 7:26

Hifanesy tonga ny antambo ary hifanindry ny filazana loza. Ny mpaminany hitakiana fahitana fa tsy hisy; ny mpisorona tsy manana fampianarana intsony ary ireo loholona tsy manome tolo-kevitra.

Amosa 2:4

Izao no lazain’ny TOMPO: «Fahotana mifanesy no vitan’ny mponin’i Joda, fa indrindra ireto: Nanao tsinontsinona ny fampianarako izy ary tsy nitandrina ny didiko sady nanaiky ho voafitaky ny andriamanitra sampy izay efa notompoin’ireo razany. Noho izany, dia tsy hahemotro ny sazy momba azy:

Zakaria 13:4

Amin’izany andro izany, ny mpaminany ho menatra ny haminany sy hilaza ny fahitany, ka tsy ho sahy hamita-bahoaka intsony amin’ny fitafiana akanjo volom-biby,

Deoteronomia 4:6

Koa tandremo sy tanteraho izany, fa hiheverana anareo ho hendry sy manan-tsaina eo imason’ny firenen-kafa; handre ireny lalàna rehetra ireny mantsy izy ka ho loa-bolana hoe: «Mba vahoaka hendry sy manan-tsaina tokoa io firenena lehibe io!»

2Timoty 3:15

Hatramin’ny fahazazànao no efa nahalalanao ny Soratra Masina izay manome fahendrena anao hahazoanao famonjena, noho ny finoanao an’i Kristy Jesoa.