Isaia 66:16 - DIEM PROTESTANTA

¹⁶ Fa amin’ny alalan’ny afo sy ny sabatra no hitsaran’ny TOMPO ny olombelona rehetra; ka maro no haringan’ny TOMPO,

Baiboly Protestanta Malagasy 2011

¹⁶ Fa ny afo no hoentin’NY TOMPO mitsara, ary amin’ny sabany no hitsarany ny nofo rehetra; ho maro ny voaringan’NY TOMPO.

Dikateny Iombonana Eto Madagasikara

¹⁶ Fa amin’ny alalan’ny afo sy ny sabatra no hitsaran’ny TOMPO ny olombelona rehetra; ka maro no haringan’ny TOMPO,

Baiboly Katolika

¹⁶ Fa amin’ny afo no anaovan’i Iaveh ny fitsarana, ary ny sabany no ampiharany azy amin’ny nofo rehetra; ary maro no ho voagorobak’i Iaveh.

Baiboly Protestanta Malagasy

¹⁶ Fa ny afo sy ny sabany no ho entin’i Jehovah hifandahatra amin’ny nofo rehetra; Ary ho maro ny voaringan’i Jehovah.

Malagasy Bible

¹⁶ Fa ny afo sy ny sabany no ho entin'i Jehovah hifandahatra amin'ny nofo rehetra; Ary ho maro ny voaringan'i Jehovah.

La Bible en Malgache

¹⁶ Fa ny afo no hoentin’NY TOMPO mitsara, ary amin’ny sabany no hitsarany ny nofo rehetra; ho maro ny voaringan’NY TOMPO.

Isaia 66:16 Rohy Ifampitohizana

Isaia 10:4

Izao ihany no azonareo atao: hitanondrika miaraka amin’ireo babo na hidaboka miaraka amin’ireo maty. Saingy, na teo aza izany rehetra izany, dia mbola tsy afaka ny fahatezeran’ny TOMPO fa mihinji-tanana mandrahona ihany Izy.

Isaia 27:1

Amin’izany andro izany, dia hirotsaka an-tsehatra ny TOMPO ka handray sabatra mafy sady lehibe no mahery hamelezana ny Leviatana, ilay bibilava mitsoriaka sy mihorongorona; ary hovonoin’ny Tompo izany dragona an-dranomasina izany.

Isaia 3:13

Vonona hifandahatra ny TOMPO, ka mipetraka hitsara ny vahoakany.

Isaia 30:30

Hataon’ny TOMPO re tokoa ny feony heni-piandrianana ary hataony hita ny fiantraikan’ny tanany mamely, rehefa mirehitra ny fahatezerany eo anivon’ny firedaredan’ny lelafo mandevona ary ao anatin’ny ranonoram-baratra sy ny havandra vaventy mifafy.

Isaia 31:8

Tsy sabatra nataon’ny olona ilay sabatra handavo ny Asirianina; ary tsy sabatra an’olombelona ilay sabatra handringana azy. Handositra eo anoloan’io sabatra io ny Asirianina; ary ny miaramila voafantiny dia hampanaovina asa an-terivozona.

Isaia 34:2

Tezitra amin’ny firenen-kafa rehetra ny TOMPO sady misafoaka amin’ny tafiny manontolo; nasainy naringana ireny ka natolony hovonoina.

Isaia 65:12

dia hatolotro ho voan’ny sabatra ianareo ka haringana avokoa eo am-pandohalehana, satria nantsoiko ianareo fa tsy namaly ary nitenenako fa tsy nihaino. Izay ratsy eo imasoko no nataonareo, ary izay tsy sitrako no nofidinareo.

Jeremia 25:31

Tonga amin’ny mponina rehetra amin’ny tany izany feo mitrena ataon’ny Tompo izany, ary tafapaka hatrany amin’ny faran’ny tany. Manana ady atao amin’ireo firenena ny TOMPO ka miantso ny olona rehetra ho eo amin’ny fitsarana. Izay olon-dratsy dia hatolony haringana. Izany no teny hentitry ny TOMPO.»

Jeremia 25:33

Amin’izany andro izany, manomboka amin’ny tendron-tany ankilany ka hatrany amin’ny tendron-tany andaniny, izay nasian’ny TOMPO ho faty dia tsy hisaonana; tsy hangonina na halevina izy ireny, fa ho tonga zezika eo amin’ny velaran-tany.

Jeremia 45:5

Koa ianao ve sahy hitaky tombontsoa ho an’ny tenanao manokana? Tsia, aza mitaky na inona na inona; fa indro Aho hahatonga loza ho amin’ny olombelona rehetra. Teny hentitra avy amiko TOMPO izany. Kanefa izao no tombontsoa hanananao: Hataoko velona aina ianao any amin’ny toerana rehetra halehanao.»

Jeremia 46:15

Fa inona no miseho? Mianjera amin’ny tany ny ombalahy masina ianteheranao! Tsy nahatohitra izy fa voatosiky ny TOMPO

Ezekiela 28:18

Maro tokoa ny helokao satria tsifahamarinana no nitondranao ny varotrao ka voazimbazimbanao ireo toeram-pivavahanao. Izany no andrehetako afo ao an-tanànanao handevona anao. Izay rehetra hijery anao dia hahita fa hataoko tonga lavenona ianao eto an-tany.

Ezekiela 38:17

«Izao no lazain’ny Tompo ANDRIANANAHARY: Ianao no ilay nambarako hatry ny fahiny elabe, fony Aho nandidy ireo mpanompoko, dia ny mpaminanin’i Israely, hilaza ny hafatro nandritra ny taona maro; ianao no nasaiko tonga hamely ny fireneny.

Ezekiela 5:15

Hampihariko ny didim-pitsarana hamelezana io tanàna io amim-pahatezerana sy amim-pahavinirana ary amim-panakianana mivaivay. Amin’izay ny hafa firenena manodidina azy dia hanao azy ho fandatsa sy ho fihomehezana ary koa ho fampitandremana sy ho fampitahorana. Izaho TOMPO no miteny izany aminareo.

Joela 3:2

Na dia ny mpanompolahy sy ny mpanompovavy aza dia handatsahako ny Fanahiko amin’izany andro izany.

Amosa 7:4

Izao indray no nasehon’ny Tompo ANDRIANANAHARY ahy tamin’ny fahitana: Indro Izy Tompo ANDRIANANAHARY dia niantso ny afo hanatanteraka ny fitsarany; ka ny afo no nandritra ny ranobe any ambanin’ny tany sady nandoro ny tanin’i Israely.

Nahoma 3:15

Fa ho faty kilan’ny afo sy ho ripaky ny sabatra ianareo; eny, ho levona tokoa ianareo, toy ny fandevon’ny valala ny ravina. Nivangongo tahaka ny voangory ny vahoakanao ary nifanaretsaka tahaka ny valala.

Nahoma 3:3

He, miantsambotra ny mpitaingin-tsoavaly, mamirapiratra ny sabatra, manjelanjelatra ny lefona! Betsaka ny maratra! Fatin’olona no miampatrampatra tsy hita isa sy mamingana hatraiza hatraiza!

Zakaria 14:5

Dia io lohasaha nampivaky tendrombohitra io no lalana handosiranareo, satria hipaka hatrany Atsala izany. Eny, handositra ianareo, dia tahaka ny razanareo nandositra ny horohorontany tamin’ny andron’i Hozià mpanjakan’i Joda. Ary ho avy ny Tompo Andriamanitro miaraka amin’ireo anjeliny rehetra.