Jeremia 46:18 - DIEM PROTESTANTA

¹⁸ –Teny hentitra no ataon’ilay Mpanjaka Izay antsoina hoe «TOMPOn’izao rehetra izao»: Velona aho ka mianiana fa ho tonga ny fahavalo. Azo antoka tahaka ny fisian’i Tabôra amin’ny samy tendrombohitra izany; azo antoka tahaka ny fisian’i Karmela izay mandòndona eo amoron-dranomasina!

Baiboly Protestanta Malagasy 2011

¹⁸ Raha velona koa Aho, hoy ny Mpanjaka, ny anarany dia Andriamanitra, Tompon’izao rehetra izao: Tahaka an’i Tabara amin’ny tendrombohitra sy tahaka an’i Karmela ao amoron-dranomasina, dia ho tahaka izany no hiaviany.

Dikateny Iombonana Eto Madagasikara

¹⁸ –Teny hentitra no ataon’ilay Mpanjaka Izay antsoina hoe «TOMPOn’izao rehetra izao»: Velona aho ka mianiana fa ho tonga ny fahavalo. Azo antoka tahaka ny fisian’i Tabôra amin’ny samy tendrombohitra izany; azo antoka tahaka ny fisian’i Karmela izay mandòndona eo amoron-dranomasina!

Baiboly Katolika

¹⁸ Velona Aho, - teny marin’ny Mpanjaka, tompon’ny anarana hoe: Iavehn’ny tafika: Tahaka an’i Tabôra eo amin’ny tendrombohitra, tahaka an’i Karmela, eo ambonin’ny ranomasina, dia tamy izy.

Baiboly Protestanta Malagasy

¹⁸ Raha velona koa Aho, hoy ny Mpanjaka, Jehovah, Tompon’ny maro, no anarany: Tahaka an’i Tabara amin’ny tendrombohitra, Sy tahaka an’i Karmela ao amoron-dranomasina, Dia ho tahaka izany no hihaviany.

Malagasy Bible

¹⁸ Raha velona koa Aho, hoy ny Mpanjaka, Jehovah, Tompon'ny maro, no anarany: Tahaka an'i Tabara amin'ny tendrombohitra, sy tahaka an'i Karmela ao amoron-dranomasina, dia ho tahaka izany no hihaviany.

La Bible en Malgache

¹⁸ Raha velona koa Aho, hoy ny Mpanjaka, ny anarany dia Andriamanitra, Tompon’izao rehetra izao: Tahaka an’i Tabara amin’ny tendrombohitra sy tahaka an’i Karmela ao amoron-dranomasina, dia ho tahaka izany no hiaviany.

Jeremia 46:18 Rohy Ifampitohizana

Salamo 89:12

Anao ny lanitra, Anao koa ny tany; Ianao no nanorina izao tontolo izao sy izay rehetra mameno azy.

Isaia 47:4

hoy Ilay Mpanavotra anay. Ny TOMPOn’izao rehetra izao no anarany, dia Ilay Masin’i Israely.

Isaia 48:2

Eny, ianareo izay mitonon-tena ho avy amin’ny tanàna masina ka miankina amin’Andriamanitr’i Israely Izay «TOMPOn’izao rehetra izao» no anarany, henoy àry izao teniko izao:

Jeremia 10:10

Fa ny TOMPO kosa no tena Andriamanitra, Andriamanitra velona sy Mpanjaka mandrakizay. Rehefa tezitra Izy, dia mihorohoro ny tany; ary ny firenena dia tsy mahatanty ny fahavinirany.

Jeremia 10:16

Fa tsy mitovy amin’ireo ny Tompo, ilay Anjaran’i Jakôba, satria Izy no mpamorona ny zava-drehetra; ary ny vahoaka Israely dia fananany. Ilay TOMPOn’izao rehetra izao no anarany.

Jeremia 4:13

Indro tamy ny fahavalo: toy ny rahona no iakarany hanafika, toy ny rambon-danitra no firimorimon’ny kalesiny ary faingana noho ny voromahery ny soavaliny. Very isika, fa ringana tanteraka!

Jeremia 4:7

Miakatra avy any anaty akata ny liona ary efa eny an-dalana ny mpandrava firenena; niala tao amin’ny toerany izy mba handrava ny taninareo sy hampahalao ny tanànanareo tsy hisy mponina intsony.

Jeremia 44:26

Kanefa henoy tsara kosa izay ambarako aminareo, ry Jodeanina rehetra izay monina atỳ Ejipta, fa Izaho TOMPO no miteny izao: Indro mianiana amin’ny tenako Aho fa tsy hisy lehilahy jodeanina intsony manerana an’i Ejipta, hanonona ny anarako hoe: ‹Velona ny Tompo ANDRIANANAHARY, ka mianiana aho...!›

Jeremia 48:15

Mananika ny tanànanareo ilay mpandrava an’i Môaba, ka nampidina ho amin’ny famonoana ireo zatovonareo voafantina. Izany no teny hentitra ataon’ilay Mpanjaka Izay antsoina hoe «TOMPOn’izao rehetra izao.»

Jeremia 51:17

Ketrina avokoa ny olona rehetra ka tsy mahatakatra ny hevitr’izany. Ireo mpandasitra sarivongan-tsampy dia menatra avokoa tamin’ny nataony; satria fitaka ireo sarivongana ireo fa tsy manam-pofonaina akory.

Jeremia 51:57

«Homamoiko ireo mpitondra azy sy ny olon-kendriny, ireo governorany sy ny lefiny ary ireo maherifony. Hatory mandrakizay ireny ka tsy hifoha intsony, hoy ny teny hentitr’ilay Mpanjaka, izay antsoina hoe TOMPOn’izao rehetra izao.»

Amosa 4:13

Satria tandremo fa Izy no mpamorona ny tendrombohitra sy mpahary ny rivotra, Izy no manambara amin’ny olombelona ny fikasany, mahatonga ny maraina ho haizina sady mandeha eny am-paratampon’ny tany: Ny TOMPO Andriamanitr’izao rehetra izao no anarany.

Malakia 1:14

Ho voaozona anie ny mpamitaka izay manana biby salama ao amin’ny andian’ondriny; saingy rehefa manao voady izy, dia biby manan-kilema no ataony sorona amiko. Eny, mpanjaka lehibe ny tenako, hoy Izaho TOMPOn’izao rehetra izao; ary mampihorohoro ny firenen-drehetra ny lazako.

Matio 5:35

na amin’ny tany, satria fitoeran-tongotr’Andriamanitra izany; na amin’i Jerosalema, satria tanànan’ny mpanjaka lehibe izany;

1Timoty 1:17

Ho an’ilay Mpanjaka mandrakizay, dia Andriamanitra tokana, tsy mety maty sady tsy hita maso, ho Azy anie ny haja sy ny voninahitra mandrakizay mandrakizay! Amen.

Josoa 12:22

i Kedesa, i Jôknehama any Karmela,

Josoa 19:22

Ny sisin-tany dia mihazo an’i Jabôra sy i Sahatsaîma ary i Bety-Semesa, ka miafara any Jôrdàna. Ny velaran-tanin’i Jisakara dia nisy tanàn-dehibe 16 samy miampy ireo tanàna kely miankina aminy.

Mpitsara 4:12

Dia notantaraina tamin’i Siserà fa niakatra any an-tendrombohitra Tabôra i Baràka, zanakalahin’i Abinôhama.

Mpitsara 4:6

Indray andro i Debôrà dia nampiantso an’i Baràka zanakalahin’i Abinôhama; nampiantsoiny avy any Kedesa any amin’ny faritra naftalîta izy ka nilazany hoe: –Izao no andidian’ny TOMPO Andriamanitr’i Israely anao: Mandehana maka vatan-dehilahy andiany folo avy amin’ny fokon’i Naftalỳ sy i Zebolòna, ka tariho any an-tendrombohitra Tabôra.