Jeremia 42:2 - DIEM PROTESTANTA

² dia nanatona an’i Jeremià mpaminany ka niteny taminy hoe: –Mba ekeo re ny fiangaviana ataonay eto anatrehanao, ka mivavaha amin’ny TOMPO Andriamanitrao ho anay rehetra sisa tavela ireto satria vitsy kely izahay araka izao hitanao maso izao.

Baiboly Protestanta Malagasy 2011

² ka niteny tamin’i Jeremia mpaminany hoe: Miangavy anao izahay, aoka hoborahina eto anatrehanao ny fifonanay, ary mba mivavaha re ho anay amin’NY TOMPO Andriamanitrao, dia ireto sisa rehetra ireto, fa vitsy izahay no sisa, na dia maro aza fahiny, dia araka izao hitan’ny masonao izao,

Dikateny Iombonana Eto Madagasikara

² dia nanatona an’i Jeremià mpaminany ka niteny taminy hoe: –Mba ekeo re ny fiangaviana ataonay eto anatrehanao, ka mivavaha amin’ny TOMPO Andriamanitrao ho anay rehetra sisa tavela ireto satria vitsy kely izahay araka izao hitanao maso izao.

Baiboly Katolika

² ka nanao taminy hoe: «Aoka ho tonga eo anatrehanao anie izao fihantanay izao: mivavaha amin’i Iaveh Andriamanitrao, ho an’izao sisa rehetra izao, fa maro izahay taloha, nefa efa tonga vitsy sisa araka izao hitan’ny masonao izao.

Baiboly Protestanta Malagasy

² ka niteny tamin’i Jeremia mpaminany hoe: Masìna hianao, aoka hoborahina eto anatrehanao ny fifonanay, ary mba ivavaho amin’i Jehovah Andriamanitrao re izahay, dia ireto sisa rehetra ireto (fa vitsy izahay no sisa, na dia maro aza fahiny, dia araka izao hitan’ny masonao izao),

Malagasy Bible

² ka niteny tamin'i Jeremia mpaminany hoe: Masìna ianao, aoka hoborahina eto anatrehanao ny fifonanay, ary mba ivavaho amin'i Jehovah Andriamanitrao re izahay, dia ireto sisa rehetra ireto (fa vitsy izahay no sisa, na dia maro aza fahiny, dia araka izao hitan'ny masonao izao),

La Bible en Malgache

² ka niteny tamin’i Jeremia mpaminany hoe: Miangavy anao izahay, aoka hoborahina eto anatrehanao ny fifonanay, ary mba mivavaha re ho anay amin’NY TOMPO Andriamanitrao, dia ireto sisa rehetra ireto, fa vitsy izahay no sisa, na dia maro aza fahiny, dia araka izao hitan’ny masonao izao,

Jeremia 42:2 Rohy Ifampitohizana

1Mpanjaka 13:6

Ary hoy ny mpanjaka tamin’ilay olon’Andriamanitra: –Mba ifony amin’ny TOMPO Andriamanitrao re aho ka mivavaha ho ahy mba ho azoko ketrahina indray ny tanako. Dia nifona tamin’ny TOMPO ilay olon’Andriamanitra, ka azon’ny mpanjaka noketrahina indray ny tanany, ary tafaverina toy ny teo aloha.

Salamo 119:170

Ny fihantàko anie ho tody eo anatrehanao; mba afaho aho araka ny toky nomenao.

Eksodosy 8:28

Kanefa tamin’ity indray mandeha ity koa dia nanamafy fo ihany ny Farao ka tsy nandefa ny Israelita.

Eksodosy 9:28

Mangataha amin’ny TOMPO mba hitsahatra ny kotro-baratra sy ny havandra, dia halefako ianareo fa tsy hotazoniko intsony.

Isaia 1:15

Raha manandra-tanana hivavaka ianareo dia hitampi-maso tsy hijery Aho. Na manao vavaka maro aza ianareo, dia tsy hihaino akory Aho, satria feno ra ny tananareo.

Isaia 1:9

Raha tsy navelan’ny TOMPOn’izao rehetra izao hisy olona vitsivitsy velona aina tamintsika, dia ho efa tonga tahaka an’i Sôdôma sy ho nitovy tamin’i Gômôra isika.

Isaia 37:4

Angamba ho ren’ny TOMPO Andriamanitrao ny tenin’ilay dekà asirianina izay nirahin’ny mpanjakan’i Asiria tompony hanevateva an’Andriamanitra velona; ka hofaizin’ny TOMPO Andriamanitrao izy noho izany. Fa manandrata vavaka ianao ho an’ireo sisa tavela amin’ny vahoakany.»

Isaia 42:20

Betsaka ny zavatra hitany nefa tsy nisy tadidiny; manongilan-tsofina hihaino izy, nefa tsy misy zavatra reny.

Jeremia 15:11

Eny, aoka ho voaozona aho, TOMPO ô, raha tsy nanompo tsara Anao, raha tsy nitalahoako ho an’ny fahavaloko Ianao tamin’ny fotoanan’ny loza amam-pahoriany.

Jeremia 2:27

Fa ny tapa-kazo itenenanareo hoe: «Ianao no raiko»; ary ny sarivongam-bato ilazanareo hoe: «Ianao no niteraka ahy». Tokony hijery manatrika Ahy ianareo, kanefa ny lamosina no atodikareo amiko. Saingy nony tra-pahoriana ianareo, dia hiantso vonjy amiko hoe: «Midira an-tsehatra ianao hamonjy anay»;

Jeremia 21:2

–Raha sitrakao, anontanio ny TOMPO re ny momba antsika, satria miady amintsika i Nebokadnetsara mpanjakan’i Babilôna. Angamba mety hanao zava-mahagaga indray ny TOMPO, ka hanainga ny Babilônianina handao antsika.

Jeremia 36:7

Angamba hamboraka fifonana amin’ny TOMPO izy ary hiala amin’ny fitondrantena ratsy; satria efa nilaza ny TOMPO fa tena tezitra sy vinitra tamin’ity vahoaka ity.»

Jeremia 37:20

Dia nampian’i Jeremià hoe: –Ankehitriny, ry andriamanjaka, miangavy anao aho mba hihaino ny fangatahana ataoko eo anatrehanao: Aza averina any an-tranon’i Jônatàna mpitantsora-panjakana intsony aho, fandrao maty ao.

Jeremia 37:3

I Tsedekià mpanjaka kosa dia naniraka an’i Jokaly, zanakalahin’i Selemià ary koa i Tsefanià mpisorona, zanakalahin’i Mahaseià ho any amin’i Jeremià mpaminany ihany hanao aminy hoe: –Miangavy anao aho mba hivavaka ho anay amin’ny TOMPO Andriamanitsika.

Jeremia 38:14

Ary naniraka olona haka an’i Jeremià i Tsedekià mpanjaka ka nandray azy manokana teo amin’ny fidirana fahatelo mankao an-tranon’ny TOMPO, sady nanao taminy hoe: –Hanontany zavatra aminao aho, ka aza misy afenina amiko.

Jeremia 40:15

Na izany aza dia tonga nihaona mangingina tamin’i Gedalià tao Mitsepà ihany i Jôhanàna ka nanao taminy hoe: –Aoka aho handeha hamely an’i Jismahela, zanakalahin’i Netanià fa tsy hisy olona hahalala akory? Nahoana no havelanao hovonoiny ho faty ny tenanao? Fa raha matiny ianao, dia hiparitaka indray ny Jodeanina rehetra efa tafangona eto aminao; ary izay hany sisa amin’ny fanjakàn’i Joda dia ho levona.

Jeremia 42:20

Nanao hevitra kinangananga ianareo, raha naniraka ahy hanontany ny TOMPO Andriamanitrareo, ary nangataka ahy hivavaka ho anareo, ka nanao tamiko hoe: «Ampahafantaro anay avokoa izay rehetra nandidian’ny TOMPO anao, dia hataonay izany».

Fitomaniana 1:1

Indrisy! Mitoetra manirery izao ilay tanàna feno olona fahiny! Tonga toy ny mpitondratena ilay nalaza tamin’ireo hafa firenena; manao ny asan’ny mpanompo izao ilay andriambavy nifehy faritany maro!

Ezekiela 12:16

Nefa hamelako olona vitsivitsy ihany izy, dia ny sisa tavela tsy ringan’ny ady sy ny mosary ary ny areti-mandringana: ireo no hitantara amin’ny firenen-kafa misy azy ny zavatra rehetra maharikoriko nataony, ka hoeken’ny firenen-kafa koa fa Izaho no TOMPO.»

Hosea 8:10

Na dia nizara fanomezana tamin’ny firenen-kafa aza izy, dia tonga kosa ny fotoana hamoriako azy ankehitriny. Ary tsy ho ela izy dia hijaly noho izay hatambesatr’ilay mpanjakan’andriana.

Levitikosy 26:22

Halefako hamely anareo ny bibidia, ka hamono ny zanakareo sy handringana ny biby fiompinareo; ary hahavitsy isa anareo ireny ka ho tonga taniefitra ny lalambenareo.

Amosa 7:2

Ary rehefa tapitra lanin’ny valala avokoa ny ahitra rehetra tamin’ny tany, dia hoy aho hoe: «Ry Tompo ANDRIAMANITRA ô, mba avelao re ny heloky ny vahoakanao! Fa fomba ahoana no hahajoroan’ny taranak’i Jakôba satria kely izy?»

Matio 24:22

Raha tsy efa nanapa-kevitra hanafohy ireo andro ireo Andriamanitra, dia tsy hisy olona ho voavonjy; fa noho ny olom-boafidiny, dia hohafohezin’Andriamanitra ireo andro ireo.

Asan’ny Apostoly 8:24

Dia hoy i Simôna tamin’i Petera sy i Jôhany: –Ianareo mihitsy no mangataha ho ahy amin’ny Tompo, mba tsy hisy hihatra amiko akory izay voalazanareo.

Deoteronomia 28:62

Iny ianareo efa maro toy ny kintana eny amin’ny habakabaka iny, dia olona vitsy no ho sisa tavela aminareo, satria ianareo tsy nanaiky ny TOMPO Andriamanitrareo.

Deoteronomia 28:63

Araka izay nifalian’ny TOMPO hahasoa sy hahamaro anareo no hifaliany handringana sy handrava anareo; ka hofongorana ianareo tsy ho eo amin’ny tany izay efa hidiranareo mba halainareo ho fananana.

Deoteronomia 4:27

Haelin’ny TOMPO any amin’ny firenen-tsamy hafa ianareo; ho tonga olom-bitsy izay sisa aminareo any amin’ny firenen-tsamy hafa izay hitondran’ny TOMPO anareo.

Jakoba 5:16

Koa mieke heloka ianareo samy ianareo, ary mifampivavaha mba hahasitrana anareo; fa mahery fiasa tokoa ny fivavaky ny olo-marina.

1Samoela 12:19

Dia hoy ny besinimaro tamin’i Samoela: –Ivavaho amin’ny TOMPO Andriamanitrao izahay mba tsy ho faty, fa fahotana maro no efa vitanay ankoatra ny fangatahanay mpanjaka ho anay.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.

1Samoela 7:8

ka nanao tamin’i Samoela hoe: –Aza arianao izahay, fa mivavaha amin’ny TOMPO Andriamanitsika ho anay, mba hamonjeny anay tsy ho voagejan’ny Filistinina.