Isaia 41:17 - DIEM PROTESTANTA

¹⁷ Mitady rano ny mahantra sy ny malahelo nefa tsy mahita mihitsy, ka mainan’ny hetaheta ny lelany. Izaho TOMPO kosa hihaino azy; Izaho Andriamanitr’i Israely tsy mba handao azy.

Baiboly Protestanta Malagasy 2011

¹⁷ Mitady rano ny ory sy ny mahantra nefa tsy mahita, mainan’ny hetaheta ny lelany. Izaho TOMPO no hamaly azy, Izaho, Andriamanitry ny Israely, tsy hahafoy azy;

Dikateny Iombonana Eto Madagasikara

¹⁷ Mitady rano ny mahantra sy ny malahelo nefa tsy mahita mihitsy, ka mainan’ny hetaheta ny lelany. Izaho TOMPO kosa hihaino azy; Izaho Andriamanitr’i Israely tsy mba handao azy.

Baiboly Katolika

¹⁷ Ireo ory sy mahantra, izay mitady rano fa tsy mahita, ka mainan’ny hetaheta ny lelany, dia Izaho Iaveh no hihaino azy, Izaho Andriamanitr’i Israely tsy handao azy.

Baiboly Protestanta Malagasy

¹⁷ Ny ory sy ny malahelo mitady rano, fa tsy mahita, Ary ny lelany mainan’ny hetaheta; Izaho Jehovah no hihaino azy, Izaho, Andriamanitry ny Isiraely, tsy hahafoy azy;

Malagasy Bible

¹⁷ Ny ory sy ny malahelo mitady rano, fa tsy mahita, ary ny lelany mainan'ny hetaheta; Izaho Jehovah no hihaino azy, Izaho, Andriamanitry ny Isiraely, tsy hahafoy azy;

La Bible en Malgache

¹⁷ Mitady rano ny ory sy ny mahantra nefa tsy mahita, mainan’ny hetaheta ny lelany. Izaho TOMPO no hamaly azy, Izaho, Andriamanitry ny Israely, tsy hahafoy azy;

Isaia 41:17 Rohy Ifampitohizana

Genesisy 28:15

Hiaraka aminao Aho ary hiaro anao amin’izay rehetra alehanao ka hitondra anao miverina amin’ity tany ity. Tsy handao anao aho ary hotanterahiko izay rehetra nampanantenaiko anao.

1Mpanjaka 17:8

Dia nisy tenin’ny TOMPO tamin’i Elià nanao hoe:

2Tantara 6:17

Ankehitriny àry, ry TOMPO Andriamanitr’i Israely ô, ho to anie ny fampanantenana voalazanao tamin’i Davida mpanomponao.

Salamo 22:15

Very hery toy ny rano mihanaka aho, ary mivahavaha ny taolako rehetra; toa savoka ny foko ka miempo ato anatiko.

Salamo 34:6

Mijere Azy ianareo, dia aoka ho mirana; ny tavanareo tsy ho safo-kenatra intsony.

Salamo 37:25

Tanora aho fahiny, fa antitra izao; kanefa na oviana na oviana aho tsy nahita olo-marina nilaozan’ny Tompo na ny zanany lasa mpangataka.

Salamo 42:2

Tahaka ny diera maniry ranovelona no aniriako Anao, Andriamanitra ô.

Salamo 50:15

Dia antsoy amin’ny andro mahory Aho, fa hanafaka anareo ka homenareo voninahitra.

Salamo 74:21

Aza avela hiverina amin-kenatra izay nampahorîna; aoka kosa ny mahantra sy ny malahelo hidera Anao!

Salamo 94:14

Fa tsy manary ny vahoakany ny TOMPO na mandalo an’ireo voatokana ho Azy:

Eksodosy 17:3

Fa rehefa main’ny hetaheta mafy ny vahoaka, dia nimonomonona tamin’i Mosesy ka nanao taminy hoe: –Nahoana moa ianao no nampiakatra anay niala tany Ejipta? Moa ny hahatonga anay ho fatin-ketaheta eto miaraka amin’ny zanakay sy ny bibinay ve?

Eksodosy 17:6

Izaho kosa dia hijoro eo anoloanao, eo ambonin’ny harambato eny an-tendrombohitra Hôreba; hokapohinao ny harambato, dia hamoaka rano hosotroin’ny vahoaka. Dia notanterahin’i Mosesy teo imason’ny loholon’i Israely izany baiko izany.

Isaia 30:19

Ary ianao, ry vahoakan’i Tsiôna izay monina ao Jerosalema, tsy hitomany intsony ianao. Fa hiantra anao tokoa ny Tompo, raha vao mandre ny antsonao; eny, hamaly anao Izy raha vao mandre.

Isaia 42:16

Ny jamba hampandehaniko amin’ny lalana tsy mbola fantany; sakeli-dalana tsy mbola hainy no hitarihako azy ireo. Hovako ho mazava ny haizina eo anatrehany ary ho mahitsy ny lala-miolakolaka. Hotanterahiko ireo fikasàko ireo fa tsy hisy havelako velively.

Isaia 43:20

Dia hanome voninahitra Ahy ny bibidia mbamin’ny amboahaolo sy ny vorombe, satria manisy rano any an-taniefitra Aho sy nampandriaka ony an-tany karakaina mba hampisotroako ny vahoaka nofidiko,

Isaia 44:3

Fa hanosaka rano amin’izay mangetaheta Aho sy hampandriaka renirano amin’ny tany mangentana. Hatosako amin’ny zanakao ny Fanahiko ary amin’ny taranakao ny fitahiako.

Isaia 48:21

Tsy nangetaheta ireo olony tamin’ny nitondrany azy tany an-taniefitra. Nampiboiboika rano ho azy avy tamin’ny vatolampy Izy: eny, novakîny ny vatolampy ka nandriaka ny rano.

Isaia 49:10

Tsy ho noana sady tsy hangetaheta ireo ary tsy hampaninona azy akory na ny rivo-mahamay na ny masoandro, satria am-pitiavana no hitarihako azy ary any amin’ny loharano miboiboika no hitondrako azy hiala hetaheta.

Isaia 55:1

He! Ianareo rehetra izay mangetaheta, mankanesa amin’ny rano omeko! Na dia tsy manam-bola aza ianareo, avia maka sakafo, dia mihinàna fa tsy ialam-bola izany; avia maka divay na ronono, fa tsy vidina izany.

Isaia 58:11

Hitari-dalana anao hatrany ny TOMPO; na dia ao amin’ny tany karakaina aza ianao, dia hovokisany hanina sy hampahatanjahiny. Hanjary mahate hijery toy ny saha vonton-drano ianao na toy ny loharano miboiboika tsy mety ritra.

Isaia 61:1

Ny Fanahin’ny Tompo ANDRIANANAHARY no ato amiko, satria efa nanosotra ahy ny TOMPO ka naniraka ahy mba hitory ny Vaovao Mahafaly amin’ny malahelo, hanasitrana ny olona torotoro fo, hanambara fanafahana ho an’ireo babo sy famoahana ireo gadra avy ao am-ponja,

Isaia 62:12

Ny besinimaro, na ianareo na iretsy, dia hantsoina hoe «ilay vahoaka masina», «ireo olona navotan’ny TOMPO»; ary ianao, ry Jerosalema, dia hatao hoe: «ilay irîna», «ilay tanàna tsy foy.»

Isaia 65:13

Koa hoy Izaho Tompo ANDRIANANAHARY hoe: Indro ny mpanompoko hihinana, fa ianareo kosa ho mosarena; indro ny mpanompoko hisotro fa ianareo kosa ho main-ketaheta; indro ny mpanompoko hifaly, fa ianareo kosa ho menatra.

Isaia 65:24

Mbola tsy miantso akory izy, dia efa hamaly azy Aho; ary mbola tsy tapi-miteny izy, dia efa azoko ny tiany holazaina.

Isaia 66:2

Fa izao rehetra izao dia nataon’ny tanako, ka dia Ahy avokoa izao rehetra izao; teny hentitra avy amiko TOMPO izany. Kanefa ny olona tsinjoviko dia ny mahantra sy ny torotoro fanahy ary ny mandray ny teniko amin-kovitra.

Jeremia 31:25

Fa hampahereziko ireo efa reraka, ary homeko izay ilainy ireo rehetra efa trotraka. (

Fitomaniana 4:4

Main’ny hetaheta ireo zaza minono ka miraikitra amin’ny lanilany ny lelany. Mitaky mofo ireo ankizy madinika nefa tsy misy mizara ho azy.

Ezekiela 47:8

Ary hoy ralehilahy tamiko: «Mizotra hankany amin’ny faritra atsinanana ity ony ity ka midina ny lohasahan’i Jôrdàna ary mivarina eo amin’ny Ranomasina Maty. Rehefa tonga eo an-dranomasina izy, dia manavao ny ranony hanjary hahasalama.

Matio 5:3

–Sambatra izay miaiky ao am-po ho mahantra, fa azy ny Fanjakàn’ny lanitra!

Matio 5:6

Sambatra izay maniry mafy hanao ny marina nosoritan’Andriamanitra, fa izy no homen’Andriamanitra fahafaham-po!

Lioka 16:24

Dia niantso izy nanao hoe: «Ry ikaky Abrahama ô, mamindrà fo amiko, iraho kely re i Lazara mba hanatsoboka ny loha fanondrony amin’ny rano hampangatsiatsiahany ny lelako, fa mijaly aho ato anaty lelafo ato.»

2Korintiana 12:9

nefa hoy ny Tompo tamiko: «Ampy ho anao ny fahasoavako, satria ao amin’ny fahalemenao no isehoan’ny heriko tanteraka.» Koa vao mainka sitrako mihitsy ny hirehareha amin’ny fahalemeko, mba hambomba ahy ny herin’i Kristy.

Apokalipsy 21:6

Dia hoy indray Izy tamiko: –Tanteraka ny zavatra rehetra! Izaho no Alfa sy Ômega, fiandohana sy fiafarana. Izay mangetaheta dia hampisotroiko maimaimpoana amin’ny loharano miboiboika ranovelona.

Apokalipsy 22:17

Ary hoy ny Fanahy Masina sy ny ampakarina hoe: «Avia!» Izay mahare, aoka hanao hoe: «Avia!» Izay mangetaheta, aoka ho avy; izay maniry ranovelona, aoka hanovo maimaimpoana amin’izany!