Jeremia 12:1 - DIEM PROTESTANTA

¹ TOMPO ô, mpandala ny rariny Ianao ka tsy tokony mifandahatra aminao aho. Nefa ny amin’ireto toe-javatra ireto dia te hiady hevitra aminao aho. Nahoana no ahitam-pahombiazana ny lalana ombàn’ny olon-dratsy? Ary nahoana no miadam-pinaritra ireo rehetra mpivadika aminao?

Baiboly Protestanta Malagasy 2011

¹ Raha mifandahatra aminao aho, TOMPO ô, dia Ianao no marina; nefa aoka ihany kosa aho mba handahatra Aminao: Nahoana ary no ambinina ny lalan’ny ratsy fanahy? Nahoana no miadana ny mpikomy rehetra?

Dikateny Iombonana Eto Madagasikara

¹ TOMPO ô, mpandala ny rariny Ianao ka tsy tokony mifandahatra aminao aho. Nefa ny amin’ireto toe-javatra ireto dia te hiady hevitra aminao aho. Nahoana no ahitam-pahombiazana ny lalana ombàn’ny olon-dratsy? Ary nahoana no miadam-pinaritra ireo rehetra mpivadika aminao?

Baiboly Katolika

¹ Marina Ianao, ry Iaveh ô, ka tsy afaka hiady hevitra aminao aho; fa hany tiako horesahina aminao, dia ny amin’ny rariny: Nahoana no ambinina ny lalan’ny ratsy fanahy? Nahoana no velona amim-piadanana ny mpivadika rehetra?

Baiboly Protestanta Malagasy

¹ RAHA mifandahatra aminao aho, Jehovah ô, dia Hianao no marina; Nefa kosa aoka ihany mba handahatra aminao aho: Nahoana ary no ambinina ny làlan’ny ratsy fanahy? Nahoana no miadana ny mpiodina rehetra?

Malagasy Bible

¹ Raha mifandahatra aminao aho, Jehovah ô dia Hianao no marina; Nefa kosa aoka ihany mba handahatra aminao aho: Nahoana ary no ambinina ny lalan'ny ratsy fanahy? Nahoana no miadana ny mpiodina rehetra?

La Bible en Malgache

¹ Raha mifandahatra aminao aho, TOMPO ô, dia Ianao no marina; nefa aoka ihany kosa aho mba handahatra Aminao: Nahoana ary no ambinina ny lalan’ny ratsy fanahy? Nahoana no miadana ny mpikomy rehetra?

Jeremia 12:1 Rohy Ifampitohizana

Genesisy 18:25

Tsia, sanatria aminao ny hanao izany! Raha hovonoinao miaraka amin’ny meloka ny marina, dia hitovy ny marina sy ny meloka. Sanatria Anao izany! Ianao Izay mpitsara ny tany tontolo ve no tsy hitandro ny rariny.

Ezra 9:15

Ry TOMPO Andriamanitr’i Israely ô, miantra Ianao ka mbola misy sisa afaka ihany izahay amin’izao anio izao; indreto izahay vesaran’ny fahotanay eto anatrehanao, na dia tsy tokony hisy hahajanona eto anatrehanao aza noho izany.»

Nehemia 9:33

Mandala ny rariny Ianao tamin’izay rehetra nanjo anay; satria marina ny nataonao, fa izahay no nanao ratsy.

Joba 12:6

Miadana ao an-tranony ny jiolahy mpandroba; tsy manana ahiahy ny mpihaika an’Andriamanitra, dia izay tsy mahalala andriamanitra afa-tsy ny heriny.

Joba 13:3

Fa izaho kosa hiteny amin’Andriamanitra Tsitoha, satria Izy no tiako hitarainana.

Joba 24:12

Mitoreo ao an-tanàna ny olona, mitaraindraina ny maratra miala aina, nefa tsy ahoan’Andriamanitra izany.

Joba 24:23

Avelany hatoky tena tanteraka izy, kanefa arahiny maso ny lalan-kalehany.

Joba 8:17

Mifanolanolana eny amin’ny korontam-bato ny fàkany ka tanteraka hatrany an-tsefatsefa-bato any.

Salamo 116:5

Miantra sy marina ny TOMPO, mamindrafo ny Andriamanitray.

Salamo 119:137

Mandala ny rariny Ianao, TOMPO ô, ary mahitsy ny fitsipikao.

Salamo 119:75

Ny fitsipikao, TOMPO ô, fantatro fa rariny; ka marim-pototra ny nampahorianao ahy.

Salamo 145:17

Marina amin’ny lalany rehetra ny TOMPO ary be fitiavana amin’ny asany rehetra.

Salamo 37:1

Nataon’i Davida. Aza tezitra amin’ny mpanao ratsy ary aza mialona ireo mpanao heloka;

Salamo 37:35

Izaho nahita olon-dratsy nanjakazaka ary nisandrahaka toa sederan’i Libano.

Salamo 51:4

Sasao tanteraka aho ho afa-keloka ary diovy mba ho afa-pahotana.

Salamo 51:6

Ianao irery tokoa no nanotako, ny ratsy eo imasonao no nataoko; hany ka ara-drariny Ianao raha miteny, ary tsy omen-tsiny raha manadidy.

Salamo 92:7

Ny ketrina no tsy mahalala izany ary ny adala no tsy mahatsapa.

Ohabolana 1:32

Fa ny di-doha no mahafaty ny kely saina ary ny fahatokian-tena no mahavery ny adala.

Mpitoriteny 8:14

Izao koa no zava-poana mitranga eto ambonin’ny tany: misy olo-marina iharan’izay tokony ho mendrika ny ataon’olon-dratsy; ary misy olon-dratsy mahazo izay tokony ho mendrika ny ataon’olo-marina. Ka efa voalazako fa zava-poana koa izany.

Isaia 41:21

Ianareo andriamanitry ny firenen-kafa, alaharo ny kabarinareo, arosoy ny porofonareo, hoy ny TOMPO mpanjakan’i Jakôba.

Isaia 48:8

Ianareo koa moa tsy nihaino sady tsy te hahalala no tsy nanokatra sofina hatry ny ela; Fantatro fa mpamadika hatrany ianareo sady nantsoina hoe mpikomy hatrany am-bohòka.

Jeremia 11:20

Nefa Ianao, ry TOMPOn’izao rehetra izao, dia mitsara ara-drariny, ka mamantatra ny ao an’eritreritra sy ao am-po. Ho hitako hanafay azy Ianao, satria nankiniko taminao ny adiko.

Jeremia 12:6

Fa na dia ireo mpiray foko aminao aza, eny na dia ireo iray fianakaviana aminao aza, dia mamitaka anao ka miantso olona am-badika hanohitra anao. Aza matoky azy, na dia tsara vava aminao aza izy.

Jeremia 3:20

Kanjo toy ny vehivavy nisintaka tamim-badiny no nisintahanao tamiko, ry taranak’i Israely; teny hentitra avy amiko TOMPO izany.

Jeremia 3:7

Dia hoy Aho anakampo hoe: Rehefa afaka izany dia hiverina amiko izy. Kanjo tsy niverina izy; ary nahita izany i Joda mpivadika rahavaviny.

Jeremia 32:16

Rehefa avy nanolotra ny taratasim-pivarotana tamin’i Baròka zanakalahin’i Nerià aho, dia nivavaka tamin’ny TOMPO ka nanao hoe:

Jeremia 5:11

Fa efa nivadika tamiko mihitsy na ny fanjakan’i Joda na ny fanjakan’i Israely, hoy ny teny hentitry ny TOMPO.

Jeremia 9:2

«Toy ny tsipîka mihenjana ny lelany, hoy ny teny hentitry ny TOMPO. Lainga fa tsy toetra mahatoky no anjakany eo amin’ny tany. Mandroso miharatsy hatrany izy, ary Izaho kosa tsy fantany.

Fitomaniana 1:18

Rariny ny nataon’ny TOMPO, satria efa nanohitra ny baikony aho. Mihainoa tsara, rey olona rehetra eto ka jereo ny fijaliako: ny tovovaviko sy ny tovolahiko dia samy lasa ho any an-tsesitany.

Ezekiela 18:25

Hoy ianareo hoe: ‹Tsy marina ny fitòndran’ny Tompo!› Henoy tsara Aho, ry Israelita: Ny fitòndrako ve no tsy marina? Tsy ny fitondranareo ve no tsy marina?

Daniela 9:14

Koa izany, Tompo ô, no nitahirizanao ny loza ka nampiharanao izany taminay; fa marina Ianao Tompo Andriamanitray amin’ny asa rehetra nataonao, saingy izahay no tsy nihaino ny feonao.

Daniela 9:7

Anao ny fahamarinana, Tompo ô, ary anay kosa ny fahamenarana tahaka ny amin’izao anio izao, dia anay olon’i Joda sy mponin’i Jerosalema ary an’ireo Israelita hafa rehetra na ny lavitra na ny akaiky, any amin’ny tany rehetra izay efa nandroahanao azy noho ny fahadisoana vitany taminao.

Hosea 6:7

Tao Adama kosa ianareo no nandika ny fanekempihavanana tao ianareo no namadika Ahy.

Habakoka 1:4

Noho izany, dia tsy manan-kery ny lalàna; ary tsy mivoaka mandresy ny rariny. Tsy mahaleo ny ratsy fanahy ny olo-marina, ka izany no ivoahan’ny fitsarana miangatra.

Zefania 3:5

Kanefa ny TOMPO mpandala fahamarinana no eo afovoan’ny tanàna; ka tsy manao faharatsiana Izy, fa isa-maraina tsy diso no amoahany ny fitsarany. Na izany aza ny ratsy fanahy dia tsy mahalala menatra!

Malakia 2:17

Manasatra ny TOMPO amin’ny teninareo ianareo. Nefa manontany ianareo hoe: «Dia amin’inona no anasaranay Azy?» Amin’ny filazànareo hoe: «Izay rehetra manao ratsy dia tsara eo imason’ny TOMPO, ary ny olona toy izany no sitrany.» Na koa amin’ny filazànareo hoe: «Aiza àry ilay Andriamanitra mampihatra ny rariny?»

Malakia 3:15

Ankehitriny dia ny mpirehaka no tokony hataonay hoe sambatra ary ny olon-dratsy no tokony hataonay hoe ambinina. Eny, fa na dia maka fanahy an’Andriamanitra aza ireo, dia afaka hatrany!› »

Deoteronomia 32:4

Ny TOMPO no Vatolampy: lavorary ny asany; ny sori-dàlany rehetra rariny avokoa. Andriamanitra mahatoky Izy, tsy misy ratsy eo aminy: marina sy mahitsy Izy.