Jakoba 1:8 - DIEM PROTESTANTA

⁸ fa miroa saina sady mivadibadika amin’ny fiaimpiainany rehetra.

Baiboly Protestanta Malagasy 2011

⁸ Olona miroa saina izy, miovaova amin’ny alehany rehetra.

Dikateny Iombonana Eto Madagasikara

⁸ fa miroa saina sady mivadibadika amin’ny fiaimpiainany rehetra.

Baiboly Katolika

⁸ fa olona miroa saina sy mivadibadika amin’izay alehany rehetra.

Baiboly Protestanta Malagasy

⁸ olona miroa saina izy, miovaova amin’ny alehany rehetra.

Malagasy Bible

⁸ olona miroa saina izy, miovaova amin'ny alehany rehetra.

La Bible en Malgache

⁸ Olona miroa saina izy, miovaova amin’ny alehany rehetra.

Jakoba 1:8 Rohy Ifampitohizana

1Mpanjaka 18:21

dia nankeo amin’ny vahoaka rehetra i Elià ka nanao hoe: –Mandra-pahoviana no hampiroaroa saina anareo? Raha ny TOMPO no tena Andriamanitra, manaraha Azy; fa raha i Bahala kosa no tena Andriamanitra, dia manaraha azy. Saingy tsy nisy namaly azy ny vahoaka;

2Mpanjaka 17:33

Koa sady nanaja ny TOMPO izy no mbola nanompo ny andriamaniny avy ihany koa araka ny fomba fanaon’ny firenena niaviany avy.

2Mpanjaka 17:41

Tetsy andaniny dia mba nanaja ny TOMPO ihany izy, fa tetsy ankilany kosa dia nanompo ny sampiny izy hatramin’ny zanaka aman-jafiny mandraka ankehitriny.

Salamo 119:113

Hàlako ny olona miroa saina, fa ny lalànanao kosa no tiako.

Isaia 29:13

Ary hoy ny Tompo hoe: «Ity firenena ity manatona Ahy am-bava fotsiny sy manome voninahitra Ahy an-tendromolotra ihany fa ny fony kosa manalavitra Ahy; ka fomban’olombelona nianarana ihany ny fanajana asehony Ahy.

Hosea 10:2

Feno fitaka ny fony, ka hianjady amin’ireo olona ireo ny vesatry ny heloka vitany. Izy TOMPO mihitsy no hamotika ny alitaran’ireo sy handrava ny tsangambaton-tsampiny.

Matio 6:22

–Ny maso no toy ny jiron’ny tena: koa amin’izany raha mahiratra ny masonao, dia mazava ny tenanao manontolo;

Matio 6:24

–Tsy misy olona mahay manompo tompo roa; satria na ny anankiray ho hàlany ary ny anankiray ho tiany, na ny anankiray hombàny ary ny anankiray hohamavoiny. Tsy hainareo atao ny sady manompo an’Andriamanitra no manompo ny harena.

Jakoba 1:7

Aoka tsy hanampo handray zavatra avy amin’ny Tompo ny olona toy izany,

Jakoba 4:8

Manatòna an’Andriamanitra, dia hanatona anareo Izy. Sasao ny tananareo, ry mpanota; ary diovy ny fonareo, ry mpiroa fo.

2Petera 2:14

Ny haka vadin’olona ary ny tsy hitsaha-manota amin’izany no imasoany; ny mpino tsy miorina tsara, angoleny; ary liana fitiavan-karena loatra ny fony: eny, olona hiharan’ny loza nambaran’Andriamanitra ireo!

2Petera 3:16

Toy izany koa no ataony ao amin’ny taratasiny rehetra izay itenenany momba izany zavatra izany; amin’ireny taratasiny ireny anefa dia misy zavatra saro-pantarina izay aolan’ny olona kely fahalalana sady tsy miorina tsara, toy ny ataony rahateo amin’ny teny hafa raketin’ny Soratra Masina, ka mahatonga fahaverezana ho an’ny tenany.