Isaia 44:8 - DIEM PROTESTANTA

⁸ Aza mangovitra na matahotra ianareo, ry vahoakako. Tsy Izaho ve no nampandre anareo ka nanambara izany taminareo hatry ny ela? Ianareo tokoa no vavolombeloko fa tsy misy Andriamanitra afa-tsy Izaho. Eny, tsy misy vatolampy hafa, tsy misy fantatro na iray aza.»

Baiboly Protestanta Malagasy 2011

⁸ Aza matahotra na mangovitra ianareo; tsy efa nampandre anareo hatramin’ny fahiny va Aho ka nanambara taminareo? Eny, ianareo no vavolombeloko. Moa misy Andriamanitra afa-tsy Izaho va? Tsia, tsy misy Vatolampy, tsy mahafantatra Aho.

Dikateny Iombonana Eto Madagasikara

⁸ Aza mangovitra na matahotra ianareo, ry vahoakako. Tsy Izaho ve no nampandre anareo ka nanambara izany taminareo hatry ny ela? Ianareo tokoa no vavolombeloko fa tsy misy Andriamanitra afa-tsy Izaho. Eny, tsy misy vatolampy hafa, tsy misy fantatro na iray aza.»

Baiboly Katolika

⁸ Aza taitra na matahotra foana ianareo! Tsy efa nampahalala anao, hatry ny ela va Aho, sy efa nilaza izany taminao? - Ianareo no vavolombeloko!- Moa misy Andriamanitra afa-tsy izaho va? Tsy misy Vatolampy hafa; tsy mahita izany aho.»

Baiboly Protestanta Malagasy

⁸ Aza matahotra na mangovitra hianareo; Tsy efa nampandre anareo hatramin’ny fahiny va Aho ka nanambara taminareo? Eny, hianareo no vavolombeloko; Misy Andriamanitra afa-tsy Izaho va? Tsia, tsy misy Vatolampy, tsy hitako izany.

Malagasy Bible

⁸ Aza matahotra na mangovitra ianareo; Tsy efa nampandre anareo hatramin'ny fahiny va Aho ka nanambara taminareo? Eny, ianareo no vavolombeloko; Misy Andriamanitra afa-tsy Izaho va? Tsia, tsy misy Vatolampy, tsy hitako izany.

La Bible en Malgache

⁸ Aza matahotra na mangovitra ianareo; tsy efa nampandre anareo hatramin’ny fahiny va Aho ka nanambara taminareo? Eny, ianareo no vavolombeloko. Moa misy Andriamanitra afa-tsy Izaho va? Tsia, tsy misy Vatolampy, tsy mahafantatra Aho.

Isaia 44:8 Rohy Ifampitohizana

Genesisy 46:3

Dia hoy indray Izy hoe: –Izaho no Andriamanitra, dia ilay Andriamanitry ny rainao. Aza matahotra hidina any Ejipta ianao; fa hataoko firenena lehibe any.

Genesisy 48:19

Fa nandà i Jakôba ka nanao hoe: –Fantatro dia fantatro, anaka, fa ho tonga firenen-dehibe koa i Manase. Kanefa ny zandriny dia ho lehibe noho izy, ary ny taranany dia ho firenena maro.

2Samoela 22:32

Fa iza moa no Andriamanitra afa-tsy ny TOMPO ihany? Ary iza no vatolampy ho anay afa-tsy ilay Andriamanitray?

Ezra 1:2

«Izao no lazain’i Kirôsa amperôran’i Persia. Ny TOMPO Andriamanitry ny lanitra dia efa nanome ahy ny fanjakana rehetra ambonin’ny tany ary efa nandidy ahy hanorina tempoly ho Azy any Jerosalema, izay ao amin’ny tanin’i Joda.

Ezra 8:22

Fa nahamenatra ahy ny hangataka miaramila sy mpitaingin-tsoavaly amin’ny amperôra mba hiaro anay amin’ny fahavalonay eny an-dalana; fa efa nilaza taminy manko izahay hoe: «Momba izay rehetra mitady Azy ny fiarovan’Andriamanitray, fa ny fahatezerany kosa hamely mafy izay rehetra mahafoy Azy».

Salamo 18:31

Mpitarika tonga lafatra Andriamanitra; azo antoka ny torohevitra omen’ny TOMPO. Toy ny ampinga fiarovana Izy ho an’izay rehetra mialoka aminy.

Salamo 18:32

Fa iza moa no Andriamanitra afa-tsy ny TOMPO ihany? Ary iza no vatolampy ho anay afa-tsy ilay Andriamanitray?

Salamo 86:10

fa lehibe Ianao sy manao zava-mahagaga; Ianao ihany no tena Andriamanitra.

Isaia 17:10

Nohadinoinao, ry Israely, ilay Andriamanitra mpamonjy anao ary tsy notsarovanao ilay vatolampy fiarovanao; ka namboly zavatra faingam-paniry ho an’ny sampy ianao sy namafy masomboly ho an’ny andriamani-tsiizy.

Isaia 26:4

Matokia ny TOMPO hatrany hatrany ianareo, satria ny TOMPO no vatolampy mandrakizay.

Isaia 30:29

Fa ianareo ao Jerosalema kosa hihira toy ny fanao amin’ny alina fankalazana ny fety ary hiravoravo am-po toy ny olona mandeha miaraka amin’ny feon-tsodina ho any an-tendrombohitry ny TOMPO, ilay Vatolampin’i Israely.

Isaia 41:23

Eny, ambarao anay ny zavatra ho avy dia hoekenay fa andriamanitra tokoa ianareo. Manaova soa na manaova ratsy mba hiarahanay mahita sy mijery.

Isaia 42:9

Indro efa lasa iny ny zava-niseho voalohany; koa zava-baovao indray no ambarako aminareo. Ary hampahafantariko anareo izany, na dia mbola tsy miseho aza.

Isaia 43:10

Hoy ny teny hentitry ny TOMPO hoe: Ianareo vahoakako no vavolombeloko, ianareo no mpanompoko izay nofidiko mba hahafantaranareo sy hitokianareo Ahy ary hahatakaranareo ny maha Izaho Ahy; talohako dia tsy nisy Andriamanitra ary tsy hisy handimby Ahy aoriako.

Isaia 43:11

Izaho dia Izaho ihany no TOMPO, ka tsy misy mpamonjy afa-tsy Izaho.

Isaia 43:12

Izaho no nanambara sy nanome ny famonjena ka nampahafantatra izany rahateo, fa tsy nisy andriamani-kafa tao aminareo. Koa ianareo no vavolombeloko, hoy ny teny hentitra avy amiko TOMPO; ary Izaho no Andriamanitra.

Isaia 43:9

Aoka hiangona ny firenena rehetra ary hivory ny olombelona! Iza amin’ireo andriamanitrareo no mahalaza aminay ny zava-nitranga? Aoka izy hanambara aminay ny zava-niseho voalohany. Aoka hasehony ny vavolombelony mba haneho ny fahamarinany; ary aoka ny vavolombelony hihaino azy ka hanamafy hoe: «Marina izany!»

Isaia 44:2

Izaho TOMPO izay mpanao anao, ka namorona anao hatrany am-bohòka sy manampy anao no indro milaza aminao hoe: Aza matahotra, ry firenen’i Jakôba mpanompoko ilay Jesoròna izay nofidiko.

Isaia 44:6

Izao no lazain’ny TOMPO dia ilay TOMPOn’izao rehetra izao sady Mpanjakan’i Israely sy Mpanavotra azy: «Izaho no voalohany ary Izaho no farany, ka tsy misy Andriamanitra afa-tsy Izaho.

Isaia 45:19

An-karihary no nitenenako fa tsy tao amin’ny toerana maizimaizina; tsy nampirisihiko ny taranak’i Jakôba hitady Ahy eo amin’ny toeram-poana. TOMPO Aho, ka ny marina no lazaiko ary ny mahitsy no ambarako!

Isaia 46:9

Tsarovy ny zavatra taloha teo am-piandohanareo: Eny, Izaho no Andriamanitra ka tsy misy hafa. Izaho no Andriamanitra; ka zava-poana avokoa na inona na inona ampitahaina amiko.

Isaia 48:3

Efa hatry ny ela no nanambarako ny zava-niseho voalohany; Izaho no nampanantena ireny sy nampandre azy anareo. Tampoka no nihetsehako, dia tonga tokoa ireny.

Isaia 48:5

Koa nambarako anareo hatry ny ela ireny zavatra ireny ary nampandrenesiko anareo talohan’ny nisehoany, sao lazainareo hoe: «Ny sampinay no nanao ireny; ny andriamanitray sarisokitra hazo na sarivongana varahina no nanome baiko toy izany.»

Jeremia 10:7

Iza no tsy hatahotra Anao, ry Mpanjakan’ireo firenena, fa mendrika anao izany. Ny hendry rehetra amin’ireo firenena sy ao amin’ireo fanjakana rehetra dia tsy misy mitovy aminao.

Daniela 2:28

Fa misy Andriamanitra any an-danitra ambony any Izay mampiseho ny zava-miafina, ka Izy no nampahafantatra an’i Nebokadnetsara mpanjaka izay hiseho amin’ny hoavy. Koa izao àry ny nofinao sy ny fahitana tao an-tsainao teo am-pandriana.

Daniela 2:47

Izay ny mpanjaka vao namaly an’i Daniela ka nanao hoe: –Marina tokoa fa ny Andriamanitrareo no Andriamanitry ny andriamanitra sy Tompon’ny mpanjaka ary mpanambara ny zava-miafina, matoa afaka nanambara tamiko izany zava-miafina izany ianao.

Daniela 4:25

Dia tanteraka tamin’i Nebokadnetsara mpanjaka avokoa izay rehetra nambaran’ny nofiny.

Daniela 6:22

Dia niteny tamin’ny mpanjaka i Daniela hoe: –Ho ela velona anie ianao, ry mpanjaka!

Joela 2:27

Ary hiaiky ianareo fa eo afovoanareo Israelita Aho, ka ny TOMPO Andriamanitrareo dia Izaho fa tsy hafa. Ary ny vahoakako, na oviana na oviana, dia tsy ho menatra intsony.»

Jaona 1:1

Tamin’ny voalohany, fony nahary an’izao tontolo izao Andriamanitra, dia efa nisy ilay Teny; ilay Teny dia nitodika tany amin’Andriamanitra hatrany, ary ilay Teny dia Andriamanitra.

Jaona 10:30

Izaho sy ny Ray dia iray ihany.

Jaona 6:10

Dia hoy i Jesoa hoe: –Asaovy mipetraka ny olona! Noho ny fisian’ny ahitra be teo amin’ilay toerana, dia nipetraka ny olona ka tokony ho dimy arivo no isan’ny vatan-dehilahy.

Asan’ny Apostoly 1:8

Fa hahazo hery ianareo rehefa hilatsahan’ny Fanahy Masina, ka ho vavolombelona hanambara Ahy eto Jerosalema sy eran’i Jodea mbamin’i Samaria ary hatrany amin’ny faran’ny tany.

Asan’ny Apostoly 14:15

–Adray rey olona! Nahoana no manao izao ianareo? Olombelona tahaka anareo ihany izahay! Manambara ny Vaovao Mahafaly aminareo izahay, ka manainga anareo handao ireto sampy tsy mahasoa ireto ary hitodika amin’ilay Andriamanitra velona, Izay nanao ny lanitra sy ny tany ary ny ranomasina mbamin’ny zavatra rehetra ao aminy.

Deoteronomia 32:31

Na ny fahavalony aza no mitsara, dia miaiky fa tsy mitovy amin’ilay Vatolampy ianteheran’i Israely ny vatolampy izay mba ianteherany.

Deoteronomia 32:39

Fantaro ankehitriny fa Izaho ihany no Andriamanitra ary tsy misy andriamani-kafa miolotra amiko: Izaho no mahafaty sy mahavelona, Izaho no maharatra sy mahasitrana, ary tsy misy mahafaka olona eo am-pelatanako.

Deoteronomia 32:4

Ny TOMPO no Vatolampy: lavorary ny asany; ny sori-dàlany rehetra rariny avokoa. Andriamanitra mahatoky Izy, tsy misy ratsy eo aminy: marina sy mahitsy Izy.

Deoteronomia 4:35

Ianareo no nampahitany an’izany mba hahafantaranareo fa ny TOMPO no Andriamanitra, sady tsy misy afa-tsy Izy.

Deoteronomia 4:39

Koa aoka hoekenareo anio sy haraikitrareo ao am-ponareo fa ny TOMPO no Andriamanitra any amin’ny lanitra ambony sy etỳ amin’ny tany ambany, sady tsy misy afa-tsy Izy.

Hebreo 12:1

Voahodidina vavolombelona marobe tokoa àry isika; noho izany, dia aoka hanaisotra ny zavatra rehetra manembantsembana ny hazakazaka ataontsika sy hanaisotra ny ota mora mangeja antsika, ary hiezaka amim-paharetana eo amin’izao fifaninanana hazakazaka naroso hataontsika izao.

1Jaona 1:2

Eny, efa naseho ny fiainana sady efa hitanay; ary tonga vavolombelony izahay ka manambara aminareo ny fiaina-maharitra mandrakizay, dia ilay fiainana nitodika tany amin’ny Ray ka efa naseho taminay.

1Samoela 2:2

tsy misy masina tahaka AZY, ary tsy misy vatolampy tahaka an’Andriamanitsika. Eny, Izy irery ihany no TOMPO.