Isaia 8:16 - DIEM PROTESTANTA

¹⁶ «Fonosy izany hafatra izany, ry Isaià, ary asio tombokase ny fampianarana ho eo anivon’ireo mpianatro ihany.»

Baiboly Protestanta Malagasy 2011

¹⁶ Tehirizo ny teny vavolombelona, ary asio tombo-kase ny lalàna eo amin’ny mpianatro.

Dikateny Iombonana Eto Madagasikara

¹⁶ «Fonosy izany hafatra izany, ry Isaià, ary asio tombokase ny fampianarana ho eo anivon’ireo mpianatro ihany.»

Baiboly Katolika

¹⁶ Fehezo ny teny-vavolombelona, asio tombokase ny fampianarana ao am-pon’ny mpianatrao.

Baiboly Protestanta Malagasy

¹⁶ Fehezo ny teni-vavolombelona, Ary asio tombo-kase ny lalàna eo amin’ny mpianatro.

Malagasy Bible

¹⁶ Fehezo ny teni-vavolombelona, Ary asio tombo-kase ny lalàna eo amin'ny mpianatro.

La Bible en Malgache

¹⁶ Tehirizo ny teny vavolombelona, ary asio tombo-kase ny lalàna eo amin’ny mpianatro.

Isaia 8:16 Rohy Ifampitohizana

2Mpanjaka 11:12

Tamin’izay dia navoakan’i Jôiadà i Jôasy zanakalahin’i Ahazià, ka nampisatrohina ny satroboninahitra maha-mpanjaka sady notolorana ny raki-tsoratra momba ny zo aman’andraikitry ny mpanjaka; ary nohosorany menaka izy hanokanana azy ho mpanjaka, koa dia nitehaka ny olona sy niantsoantso hoe: «Ho ela velona anie ny mpanjaka!»

Salamo 25:14

Ireo mpanaja ny TOMPO no anehoany ny tsiambaratelony, satria ampahafantariny azy tokoa izay raketin’ny fanekempihavanany.

Isaia 50:4

Ny Tompo ANDRIANANAHARY no nampianatra ahy izay tokony holazaiko, mba hahaizako mamoaka teny hampahery ny reraka. Isa-maraina Izy dia manabe ahy hatrany hihaino araka izay tokony hataon’ny mpianatra.

Isaia 54:13

Izaho TOMPO no hahatonga ny zanakao rehetra ho mpianatro, ka hiadam-pinaritra fatratra ireo.

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Daniela 12:4

«Ry Daniela, ahorony hiafina ireo teny ireo ka asio tombo-kase tsy ho azo sokafana ity boky ity ambara-pahatongan’ny fotoana farany; ho maro amin’izay no hamaky azy ka hitombo fahalalana.

Daniela 9:24

Fito taona impitopolo no voatendry ho an’ny firenenao ary ho an’ilay tanànanao masina; ilaina izany mba hampijanona ny heloka bevava sy hampitsaharana ny ota, mba hamelàna ny fahadisoana sy hisehoan’ny fahamarinana mandrakizay ary mba hahatanterahan’ny fahitana amam-paminaniana sy hanokanana indray ny Toeramasina indrindra.

Matio 13:11

Dia novalian’i Jesoa hoe: –Ianareo no natao hahalala ny tsiambaratelo momba ny Fanjakàn’ny lanitra, fa ireo kosa tsy natao hahalala.

Marka 10:10

Ary nony mby tao an-trano, dia nanontanian’ny mpianatra ny amin’izany indray i Jesoa;

Marka 4:34

Nampiasa fanoharana Izy raha niteny tamin’ny olona; fa rehefa nitokana kosa Izy sy ny mpianany, izay vao nohazavainy tamin’ireo mpianany ny zava-drehetra.

1Korintiana 2:14

Fa ny olona tsy manana ny Fanahin’Andriamanitra dia tsy mahay mandray ny fanomezana ampitain’izany Fanahy izany; fa ataony ho fahadalana izany, sady tsy hainy fantarina velively, satria ny Fanahin’Andriamanitra ihany no ahafantarana izany.

Deoteronomia 4:45

Ireto no baiko sy lalàna amam-pitsipika izay nambaran’i Mosesy taminy, fony ireo tafavoaka an’i Ejipta

Hebreo 3:5

Ary i Mosesy dia nahatoky tao amin’ny tranon’Andriamanitra manontolo, araka ny maha mpanompo azy, ka natao hanambara ny zavatra izay holazain’Andriamanitra amin’ny ho avy.

Apokalipsy 10:4

Ary rehefa namaly azy ny kotro-baratra fito, dia ndeha hanoratra aho; kanjo reko nisy feo avy tany an-danitra nanao hoe: –Tano ho anao izay voalazan’ny kotro-baratra fito, fa aza soratana!

Apokalipsy 19:10

Dia niankohoka teo an-tongony aho mba hitsaoka azy, satria nilazany hoe: –Tandremo, aza manao izany! Fa mpanompo miaraka aminao aho sady miaraka amin’ireo namanao iray finoana, izay mitana ny hafatra nijoroan’i Jesoa ho vavolombelona. Andriamanitra no tsaohy! Eny, ny Fanahy Masina Izay manentana hilaza hafatra avy amin’Andriamanitra dia ahariharin’ny fijoroana ho vavolombelon’i Jesoa.

Apokalipsy 2:17

«Izay manan-tsofina, aoka hihaino izay lazain’ny Fanahy Masina amin’ireo Fiangonana. «Izay maharesy dia homeko mana miafina sady homeko vato fotsy; ary eo amin’io vato io dia misy anaram-baovao voasoratra, izay tsy fantatr’olona afa-tsy izay mandray azy ihany.»

Apokalipsy 5:1

Dia hitako nisy horonamboky teny an-tanana ankavanan’Ilay mipetraka eo ambony sezafiandrianana; ka io horonamboky io dia voasoratra anatiny sy ivohony sady voaisy tombokase fito.

Apokalipsy 5:5

Dia hoy ny anankiray tamin’ireo loholona tamiko: –Aoka izay ny ranomasonao! Indro ny liona avy amin’ny fokon’i Joda, dia ilay solofon’i Davida mpanjaka, fa nahazo fandresena ka afaka hamaha ireo tombokase sy hanokatra ny horonamboky.