Jeremia 5:6 - DIEM PROTESTANTA

⁶ Noho izany dia hivoaka hamely azy avy ao amin’ny kirihitr’ala ny liona; ary handrotidrotika azy eny an-tsaha ny amboadia. Ny leôparda hamitsaka eo akaikin’ny tanànany ka hamiravira izay rehetra mivoaka avy ao, satria nohamaroiny ny fahadisoany ary tsy hita isa ny fiodinany.

Baiboly Protestanta Malagasy 2011

⁶ Koa noho izany dia mamely azy ny liona avy any an’ala ary mandringana azy ny amboadia avy any an-tany efitra; miandry hamely ny tanànany ny leoparda, koa izay rehetra mivoaka avy ao dia viraviraina; fa efa maro ny fahadisoany, ary fatratra ny fikomiany.

Dikateny Iombonana Eto Madagasikara

⁶ Noho izany dia hivoaka hamely azy avy ao amin’ny kirihitr’ala ny liona; ary handrotidrotika azy eny an-tsaha ny amboadia. Ny leôparda hamitsaka eo akaikin’ny tanànany ka hamiravira izay rehetra mivoaka avy ao, satria nohamaroiny ny fahadisoany ary tsy hita isa ny fiodinany.

Baiboly Katolika

⁶ Noho izany ny liona avy any an’ala mamely azy; ny amboadia avy any an’efitra mandringana azy; ny pantera mamitsaka eo anoloan’ny tanànany, ka izay mivoaka avy ao voaviravira avokoa; satria efa maro ny hadisoany, ary efa betsaka ny fiodinany.

Baiboly Protestanta Malagasy

⁶ Koa noho izany dia mamely azy ny liona avy any an-ala, Ary mandringana azy ny amboadia avy any an-efitra, Ny leoparda miandry hamely ny tanànany, Ka izay rehetra mivoaka avy ao dia viraviraina; Fa efa maro ny fahadisoany, Ary fatratra ny fiodinany.

Malagasy Bible

⁶ Koa noho izany dia mamely azy ny liona avy any an'ala, ary mandringana azy ny amboadia avy any an-efitra, ny leoparda miandry hamely ny tanànany, ka izay rehetra mivoaka avy ao dia viraviraina; Fa efa maro ny fahadisoany, ary fatratra ny fiodinany.

La Bible en Malgache

⁶ Koa noho izany dia mamely azy ny liona avy any an’ala ary mandringana azy ny amboadia avy any an-tany efitra; miandry hamely ny tanànany ny leoparda, koa izay rehetra mivoaka avy ao dia viraviraina; fa efa maro ny fahadisoany, ary fatratra ny fikomiany.

Jeremia 5:6 Rohy Ifampitohizana

2Tantara 36:14

Ny lohandoha-mpisorona sy ny loholom-bahoaka rehetra koa dia naniratsira an’Andriamanitra araka ny fanompoan-tsampy maharikoriko fanaon’ny hafa firenena, ka nandoto ny tempoly izay efa natokan’ny TOMPO ho Azy tao Jerosalema.

Ezra 10:10

Dia nitsangana i Hezrà ka nanao taminy hoe: –Ry lehilahy israelita, efa nanao izay mahadiso tokoa ianareo satria naka vehivavy hafa firenena ho vadinareo ka nampitombo ny fahotan’ny firenentsika.

Ezra 9:6

ka nivavaka nanao hoe: –Andriamanitro ô, menatra sy mangaihay loatra aho; ka tsy sahiko ny miandrandra aminao, ry Andriamanitro ô, satria efa nihamaro sady niavosa mihoatra ny lohanay ny helokay ary lehibe manakatra ny lanitra ny fahotanay.

Joba 10:16

Raha mba mitraka aho, dia hihaza ahy toy ny liona ianao, ka ny asanao mahatalanjona no hamelezanao ahy indray.

Salamo 104:20

Arosonao ny haizina, dia tonga ny alina izay hihetsiketsehan’ny biby rehetra ao an’ala.

Salamo 80:13

Nahoana àry no dia noravanao ny fefy manodidina an’ilay voalobokao, ka mioty azy ny mpandalo rehetra?

Isaia 1:23

Mpikomy ireo mpanapaka anao, sady mpiray tsikombakomba amin’ny mpangalatra. Samy tia tsolotra izy rehetra, ary mpandray kolikoly avokoa. Ny kamboty tsy entiny ara-drariny ary ny adin’ny mpitondratena tsy tsarainy.

Isaia 59:12

TOMPO ô, imbetsaka izahay no efa nikomy taminao tokoa; miampanga anay ny helokay ary manjohy anay ny otanay, ka fantatray tsara ny hadisoanay.

Jeremia 14:7

TOMPO ô, miampanga anay ny fahadisoanay; nefa miasà Ianao ho voninahitry ny anaranao. Niodina taminao matetika izahay; taminao no nanotanay.

Jeremia 2:15

Tahaka ny fieron’ny biby masiaka no fandrahonan’ireo azy; ka nahatonga ny taniny ho lao sy nandorana ny tanànany ho tsy azo onenana.

Jeremia 2:17

Ny nahatonga izany taminao ve tsy noho ny nandaozanao ny TOMPO Andriamanitrao tamin’ny andro nitantanany anao teny an-dalana?

Jeremia 2:19

Aoka ho voasazy ianao noho ny ratsy nataonao ary hofaizina noho ny fivadihanao! Ho fantatrao amin’izay fa mangidy sy ratsy ny nandaozanao Ahy TOMPO Andriamanitrao sy ny tsy anajanao Ahy intsony, hoy ny teny hentitry ny Tompo, ANDRIAMANITR’izao rehetra izao.

Jeremia 2:31

Aoka hodinihinareo ny tenin’ny TOMPO ry taranaka ankehitriny! Moa ve efa nanjary mahatahotra toy ny taniefitra na toy ny tany ao anaty haizina Aho, ry Israely? Ry vahoakako, nahoana no ilazanareo hoe: «Efa afaka izahay ka tsy hiverina aminao intsony?»

Jeremia 25:38

Tahaka ny liona tanora nandao ny kirihitra fiereny no fahalasanan’ireo mpitondra Efa tonga lao ny taniny satria mahatsiravina ny ady ary mirehitra ny hatezeran’ny Tompo.

Jeremia 30:14

Manadino anao avokoa ireo sakaizanao ary tsy misy miahy anao mihitsy; satria Izaho no nikapoka anao toy ny fahavalo namely anao, ka nofaiziko mafy ianao.

Jeremia 30:15

Nahoana no itarainanao ny fahavoazanao sy ny fanaintainanao tsy azo tonena? Ny halehiben’ny helokao sy ny hamaroan’ny otanao no nampiharako izany taminao.

Jeremia 30:24

Tsy hitsahatra mirehitra ny fahatezeran’ny TOMPO, raha tsy efa nahatontosa sy nahatanteraka izay fandaharan-javatra notapahiny. Amin’ny andro any aoriana any vao tena ho takatrareo izany.

Jeremia 4:7

Miakatra avy any anaty akata ny liona ary efa eny an-dalana ny mpandrava firenena; niala tao amin’ny toerany izy mba handrava ny taninareo sy hampahalao ny tanànanareo tsy hisy mponina intsony.

Jeremia 49:19

Hoy koa ny TOMPO: «Indro Aho toy ny liona miakatra avy ao an-kirihitralan’i Jôrdàna ka mirifatra mankany amin’ny fonenany; ka ao anatin’ny indray mipi-maso no hampandosirako ireo Edômita. Ary hapetrako hifehy ao Edôma ilay nofidiko ho lehibeny. Koa iza no azo ampitahaina amiko? Iza no sahy hifandahatra amiko? Ary iza no mpitondra hahatohitra Ahy?»

Jeremia 8:5

Koa nahoana àry ity vahoaka ity, no niodina, ry Jerosalema, ka mikiribiby amin’izany fiodinany izany? Mifikitra amin’ny andriamani-tsiizy izy ka tsy mety miverina amiko.

Jeremia 8:7

Na dia ny vano aza dia mahalala ny fotoanandro fifindrany lasy; ary ny domohina sy ny sidintsidina mbamin’ny tsikorovana koa samy mitandrina ny fotoana fiverenany, fa ny vahoakako kosa tsy mahalala ny fitsipiko.

Fitomaniana 1:5

Ny fahavalony no lasa ambony ary ny mpiady aminy no miadana; satria ny TOMPO no mampahory an’i Tsiôna noho ireo fahadisoany maro. Atosi-pahavalo ireo zanany madinika no lasa ho any an-tsesitany.

Ezekiela 16:25

Isaky ny vavalalana dia nanorenanao toeram-panasinana; ary nandoto ny hatsaran-tarehinao teo ianao fa vao mainka nijangajanga bebe kokoa tamin’izay rehetra nandalo.

Ezekiela 22:27

Lian-dra tahaka ny amboadia mamiravira haza ireo mpitondra ny vahoaka, ka mamono olona ho faty mba hangoronan-karena tsy an-drariny.

Ezekiela 23:19

Kanefa vao mainka nijangajanga kokoa aza izy ka nahatsiaro ny androm-pahatanorana izay nijangajangany tany Ejipta.

Daniela 7:4

Ny voalohany dia tahaka ny liona ary nanana elatry ny voromahery; saingy raha mbola nijery aho dia nesorina taminy ny elany, ary ningaina avy amin’ny tany izy ka nitsangana tamin’ny tongony tahaka ny olona, sady nomena fisainan’olombelona.

Daniela 7:6

Taorian’izany dia mbola nijery aho, ka indro nisy iray hafa koa tahaka ny leôparda, nanana ela-borona efatra tao an-damosiny. Nanana loha efatra ilay biby sady nomena azy ny fanapahana.

Hosea 5:14

Vao mainka aza Izaho TOMPO ho tahaka ny liona mamely anareo ary ho toy ny liona tanora hamely ny taranak’i Joda. Izaho dia Izaho no handratra ny rembiko, ka handeha hitondra azy ary tsy hisy haharombaka azy amiko.

Habakoka 1:8

Faingam-pandeha noho ny leôparda ny soavaliny, ary kinga noho ny amboadia miremby takariva. Avy lavitra ny mpitaingin-tsoavaliny no mitsamboamboatra ary mirimorimo toy ny voromahery miantoraka amin-kaza.

Zefania 3:3

Toy ny liona mierona ireo lehibeny; toy ny amboadia mihaza hariva ny mpitsarany, ka tsy mitahiry remby ho tra-maraina.

Nomery 32:14

Ary ianareo, ry andian’olona mpanota, indreo ianareo fa manara-dia ireo rainareo ka hampirehitra indray ny fahatezeran’ny TOMPO amin’ny Israelita.

Apokalipsy 13:2

Ilay biby izay hitako dia sahala amin’ny leoparda; saingy tahaka ny tongotr’orsa ny tongony, ary tahaka ny vavan’ny liona ny vavany. Nomen’ilay dràgona azy ny heriny sy ny sezafiandrianany ary fahefana lehibe.