Isaia 5:24 - DIEM PROTESTANTA

²⁴ Noho izany, dia ho tahaka ny mololo voadoron’ny afo sy ho tahaka ny bozaka levonin’ny afo no hanjo azy. Ho lò avy any am-potony izy ka ho lasa vovoka ny voniny, satria nariany ny fampianarana naroson’ny TOMPOn’izao rehetra izao ary notsiratsirainy ny tenin’ilay Masin’i Israely.

Baiboly Protestanta Malagasy 2011

²⁴ Koa toy ny fandevon’ny lelafo ny mololo sy toy ny fihalevonan’ny bozaka midedadeda no hahalovan’ny fotony sy hijofoan’ny voniny tahaka ny vovoka, satria efa nandà ny lalànan’Andriamanitra, Tompon’izao rehetra izao, izy sy nanamavo ny tenin’ny Iray Masin’ny Israely.

Dikateny Iombonana Eto Madagasikara

²⁴ Noho izany, dia ho tahaka ny mololo voadoron’ny afo sy ho tahaka ny bozaka levonin’ny afo no hanjo azy. Ho lò avy any am-potony izy ka ho lasa vovoka ny voniny, satria nariany ny fampianarana naroson’ny TOMPOn’izao rehetra izao ary notsiratsirainy ny tenin’ilay Masin’i Israely.

Baiboly Katolika

²⁴ Noho izany, toy ny fandevon’ny lelafo ny mololo, sy toy ny fitelin’ny afo ny ahi-maina, ny fakany hanahaka zavatra lo; ary ny voniny hofaohiny toy ny vovoka; satria nanipaka ny lalàn’i Iavehn’ny tafika izy ireo, sy naniratsira ny tenin’Ilay Masin’i Israely.

Baiboly Protestanta Malagasy

²⁴ Koa toy ny fandevonan’ny lelafo ny mololo, Ary toy ny fifitsaky ny bozaka midedadeda, Dia toy izany no hahalovan’ny fàkany Sy hijofoan’ny voniny hanjary vovoka, Satria efa nandà ny lalàn’i Jehovah, Tompon’ny maro, izy Sy nanamavo ny tenin’ny Iray Masin’ny Isiraely.

Malagasy Bible

²⁴ Koa toy ny fandevonan'ny lelafo ny mololo, ary toy ny fifitsaky ny bozaka midedadeda, dia toy izany no hahalovan'ny fakany sy hijofoan'ny voniny hanjary vovoka, satria efa nandà ny lalàn'i Jehovah, Tompon'ny maro izy Sy nanamavo ny tenin'ny Iray Masin'ny Isiraely.

La Bible en Malgache

²⁴ Koa toy ny fandevon’ny lelafo ny mololo sy toy ny fihalevonan’ny bozaka midedadeda no hahalovan’ny fotony sy hijofoan’ny voniny tahaka ny vovoka, satria efa nandà ny lalànan’Andriamanitra, Tompon’izao rehetra izao, izy sy nanamavo ny tenin’ny Iray Masin’ny Israely.

Isaia 5:24 Rohy Ifampitohizana

2Mpanjaka 19:22

Fa iza moa no voatevatevanao sy nompanao? Ary iza no nanaovanao lela miakatra sy niandranandranan’ny masonao? Tsy iza fa Izaho Ilay Masin’i Israely!

Nehemia 9:26

Kanefa nikomiany sy niodinany Ianao, nariany lavitra azy ny lalànao, novonoiny ny mpaminaninao izay nananatra azy mafy hiverina aminao; koa notevatevainy tokoa Ianao.

Joba 18:16

Fa ho tonga toy ny hazo efa ho faty izy; mihamaina ny fakany avy ao ambany ary mihamalazo ny raviny avy any ambony.

Joba 8:17

Mifanolanolana eny amin’ny korontam-bato ny fàkany ka tanteraka hatrany an-tsefatsefa-bato any.

Salamo 50:17

ianareo izay mpankahala anatra sy mpanipy ny teniko any ivoho?

Eksodosy 15:7

Mahatalanjona ny fahalehibiazanao fa manapotika ny mpanohitra Anao. Alefanao ny fahatezeranao ka mandoro azy toy ny mololo.

Eksodosy 5:12

Dia niparitaka manerana ny tany Ejipta manontolo ny Israelita hanangona vodivary hatao mololo.

Isaia 1:31

Ho toy ny vohavoha ny lehilahy mahery ary ho toy ny kilalaon’afo ny asany hodorana miaraka izy roa tonta ka tsy misy hamono ny afo.

Isaia 1:4

Loza! firenena mpanota ianao, ry Joda; vahoaka mivesatra heloka ianareo, solofon’ny mpanao ratsy, taranaka lomorina! Nilaozanareo ny TOMPO, nataonareo tsinontsinona ilay Masin’i Israely, fa niamboho Azy ianareo.

Isaia 24:6

Koa levon’ny ozon’Andriamanitra ny tany; ary mitondra fahoriana ny mponina eo aminy noho ny heloka nataony; hihena ireo ka vitsy dia vitsy no ho tavela.

Isaia 26:11

TOMPO ô, manandra-tanana handrahona Ianao kanefa tsy ahoan’ireo olon-dratsy akory. Aoka ho menatra izy raha mahita ny zotomponao hiaro ny vahoakanao; eny, aoka handevona azy ny afo izay natokanao ho an’ny fahavalonao!

Isaia 30:12

Koa izao no lazain’ilay Masin’i Israely: «Satria lavinareo izany teniko izany fa aleonareo mitoky amin’ny tsikombakomba sy miantehitra amin’ny hafetsifetsena,

Isaia 30:9

Fa vahoaka maditra izy ireo, zanaka mandainga, tsy mety mihaino ny fampianaran’ny TOMPO.

Isaia 47:14

Ho toy ny mololo no hanjo ireo mpanandro ireo: ho main’ny afo izy ka tsy hahavonjy tena ho afaka amin’ny herin’izany lelafo izany; fa tsy ho vainafo kely hanendasa-mofo izany na ho fatan’afo tsotra natao hamindroana!

Isaia 8:6

–Ity vahoaka ity dia manao tsinontsinona ny ranon’i Silôà izay misononòka mora; ka kivy izy manoloana an’i Retsîna sy manoloana ilay zanakalahin’i Remalià.

Isaia 9:18

Tezitra mafy ny TOMPOn’izao rehetra izao, ka dia mirehitra izany tany izany ary toy ny levon’ny afo ny vahoakany. Tsy misy olona miantra ny namany:

Isaia 9:19

andidiana ny eo an-kavanana nefa mbola noana ihany ny tena, ihinanana ny eo an-kavia nefa mbola tsy voky ihany. Samy mihinana ny havany avokoa izy:

Jeremia 6:19

Mihainoa, ry mponina rehetra eran-tany: Indro hahatonga loza ho an’io firenena io Aho, dia loza vokatry ny hevi-dratsiny ihany, satria tsy niraharaha ny teniko izy sady naniratsira ny fampianarako.

Jeremia 8:9

Mahazo henatra ny hendry ary ketraka satria voafandrika; nanamavo ny tenin’ny TOMPO izy ka inona indray no mahahendry azy?

Ezekiela 15:6

«Koa izao no lazain’ny Tompo ANDRIANANAHARY: ‹Ny tahom-boaloboka no atsipy ao anaty afo ho kitay, fa tsy ny vatan-kazo avy amin’ny hazo hafa. Toy izany no hanafaizako ny mponin’i Jerosalema,

Hosea 11:9

Tsy hanampatra fahatezera-mirehitra Aho na ho avy handringana an’i Efraîma; tsy olombelona Aho fa Andriamanitra dia Ilay Masina eo aminao; ka tsy ho avy amim-pahatezerana mafy Aho.»

Hosea 5:12

Ho toy ny fositra Aho amin’i Efraîma ary ho toy ny olitra amin’ny taranak’i Joda.

Hosea 9:16

Voavely i Efraîma: maina ny fàkany ka tsy hamoa intsony izy. Na dia miteraka aza ny vehivavy ao aminy, dia hataoko maty ihany ny malala naloaky ny kibony.»

Joela 2:5

Tahaka ny firodorodon’ny kalesy na ny fipoapoaky ny lelafo amin’ny bozaka may no itsambikimbikinany mitety tampon-tendrombohitra. Eny, tahaka ny tafika matanjaka no efa ilaharany mivonon-kiady.

Amosa 2:4

Izao no lazain’ny TOMPO: «Fahotana mifanesy no vitan’ny mponin’i Joda, fa indrindra ireto: Nanao tsinontsinona ny fampianarako izy ary tsy nitandrina ny didiko sady nanaiky ho voafitaky ny andriamanitra sampy izay efa notompoin’ireo razany. Noho izany, dia tsy hahemotro ny sazy momba azy:

Amosa 2:9

Izaho anefa no nandringana ny Amôrita teo anatrehany, dia olona ranjanana tahaka ny hazo sedera ary matanjaka tahaka ny hazo ôaka; eny, nopotehiko avokoa na ny fotony na ny voany.

Nahoma 1:10

Tahaka ny tsilo misafotofoto ry zareo izay miboboka mandra-pahamamony ka ho levon’ny afo toy ny ahi-maina.

Matio 3:12

Efa eny an-tanany ny fikororohana ary hodioviny tanteraka ny vary eo am-pamoloana; ka ny vary moa hangoniny an-tsompitra, fa ny mololo kosa hodorany amin’ny afo tsy mitsaha-mirehitra.

Lioka 10:16

Ary hoy indray i Jesoa tamin’ny mpianany: –Izay mihaino anareo, dia mihaino Ahy; izay manamavo anareo, dia manamavo Ahy; ary izay manamavo Ahy, dia manamavo Ilay naniraka Ahy.

Lioka 3:17

Eny an-tanany ny fikororohana hanadiovany tanteraka ny vary eo am-pamoloana: ka ny vary moa hangoniny an-tsompitra, fa ny mololo hodorany amin’ny afo tsy mitsaha-mirehitra.

Lioka 7:30

Ny Farisianina sy ny mpahay lalàna kosa nitsipaka ny fikasan’Andriamanitra ka nandà tsy hataon’i Jôhany batisa.

Jaona 12:48

Izay manamavo Ahy ka tsy mandray ny teniko, dia manana izay manameloka azy: ny teny izay nambarako ihany no hanameloka azy amin’ny andro farany;

Asan’ny Apostoly 13:41

«Mijere, ry mpaniratsira, dia migagà ka manjavòna! Fa ny zavatra hotanterahiko amin’ny andronareo dia zavatra tsy hinoanareo akory na dia hotantarain’olona aminareo aza.»

Deoteronomia 28:24

Toy izay ranonorana, dia vovoka sy fasika no halefan’ny TOMPO ho amin’ny taninareo; avy eny amin’ny habakabaka no hilatsahan’izany vovoka sy fasika izany aminareo, mandra-paharinganareo.

1Tesaloniana 4:8

Koa izay mandà izany fampianarana izany, dia tsy olona no laviny fa Andriamanitra Izay manome anareo ny Fanahiny Masina.

1Samoela 15:23

Fa ratsy toy ny sikidy ny fikomiana aminy, ary ratsy toy ny fanompoan-tsampy ny tsy fanekena Azy. Koa satria nandà ny tenin’ny TOMPO ianao, dia mba laviny kosa tsy ho mpanjaka intsony.

1Samoela 15:26

Hoy kosa i Samoela taminy: –Tsia, tsy hiverina hiaraka aminao aho, satria efa nandà ny tenin’ny TOMPO ianao, ka dia laviny koa tsy ho mpanjakan’i Israely intsony.