Jakoba 4:1 - DIEM PROTESTANTA

¹ Avy aiza moa ireo ady sy fifandirana eo aminareo? Ny fototr’ireny dia ny filàndratsinareo, filàndratsy izay miady ao amin’ny tenanareo.

Baiboly Protestanta Malagasy 2011

¹ Avy aiza ny ady ary avy aiza ny fifandirana eo aminareo? Moa tsy ny filanareo izay miady ao anatin’ny tenanareo va no iavian’izany?

Dikateny Iombonana Eto Madagasikara

¹ Avy aiza moa ireo ady sy fifandirana eo aminareo? Ny fototr’ireny dia ny filàndratsinareo, filàndratsy izay miady ao amin’ny tenanareo.

Baiboly Katolika

¹ Avy aiza ny ady amam-pifandirana ao aminareo? Moa tsy amin’ny filàn-dratsinareo izay miady ao anatin’ny nofonareo va?

Baiboly Protestanta Malagasy

¹ AVY aiza ny ady, ary avy aiza ny fifandirana eo aminareo? Tsy izao va no ihaviany, dia ny filanareo izay miady ao anatin’ny momba ny tenanareo?

Malagasy Bible

¹ Avy aiza ny ady, ary avy aiza ny fifandirana eo aminareo? Tsy izao va no ihaviany, dia ny filanareo izay miady ao anatin'ny momba ny tenanareo?

La Bible en Malgache

¹ Avy aiza ny ady ary avy aiza ny fifandirana eo aminareo? Moa tsy ny filanareo izay miady ao anatin’ny tenanareo va no iavian’izany?

Jakoba 4:1 Rohy Ifampitohizana

Jeremia 17:9

–Tsy misy zavatra mamitaka hoatra ny fon’olombelona. Tsy azo sitranina izy, ary tsy misy mahafantatra ny aminy.

Matio 15:19

Satria avy ao am-pon’ny olona no ipoiran’ny sain-dratsy mahatonga azy hamono olona, haka vadin’olona, hijangajanga, hangalatra, hanao vavolombelona tsy marina, ary hanao vava ratsy.

Jaona 8:44

Ny devoly no ray niavianareo, ka ny filàndratsin’ny rainareo no satrinareo hatao. Ny devoly dia mpamono olona hatrany am-boalohany; ary tsy nitoetra tamin’ny marina izy, satria ny marina tsy ao aminy. Raha mandainga izy, dia miteny araka ny toetrany satria mpandainga izy sady rain’ny mpandainga.

Romana 7:23

nefa misy toe-javatra hafa hitako ao amin’ireo zavatra anisan’ny tenako, dia toe-javatra manohitra ny lalàna ankatoavin’ny saiko sady toe-javatra mahatonga ahy ho voafatotry ny fanapahan’ny fahotana izay miasa ao amin’ireo zavatra anisan’ny tenako.

Romana 7:5

Fa fony isika niaina araka ny naha olona mpanota antsika, dia ny filàn’ny fahotana, izay nohetsehin’ny lalàna, no niasa tao amin’ireo zavatra anisan’ny tenantsika, mba hahavokarantsika asa mahatonga fahafatesana.

Romana 8:7

Ny firònan’ny maha olona mpanota dia mifanohitra amin’Andriamanitra, ka tsy manoa sady tsy afa-manoa ny lalànan’Andriamanitra akory.

Galatiana 5:17

Fa ny maha olona mpanota dia manam-paniriana manohitra ny fanirian’ny Fanahy Masina; ary ny Fanahy Masina dia manam-paniriana manohitra ny maha olona mpanota: mifanohitra izy roroa, hany ka tsy izay zavatra sitrakareo no ataonareo.

Kolosiana 3:5

Vonoy ireo zavatra etỳ an-tany mangeja ny tenanareo: dia ny fijangajangana, ny fahalotoana, ny filàndratsy, ny fitsiriritan-dratsy, ary ny fitiavan-karena (fa fanompoan-tsampy ny fitiavan-karena).

2Timoty 2:23

Aza miraharaha izay fanontaniana adaladala sy tsy misy heviny, satria fantatrao fa mahatonga ady izany;

Titosy 3:3

Fa isika koa taloha mba adala, tsy nanaiky, naniasia; efa nandevozin’ny filàna sy fahafinaretana isan-karazany isika, lany andro tamin’ny haratsiam-panahy sy ny fialonana, sady ankahalain’olona no mankahala olona.

Titosy 3:9

Fa halaviro ny fanontaniana adaladala, ny tantaram-pirazanana, ny fifandirana sy ady momba ny lalàna jiosy; satria sady tsy mahasoa izany no zava-poana.

Jakoba 1:14

Fa samy alaim-panahy ny olona, rehefa mitaona azy sy mitady hamandrika azy ny filàndratsiny;

Jakoba 4:3

mangataka amin’Andriamanitra ianareo nefa tsy mahazo, satria ratsy fangataka: izay hiaranan’ny filàndratsinareo no angatahinareo.

1Petera 1:14

Aoka ho fatra-panaiky an’Andriamanitra ianareo, ka aza manaraka ny filàndratsinareo fahiny, fony ianareo mbola tao anatin’ny tsy fahalalana.

1Petera 2:11

Ry hava-malala, amin’ny maha vahiny sy mpivahiny anareo eto an-tany dia mampirisika anareo aho mba hifady ny filàndratsin’ny maha olona mpanota, fa miady manohitra ny fanahinareo ireny.

2Petera 2:18

Teny manodoka sy tsy misy heviny no ataony; ka ny filàndratsin’ny maha olona mpanota, dia ny fitondrantena maloto, no entiny mamitaka ny olona izay vao nandao ny fiainana diso lalana.

2Petera 3:3

Izao no aoka ho fantatrareo voalohany indrindra: amin’ny andro farany dia hisy mpaniratsira tonga haniratsira anareo, dia olona miaina araka ny filàndratsiny