Jakoba 1:11 - DIEM PROTESTANTA

¹¹ Eny, niposaka ny masoandro ombàn’ny hafanana migaingaina, dia nampalazo ny ahitra; ka nihintsana ny voniny ary levona ny hatsaran-tarehiny. Dia toy izany koa ny mpanankarena: ho levona eo anivon’ny lahasany izy.

Baiboly Protestanta Malagasy 2011

¹¹ Fa miposaka ny masoandro mbamin’ny hainandro mahamay; mampalazo ny ahitra izany ka mihintsana ny voniny ary levona ny hatsaran-tarehiny. Toy izany koa no ho falazon’ny mpanankarena amin’ny raharaha ataony.

Dikateny Iombonana Eto Madagasikara

¹¹ Eny, niposaka ny masoandro ombàn’ny hafanana migaingaina, dia nampalazo ny ahitra; ka nihintsana ny voniny ary levona ny hatsaran-tarehiny. Dia toy izany koa ny mpanankarena: ho levona eo anivon’ny lahasany izy.

Baiboly Katolika

¹¹ Nony miposaka ny masoandro mahamay, dia mandazo ny ahitra, ka mihintsana ny voniny, ary levona ny hatsaran-tarehiny rehetra: toy izany koa ny mpanankarena, halazo amin’izay alehany izy.

Baiboly Protestanta Malagasy

¹¹ Fa miposaka ny masoandro mbamin’ny hainandro mahamay, dia mampahalazo ny ahitra, ka mihintsana ny voniny, ary levona ny hatsaran-tarehiny; dia toy izany koa no ho fahalazon’ny manan-karena amin’ny alehany.

Malagasy Bible

¹¹ Fa miposaka ny masoandro mbamin'ny hainandro mahamay, dia mampahalazo ny ahitra, ka mihintsana ny voniny, ary levona ny hatsaran-tarehiny; dia toy izany koa no fahalazon'ny manan-karena amin'ny alehany.

La Bible en Malgache

¹¹ Fa miposaka ny masoandro mbamin’ny hainandro mahamay; mampalazo ny ahitra izany ka mihintsana ny voniny ary levona ny hatsaran-tarehiny. Toy izany koa no ho falazon’ny mpanankarena amin’ny raharaha ataony.

Jakoba 1:11 Rohy Ifampitohizana

2Samoela 22:46

Mikoy ry zareo ka mangovitra no miala ny manda fiarovany.

Salamo 102:11

Noho ny fahatezeranao sy ny fahaviniranao, dia ningainao aho ka natsipinao lavitra.

Salamo 102:4

Fa levona toy ny setroka ny androm-piainako, ary kila toy ny tapa-porohana ny faraheriko.

Salamo 103:15

Toy ny ahitra ny androm-piainan’ny olombelona, toy ny voninkazo eny an-tsaha ny famoniny:

Salamo 37:2

fa toy ny ahitra ireny ka malaky malazo, toy ny vilo-maitso ka mbola hihamaina.

Salamo 39:6

Indro fohy dia fohy tokoa ny androm-piainako; ka ny fisiako toy ny tsinontsinona eo anatrehanao. Eny, ny olona rehetra matanjaka aza dia toa tsio-drivotra mandalo; Fiatoana

Salamo 90:6

ka mamony sy mandrobona nony maraina, fa malazo sy maina nony hariva.

Mpitoriteny 5:15

Fahoriana lehibe ho azy fa toy ny nahatongavany teto an-tany no handaozany azy. Inona no tombontsoa azony? Nisasa-poana fotsiny izy.

Isaia 28:1

Lozan’i Samaria, tanàna izay satroboninahitra sady reharehan’ny mpidoroka ao Efraîma! Erỳ an-tendron’ny lohasaha lonaka izy, ka ny haingony marevaka dia voninkazo mihamalazo eny an-dohan’ireo lehilahy mamon-divay.

Isaia 28:4

Ho voahitsakitsaka am-paladia ny voninkazo mihamalazo izay haingony marevaka terỳ an-tendron’ny lohasaha lonaka. I Samaria dia ho tahaka ny voan’aviavy masaka alohan’ny fahavaratra, ka izay mahita azy dia hioty ary hitelina azy indraim-bava.

Isaia 49:10

Tsy ho noana sady tsy hangetaheta ireo ary tsy hampaninona azy akory na ny rivo-mahamay na ny masoandro, satria am-pitiavana no hitarihako azy ary any amin’ny loharano miboiboika no hitondrako azy hiala hetaheta.

Matio 13:6

saingy nony nipoaka ny andro, dia nalazon’ny hafanana ireo tsimoka ireo ka maina, satria tsy namaka lalina.

Matio 20:12

nanao hoe: «Ireo nilatsaka farany ireo dia ora iray monja no niasany, kanefa nampitovînao karama aminay nisasatra nandritra ny andro sady niaritra ny hafanana.»

Matio 6:30

Tafîn’Andriamanitra toy izany ny ahitra any an-tsaha, izay eny anio nefa atsipy any am-patana rahampitso; tsy mainka ve ianareo no hampitafîny, ry kely finoana?

Marka 4:6

saingy nony nipoaka ny andro, dia nalazon’ny hafanana ireo tsimoka ireo ka maina satria tsy namaka lalina.

1Korintiana 7:31

ireo fatra-pikirakira ny zavatr’izao tontolo izao dia aoka ho toy ny tsy mikirakira izany, fa mihelina ny endrik’izao tontolo izao.

1Petera 1:4

fa hahazo ny lova tsy mety simba sady tsy azon-doto no tsy mety levona. Voatahiry any an-danitra io lova io mba ho anareo,

1Petera 5:4

ka rehefa miseho ilay Filohan’ny mpiandry, dia hahazo ny satroboninahitra tsy mety simba ianareo.