Isaia 41:10 - DIEM PROTESTANTA

¹⁰ Aza matahotra ianao fa miaraka aminao Aho, aza miherikerika foana fa Izaho no Andriamanitrao. Mampahery anao Aho ary mamonjy anao tokoa; ny tanan-kavanako manafaka no anohanako anao.

Baiboly Protestanta Malagasy 2011

¹⁰ Aza matahotra ianao fa momba anao Aho; ary aza miherikerika foana fa Izaho no Andriamanitrao; mampahery anao Aho sady mamonjy anao; eny, mitantana anao amin’ny tanana ankavanan’ny fahamarinako Aho.

Dikateny Iombonana Eto Madagasikara

¹⁰ Aza matahotra ianao fa miaraka aminao Aho, aza miherikerika foana fa Izaho no Andriamanitrao. Mampahery anao Aho ary mamonjy anao tokoa; ny tanan-kavanako manafaka no anohanako anao.

Baiboly Katolika

¹⁰ Aza matahotra ianao fa momba anao Aho; aza mijerijery amin’ahiahy, fa Izaho no Andriamanitrao; Nohazoniko mafy ianao, ka manampy anao Aho; ary manohana anao amin’ny tanana ankavanan’ny fahamarinako.

Baiboly Protestanta Malagasy

¹⁰ Aza matahotra hianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin’ny tànana ankavanan’ny fahamarinako Aho.

Malagasy Bible

¹⁰ Aza matahotra ianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin'ny tanana ankavanan'ny fahamarinako Aho.

La Bible en Malgache

¹⁰ Aza matahotra ianao fa momba anao Aho; ary aza miherikerika foana fa Izaho no Andriamanitrao; mampahery anao Aho sady mamonjy anao; eny, mitantana anao amin’ny tanana ankavanan’ny fahamarinako Aho.

Isaia 41:10 Rohy Ifampitohizana

Genesisy 15:1

Taorian’ireo zavatra ireo, dia niseho tamin’i Abrama ny TOMPO ka niteny taminy hoe: –Aza matahotra ianao, ry Abrama, fa Izaho no mpiaro anao; ary ny valisoanao dia ho lehibe tokoa.

Genesisy 26:24

Nisehoan’ny TOMPO izy nony alina ka nilazany hoe: –Izaho no Andriamanitr’i Abrahama rainao. Aza matahotra fa miaraka aminao Aho, ary mitahy anao. Hampitomboiko ny taranakao noho ny fampanantenana efa nataoko tamin’i Abrahama mpanompoko.

Genesisy 31:5

ka nilaza tamin’izy mirahavavy hoe: –Hitako nisoritra teny amin’ny endriky ny rainareo fa tsy tahaka ny teo aloha intsony ny fifandraisany amiko, kanefa ilay Andriamanitry ny raiko efa nanambina ahy.

Genesisy 49:24

Kanjo nateza mafy ny tsipîkan’i Jôsefa, ary kinga hatrany ny sandry aman-tanany. Noho ny fiarovan’ilay Andriamanitra maherin’i Jakôba, noho ny anaran’ilay Mpiandry izay vatolampy iankinan’i Israely,

2Samoela 22:19

Tamin’ny androm-pahoriako no nanafika ahy ireo nefa tonga ny TOMPO ka nanohana ahy;

1Tantara 12:18

Dia nivoaka hitsena azy i Davida ka nanao taminy hoe: –Raha fihavanana no ahatongavanareo atỳ amiko mba hanampy ahy, dia amin’ny foko tokoa no hikambanako aminareo; fa raha hamadika ahy kosa mba hanolotra ahy amin’ny fahavaloko, na tsy nanao an-keriny aza ny tanako, dia aoka ilay Andriamanitry ny razantsika no hijery sy hamaly anareo!

2Tantara 20:17

Ry mponin’i Joda sy i Jerosalema, tsy ianareo anefa no hiady amin’ity; mijanòna tsara fotsiny, fa ho hitanareo ny hamonjen’ny TOMPO anareo. Aza matahotra na mivadi-po; rahampitso dia miaingà hifanehatra amin’io tafika io, fa ny TOMPO no hiaraka aminareo.»

2Tantara 32:8

Herin’olombelona no miaraka aminy, fa ny TOMPO Andriamanitsika kosa no miaraka amintsika; Izy no hanampy antsika sy hisahana ny adintsika.» Dia izany tenin’i Hezekià mpanjakan’i Joda izany no nianteheran’ny mponina teo an-drenivohitra.

Salamo 144:11

Vonjeo tsy ho voan’ny sabatry ny olon-dratsy aho, afaho amin’ny famelezan’ny hafa firenena, izay miteny fitaka ny vavany ary fianianana tsy marina no anandratany tanana ankavanana

Salamo 144:8

izay miteny fitaka ny vavany ary fianianana tsy marina no anandratany tanana ankavanana.

Salamo 145:14

Ny TOMPO no manohana izay rehetra ho lavo sy mampitraka izay rehetra mitanondrika.

Salamo 147:12

Ry Jerosalema ô, mankalazà ny TOMPO; ry Tsiôna ô, miderà an’Andriamanitrao.

Salamo 18:36

Ny tananao ankavanana no manohana ahy, Tompo ô; toy ny ampingako Ianao ka miaro sy mamonjy ahy; mamaly ny antsoko Ianao ary koa manandratra ahy.

Salamo 27:1

Nataon’i Davida. Ny TOMPO no mpanazava sy mpamonjy ahy, ka iza no hatahorako? Ny TOMPO no toy ny manda miaro ny aiko, ka iza no hangovitako?

Salamo 29:11

Homen’ny TOMPO hery anie ny vahoakany ka dia hotahîny hombam-piadanana!

Salamo 33:12

Sambatra ny firenena manana ny TOMPO ho Andriamanitra; sambatra ny vahoaka nofidiny mba ho Azy manokana.

Salamo 37:17

satria ho potika ny fahefàn’ny olon-dratsy fa ny olo-marina kosa hotohanan’ny TOMPO.

Salamo 37:24

raha solafaka ilay olona, dia tsy mba hidaraboka satria tantanan’ny TOMPO.

Salamo 41:12

Izao no hahafantarako fa tia ahy Ianao: tsy hakorain’ny fahavaloko hoe resy aho.

Salamo 46:11

Hoy ny Tompo hoe: «Tapitra hatreo ny ady; ka ekeo fa Izaho no Andriamanitra, voasandratra hanerinerina amin’ireo firenena, voasandratra hanerinerina amin’ny tany.»

Salamo 46:7

Mitabataba ny firenena, mikorontana ny fanjakana; ny Tompo kosa namoaka feo toa kotro-baratra, dia nihovotra sy niempo ny tany.

Salamo 63:8

satria nombanao fitahiana hatrany aho ka mibitaka mialoka eo ambany elatrao.

Salamo 65:5

Sambatra ny olona izay voafidinao ka asainao honina ao an-kianjanao! Hamoky anay ny zava-tsoan’ny tranonao, dia ny zava-masin’ny tempolinao.

Salamo 99:4

Ry mpanjaka mahery sy tia rariny ô, Ianao no nampiorina ny hitsiny sady niantoka ny rariny sy ny fitsarana teo amin’ny taranak’i Jakôba.

Eksodosy 14:13

Fa namaly azy i Mosesy hoe: –Aza matahotra ianareo! Mahandrasa, fa ho hitanareo anio ny famonjena hataon’ny TOMPO aminareo! Satria ny Ejiptianina izay hitanareo androany dia tsy ho hitanareo intsony na oviana na oviana.

Eksodosy 20:20

Namaly azy ireo i Mosesy hoe: –Aza matahotra! Raha nanatona anareo Andriamanitra, dia ny mba hizaha toetra anareo; tiany hisy eo aminareo ny fanajana Azy mba tsy hanotanareo.

Isaia 12:2

Indro Andriamanitra namonjy ahy, matoky Azy aho ka tsy mangovitra intsony. Ny TOMPO no heriko sy fidèrako, fa Izy no mpamonjy ahy.»

Isaia 35:4

Lazao amin’izay kivy hoe: «Mahereza, aza matahotra; indro ny Andriamanitrareo tonga hitondra famaizana ka hanasazy ny fahavalonareo; Izy mihitsy no tonga hamonjy anareo.»

Isaia 37:6

dia nilazany hoe: –Ambarao amin’ny tomponareo izao hafatry ny TOMPO izao: Aza matahotra eo anatrehan’ny teny renao nanevatevan’ireo manamboninahitry ny mpanjakan’i Asiria Ahy.

Isaia 43:5

Aza matahotra fa momba anao Aho. Avy any atsinanana no hamerenako ny taranakao, avy any andrefana no hanangonako ireo olonao.

Isaia 44:2

Izaho TOMPO izay mpanao anao, ka namorona anao hatrany am-bohòka sy manampy anao no indro milaza aminao hoe: Aza matahotra, ry firenen’i Jakôba mpanompoko ilay Jesoròna izay nofidiko.

Isaia 49:8

Izao koa no lazain’ny TOMPO: «Tamin’ny fotoana mety dia namaly ny antsonao Aho, ary tamin’ny androm-pamonjena dia tonga namonjy anao Aho. Nokolokoloiko ianao mba hataoko ho antoky ny fanekempihavanako amin’ny olona. Noho izany, dia hanarina ny tany Aho sy hizara indray ny lova efa rava;

Isaia 50:9

Eny, ny Tompo ANDRIANANAHARY no hamonjy ahy, ka iza no hanameloka ahy? Indro izy rehetra mpanohitra ahy fa hihasimba toy ny lamba mihatonta, toy ny lamba lanin’ny kalalao.

Isaia 52:7

Endrey tsara tokoa erỳ an-tendrombohitra ny famindran’ilay mpitondra hafatra, izay manambara fiadanana sy mampita hafatra mahasambatra ary manambara famonjena ka manao amin’i Tsiôna hoe: «Mpanjaka ny Andriamanitrao.»

Isaia 60:19

Tsy mba ny masoandro intsony no ho fanazavana anao amin’ny andro; tsy mba ny volana mangarangarana intsony no ho fanazavana anao amin’ny alina; fa Izaho TOMPO Andriamanitrao no ho fanazavana anao mandrakizay sy ho famirapiratanao.

Fitomaniana 3:57

Nanatona Ianao tamin’ny andro niantsoako Anao, ka nanao tamiko hoe: «Aza matahotra!»

Daniela 10:12

Ary hoy koa izy tamiko: ‹Aza matahotra, ry Daniela, fa hatramin’ny andro voalohany nanoloranao ny fonao hahafantatra izay niseho sy nanetrenao tena teo anatrehan’Andriamanitra, dia nohenoina ny tonombavakao ka tonga aho hitondra ny valiny.

Daniela 6:16

Fa dodona niverina tany amin’ny mpanjaka ireo lehilahy ireo ka nanao taminy hoe: –Aoka ho fantatrao, ry mpanjaka, fa araka ny lalànan’ny Medianina sy ny Persianina, ny didy aman-dalàna izay navoakan’ny mpanjaka dia tsy azo ovana.

Hosea 1:9

Dia hoy ny TOMPO tamin’i Hôsea: «Ataovy hoe Lô-Hamỳ ny anarany, satria tsy vahoakako ianareo, ary tsinontsinona Aho aminareo.»

Hagay 1:13

Dia araka ny hafatra nampitondrain’ny TOMPO ho an’ny vahoaka no nitenenan’i Hagay iraky ny TOMPO hoe: –Izaho no miaraka aminareo. Fampanantenana hentitra avy amiko TOMPO izany.

Hagay 2:5

araka ny fanekempihavanana nataoko taminareo fony ianareo niala tany Ejipta. Ary hitoetra eo anivonareo ny Fanahiko; koa aza matahotra ianareo.

Zakaria 10:12

Dia Izaho Tompo no ho herin’ny vahoakako; ary amin’ny anarako no hifampiarahabany. Izaho Tompo no manao izany teny hentitra izany».

Zakaria 10:6

Hampahery ny taranak’i Joda Aho ary hamonjy ny taranak’i Jôsefa; dia haveriko amin’ny laoniny indray ireo, satria hanehoako famindrampo ka ho toy ny tsy nariako na oviana na oviana. Ary hamaly vavaka azy koa Aho, fa Izaho no Tompo Andriamaniny.

Zakaria 13:9

Ary hotsapaiko io ampahatelony io ka hodioviko toy ny fandrendrika volamena sy volafotsy amin’ny afo. Koa hivavaka amiko izy, ary hamaly azy Aho. Dia hilaza aminy Aho hoe: ‹Ry vahoakako› ary izy hanao hoe: ‹Ny Tompo no Andriamanitray›. »

Lioka 1:13

Fa hoy ilay anjely taminy: –Aoka izay ny tahotra, ry Zakarià, fa efa nohenoin’Andriamanitra ny vavakao: Hiteraka zazalahy aminao i Elizabeta vadinao. I Jôhany no hataonao anarany.

Lioka 1:30

Ary hoy ny anjely taminy: –Aoka izay ny tahotra, ry Maria, fa efa nahazo tombon-tsoa tamin’Andriamanitra ianao!

Romana 8:31

Koa inona àry no mbola holazaintsika eo anoloan’izany? Raha Andriamanitra no momba antsika, iza no hahatohitra antsika?

2Korintiana 12:9

nefa hoy ny Tompo tamiko: «Ampy ho anao ny fahasoavako, satria ao amin’ny fahalemenao no isehoan’ny heriko tanteraka.» Koa vao mainka sitrako mihitsy ny hirehareha amin’ny fahalemeko, mba hambomba ahy ny herin’i Kristy.

Efesiana 3:16

Mangataka amin’Andriamanitra aho mba homeny anareo, araka ny haren’ny voninahiny, ny hohatanjahina fatratra ao anatinareo amin’ny herin’ny Fanahiny,

Deoteronomia 20:1

Raha miainga hanafika fahavalo ianareo, ka mahita soavaly sy kalesy ary tafika maro noho ny anareo, dia aza matahotra azy; satria ny TOMPO Andriamanitrareo, Ilay nampiakatra anareo avy tany Ejipta, no momba anareo.

Filipiana 4:13

Afaka miatrika izany rehetra izany aho, noho i Kristy manome hery ahy.

Josoa 1:9

Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Mpitsara 6:16

Fa hoy kosa ny TOMPO taminy: –Homba anao Aho, ka toy ny famelezana olona iray monja no hamelezanao ny Midianita.