Isaia 66:2 - DIEM PROTESTANTA

² Fa izao rehetra izao dia nataon’ny tanako, ka dia Ahy avokoa izao rehetra izao; teny hentitra avy amiko TOMPO izany. Kanefa ny olona tsinjoviko dia ny mahantra sy ny torotoro fanahy ary ny mandray ny teniko amin-kovitra.

Baiboly Protestanta Malagasy 2011

² Fa izao zavatra rehetra izao no nataon’ny tanako dia ary izao rehetra izao, hoy NY TOMPO. Nefa izao no olona hotsinjoviko: Izay mahantra sy torotoro fanahy sady mangovitra noho ny teniko.

Dikateny Iombonana Eto Madagasikara

² Fa izao rehetra izao dia nataon’ny tanako, ka dia Ahy avokoa izao rehetra izao; teny hentitra avy amiko TOMPO izany. Kanefa ny olona tsinjoviko dia ny mahantra sy ny torotoro fanahy ary ny mandray ny teniko amin-kovitra.

Baiboly Katolika

² Izao rehetra izao nataon’ny tanako avokoa; ka izany no nahatonga azy ho misy; - teny marin’i Iaveh.- Izao no olona tsinjoviko, dia izay manetry tena sy torotoro fo, ary mangovitra amin’ny teniko.

Baiboly Protestanta Malagasy

² Fa izao zavatra izao no nataon’ny tànako. Ka dia ary izao rehetra izao, hoy Jehovah; Nefa izao no olona hotsinjoviko, Dia izay malahelo sy torotoro fanahy Sady mangovitra noho ny teniko.

Malagasy Bible

² Fa izao zavatra izao no nataon'ny tanako. Ka dia ary izao rehetra izao, hoy Jehovah; Nefa izao no olona hotsinjoviko, Dia izay malahelo sy torotoro fanahy Sady mangovitra noho ny teniko.

La Bible en Malgache

² Fa izao zavatra rehetra izao no nataon’ny tanako dia ary izao rehetra izao, hoy NY TOMPO. Nefa izao no olona hotsinjoviko: Izay mahantra sy torotoro fanahy sady mangovitra noho ny teniko.

Isaia 66:2 Rohy Ifampitohizana

1Mpanjaka 21:29

–Moa hitanao izao fietren-tenan’i Ahaba eto anatrehako izao? Satria nanao izany izy, dia tsy hahatonga loza amin’ny fianakaviany amin’ny androny Aho, fa amin’ny andron-janany kosa.

2Mpanjaka 22:10

Dia nilazan’i Safàna koa ny mpanjaka hoe: –Misy boky nomen’i Hilkià mpisorombe ahy ity! Ary novakiny teo anatrehan’ny mpanjaka izany.

2Mpanjaka 22:11

Nony ren’i Jôsià mpanjaka ny teny tao amin’ilay Bokin’ny Lalàna, dia nandriatra fitafiana izy.

Ezra 10:3

Aoka hifanaiky amin’Ilay Andriamanitsika izahay fa handroaka mbamin-janany ireo vehivavy rehetra hafa firenena ireo. Harahinay ny anatra nataonao sy naroson’izay fatra-panaja ny didin’Andriamanitra; aoka hatao araka ny lalànany tokoa izany!

Ezra 9:4

ka mbola tafapetraka toy izany ihany mandra-pahatongan’ny fotoana fanolorana ny sorona hariva. Dia nivory teo amiko izay rehetra fatra-panaja ny tenin’Ilay Andriamanitr’i Israely ny amin’ny fahadisoan’ireo Jiosy efa tafaverina avy any an-tsesitany.

Salamo 119:120

Mihorohoro ny nofoko noho ny aminao, fa atahorako tokoa ny fitsipikao.

Salamo 119:161

Enjehin’andriana tsy amin’antony aho; ny teninao ihany no atahoran’ny foko.

Salamo 138:6

Fa na dia avo toerana aza IZY, dia mijery ny manetry tena; saingy ny mpiavonavona kosa dia fantany avy eny lavitra eny.»

Salamo 34:18

Vao miantso vonjy ny olo-marina, dia henoin’ny TOMPO sy afahany tamin’izay fahoriany rehetra.

Salamo 51:17

Tompo ô, ampio hiloa-bava aho, mba hanambaràko ny fiderana Anao.

Salamo 51:19

Ny sorona ataoko aminao, Andriamanitra ô, dia ny fanahiko tsy miavonavona; ny foko tsy miavonavona sy mangorakoraka dia tsy mba ataonao tsinontsinona, Andriamanitra ô.

Ohabolana 28:14

Sambatra ny olona izay manaja ny Tompo mandrakariva, fa izay manamafy ny fony kosa hidiran-doza.

Ohabolana 29:23

Ny avonavon’ny olona no hampietry azy; fa ny manetry tena no hahazo haja.

Isaia 40:26

Atopazo eny an-danitra ny masonareo ka jereo: Iza no nahary ny kintana? Tsy iza fa Ilay mamoaka azy isan-tokony toy ny andian-tafika hanao matso sy miantso azy rehetra amin’ny anarany avy. Lehibe loatra ny heriny ary tena hentitra ny fahefàny ka tsy misy mitsoaka an-daharana ireo.

Isaia 41:20

Amin’izay dia ho hitan’ny olona sy ho fantany, ary ho tsapany sy ho takany fa Izaho TOMPO, ilay Masin’i Israely, no namboatra sy nahary izany fanovana izany.

Isaia 57:15

Fa ankehitriny ilay Avo manerinerina, ilay mandrakizay ny fonenany sady masina ny anarany, dia manao izao teny izao: «Any amin’ny toerana avo sy masina no onenako, nefa koa ao amin’ny torotoro fo sy manetry tena mba hamelombelona ny fanahin’ireo manetry tena sy hamelombelona ny fon’ireo torotoro fo.

Isaia 61:1

Ny Fanahin’ny Tompo ANDRIANANAHARY no ato amiko, satria efa nanosotra ahy ny TOMPO ka naniraka ahy mba hitory ny Vaovao Mahafaly amin’ny malahelo, hanasitrana ny olona torotoro fo, hanambara fanafahana ho an’ireo babo sy famoahana ireo gadra avy ao am-ponja,

Isaia 66:5

Mihainoa ny tenin’ny TOMPO ianareo izay mandray ny teniny amin-kovitra: «Misy mankahala anareo ny mpiray firenena aminareo ka manilika anareo noho ny fanajanareo Ahy, sady loa-bolana maneso anareo hoe: ‹Aoka ny TOMPO hampiseho ny voninahiny, dia hahita anareo mandresy izahay!› Kanjo ireny kosa no ho menatra.»

Hosea 11:10

Ny TOMPO Izay hierona tahaka ny liona no harahin’ireo voasesitany hody. Ary rehefa mierona ny TOMPO, dia ireo zanany no hihazakazaka hanatona avy any ampitan-dranomasina any.

Mika 6:8

Tsia, ry olombelona, fa efa nampianarina anao ny fitondrantena tsara sy izay tadiavin’ny TOMPO aminao: dia ny hanao ny rariny sy handala ny fitiavana ary ny hanaraka an’Andriamanitrao amim-panetrentena.

Habakoka 3:16

Reko avokoa izany ka dia mangotika aho. Mipararetry ny tahotra koa ny molotro. Mihaosa ny tenako ka mangozohozo famindra. Eny, am-pahanginana no tsy maintsy iandrasako ny androm-pahoriana hamelezan’Andriamanitra ity vahoaka izay mamoritra anay ity.

Matio 12:6

Ary dia lazaiko aminareo fa misy eto lehibe noho ny tempoly.

Asan’ny Apostoly 7:50

Angaha tsy asan’ny tanako izao rehetra izao?»

Asan’ny Apostoly 9:6

Fa mitsangàna, mankanesa ao an-tanàna, dia holazaina aminao izay tokony hataonao.

Filipiana 2:12

Koa amin’izany, ry hava-malalako, efa nanaiky ahy mandrakariva ianareo fony aho teo aminareo, fa vao mainka tokony hanaiky ahy bebe kokoa ianareo ankehitriny amin’izao tsy maha eo ahy izao. Miasà amin-tahotra sy hovitra hahatomombana ny famonjena anareo;

Kolosiana 1:17

Nisy talohan’ny zavatra rehetra Izy sady ao aminy no aharetan’ny zavatra rehetra.