Jeremia 26:16 - DIEM PROTESTANTA

¹⁶ Tamin’izay dia hoy ireo mpitondra sy ny vahoaka rehetra tamin’ny mpisorona sy ny mpaminany hoe: –Tsy mendrika ho faty ity lehilahy ity fa tamin’ny anaran’ny TOMPO Andriamanitsika no nitenenany tamintsika.

Baiboly Protestanta Malagasy 2011

¹⁶ Dia hoy ny mpanapaka sy ny vahoaka rehetra tamin’ny mpisorona sy ny mpaminany: Tsy misy heloka tokony hahafaty ity lehilahy ity satria tamin’ny anaran’NY TOMPO Andriamanitsika no nitenenany tamintsika.

Dikateny Iombonana Eto Madagasikara

¹⁶ Tamin’izay dia hoy ireo mpitondra sy ny vahoaka rehetra tamin’ny mpisorona sy ny mpaminany hoe: –Tsy mendrika ho faty ity lehilahy ity fa tamin’ny anaran’ny TOMPO Andriamanitsika no nitenenany tamintsika.

Baiboly Katolika

¹⁶ Dia hoy ny loholona mbamin’ny vahoaka rehetra, tamin’ireo mpisorona sy ireo mpaminany: «Tsy mendrika hovonoina ity lehilahy ity, satria tamin’ny Anaran’i Iaveh Andriamanitsika no nitenenany tamintsika.»

Baiboly Protestanta Malagasy

¹⁶ Dia hoy ny mpanapaka sy ny vahoaka rehetra tamin’ny mpisorona sy ny mpaminany: Tsy misy heloka tokony hahafaty ity lehilahy ity, satria tamin’ny anaran’i Jehovah Andriamanitsika no nitenenany tamintsika.

Malagasy Bible

¹⁶ Dia hoy ny mpanapaka sy ny vahoaka rehetra tamin'ny mpisorona sy ny mpaminany: Tsy misy heloka tokony hahafaty ity lehilahy ity, satria tamin'ny anaran'i Jehovah Andriamanitsika no nitenenany tamintsika.

La Bible en Malgache

¹⁶ Dia hoy ny mpanapaka sy ny vahoaka rehetra tamin’ny mpisorona sy ny mpaminany: Tsy misy heloka tokony hahafaty ity lehilahy ity satria tamin’ny anaran’NY TOMPO Andriamanitsika no nitenenany tamintsika.

Jeremia 26:16 Rohy Ifampitohizana

Estera 4:14

Raha hangina mihitsy ianao amin’ity toe-javatra ity, dia hisy fanampiana sy fanafahana hipoitra avy any an-kafa ho an’ny Jiosy; fa ianao no haringana ary ho lany tamingana ny fianakavianao. Ary iza no mahalala fa angamba ho amin’ity toe-javatra ity mihitsy no nanandratana anao ho mpanjakavavy?»

Salamo 94:16

Iza àry no hitsangana hiaro ahy amin’ny mpanao ratsy? Iza no hiady ho ahy amin’ny ataon’ireo mpanao heloka?

Ohabolana 16:7

Rehefa sitraky ny TOMPO ny fitondrantenan’ny olona, na dia ny fahavalony aza ampihavaniny aminy.

Jeremia 26:11

Dia hoy ireo mpisorona ama-mpaminany tamin’ny mpitondran’i Joda ary koa tamin’ny vahoaka rehetra teo: –Mendrika ho faty io lehilahy io, satria naminany ny hamelezana ity tanàna ity izy, ary ny sofinareo mihitsy no efa nandre.

Jeremia 34:10

Ny mpitondra fanjakana rehetra sy ny mponina tao Jerosalema dia samy nandray anjara tamin’izany fifanekena ampahibemaso izany avokoa ary nanaiky tsy hampanompo intsony ireo lehilahy sy vehivavy eo an-tanany, fa samy handefa azy ireny ho afaka. Samy nanaiky izany fifanekena izany avokoa ny olona ka namela ny mpanompony handeha.

Jeremia 36:19

Dia hoy ireo mpitondra fanjakana ambony tamin’i Baròka: –Mandehàna miafina ianao sy i Jeremià, ka aoka tsy hisy hahalala izay misy anareo!

Jeremia 36:25

Ary na dia niangavy mafy tamin’ny mpanjaka aza i Elnatàna sy i Delaià ary i Gemarià mba tsy handoroany ny horonan-taratasy, dia tsy nohenoiny;

Jeremia 37:15

Tezitra tamin’i Jeremià kosa ireto ka nikapoka azy sady nanagadra azy tao an-tranon’i Jônatàna mpitantsora-panjakana.

Matio 27:54

Ary ilay kapiteny sy ireo miaramila niambina an’i Jesoa niaraka taminy kosa, raha vao nahita ny horohorontany sy ny zava-nitranga, dia raiki-tahotra mafy sady loa-bolana hoe: –Tena Zanak’Andriamanitra tokoa io Lehilahy io!

Lioka 23:41

Ny antsika roa lahy dia rariny izao, satria valin’ny natao no raisina; fa ny Azy kosa, tsy mba nisy ratsy nataony na inona na inona.

Lioka 23:47

Nahita ny zava-nitranga ilay kapiteny rômanina ka nanome voninahitra an’Andriamanitra sady niteny hoe: –Tena olo-marina tokoa io Lehilahy io!

Asan’ny Apostoly 23:29

Hitako fa adihevitra momba ny lalànan-dry zareo no niampangany azy, fa tsy nisy fiampangana tokony hanamelohana azy ho faty na hanaovana azy am-ponja.

Asan’ny Apostoly 23:9

Vao mainka nihamafy ny antsoantso; ary ny mpahay lalàna sasany, anisan’ny antoko Farisianina, dia tafatsangana ka nanohitra mafy nanao hoe: –Tsy ahitanay zava-dratsy mihitsy amin’io lehilahy io. Angamba nisy fanahy na anjely niteny taminy.

Asan’ny Apostoly 25:25

Tsy hitako akory izay ratsy vitany mahamendrika azy ho voaheloka faty. Kanefa moa izy ihany no nampiakatra ny raharahany amin’ny amperôra rômanina, dia tapa-kevitra aho handefa azy any aminy!