Isaia 33:10 - DIEM PROTESTANTA

¹⁰ «Ankehitriny, hoy ny TOMPO, no hirotsaka an-tsehatra Aho; ankehitriny no hitraka Aho ary haneho ny fahalehibiazako.

Baiboly Protestanta Malagasy 2011

¹⁰ Ankehitriny dia hitsangana Aho, hoy NY TOMPO; ankehitriny dia hijoro Aho; ankehitriny dia hisandratra Aho.

Dikateny Iombonana Eto Madagasikara

¹⁰ «Ankehitriny, hoy ny TOMPO, no hirotsaka an-tsehatra Aho; ankehitriny no hitraka Aho ary haneho ny fahalehibiazako.

Baiboly Katolika

¹⁰ «Ankehitriny hitsangana aho, hoy i Iaveh, ankehitriny hijoro Aho; ankehitriny hisandratra Aho.

Baiboly Protestanta Malagasy

¹⁰ Ankehitriny dia hitsangana Aho, hoy Jehovah; Ankehitriny dia ho any amin’ny avo Aho; Ankehitriny dia hisandratra Aho.

Malagasy Bible

¹⁰ Ankehitriny dia hitsangana Aho, hoy Jehovah; Ankehitriny dia ho any amin'ny avo Aho; Ankehitriny dia hisandratra Aho.

La Bible en Malgache

¹⁰ Ankehitriny dia hitsangana Aho, hoy NY TOMPO; ankehitriny dia hijoro Aho; ankehitriny dia hisandratra Aho.

Isaia 33:10 Rohy Ifampitohizana

Salamo 12:5

dia ireo izay manambara hoe: «Ny filàzanay no handresenay lahatra; hainay ny miteny, ka tsisy atahoranay!»

Salamo 12:6

Hoy kosa ny TOMPO hoe: «Hirotsaka an-tsehatra Aho izao noho ireo mahantra ampahorîna sy ireo malahelo mitaraina; hovonjeko ireo voavingavinga.»

Salamo 46:10

ny ady ampitsahariny hatrany am-paran’ny tany, ny tsipîka sy ny lefona tapatapahiny, ary ny ampinga ataony kilan’ny afo.

Salamo 7:6

dia aoka ny fahavaloko hanenjika ahy ka hahatratra ahy! Aoka hohoseny an-tany mbola velona aho, ka hotarihiny am-bovoka ny hajako! Fiatoana

Salamo 78:65

Dia nifoha ny Tompo toy ny avy natory, tahaka ny mpiady maherifo notairin’ny divay.

Salamo 94:16

Iza àry no hitsangana hiaro ahy amin’ny mpanao ratsy? Iza no hiady ho ahy amin’ny ataon’ireo mpanao heloka?

Eksodosy 14:18

Ho fantatry ny Ejiptianina amin’izay fa Izaho no TOMPO rehefa asehoko azy araka izany ny voninahitro.

Isaia 10:16

Noho izany, ny Tompo ANDRIAMANITR’izao rehetra izao dia tsy hampamokatra intsony ny tany lonaka ao Asiria. Ary toy ny fihanaky ny afo rehefa misy hain-trano no hiparitahan’ny afo mihanaka eo ambanin’ny famirapiratan’io firenena io.

Isaia 10:33

Indro ny Tompo ANDRIAMANITR’izao rehetra izao fa manjera rantsana amin-kerisetra; voakapa ny hazo mijoalajoala, voadaboka ny hazo avo dia avo.

Isaia 2:19

Aoka hiditra any amin’ny lava-bato sy ny zohy fierena ireo olona ireo, mba ho lavitry ny TOMPO mahatahotra sy ho lavitry ny fiandrianany mamirapiratra rehefa hirotsaka an-tsehatra Izy mba hampihorohoro ny tany.

Isaia 2:21

dia hiditra amin’ny hirika sy ny tsefatsefa-bato izy mba ho lavitry ny TOMPO mahatahotra azy sy ho lavitry ny fiandrianany mamirapiratra rehefa hirotsaka an-tsehatra ny Tompo hampihorohoro ny tany.

Isaia 5:16

Hasandratra kosa ny TOMPOn’izao rehetra izao amin’ny fanaovany fitsarana ara-drariny. Hiseho koa ny maha Andriamanitra masina Azy amin’ny fanehoany ny fahamarinany.

Amosa 6:1

Lozanareo izay manorina fiadanana amin’i Tsiôna sy mitoky amin’ny tendrombohitr’i Samaria, dia ianareo mihevi-teny ho sangany eo amin’ilay firenena malaza indrindra ka hatonin’ny taranak’i Israely!

Zefania 3:8

Koa dia andrasonareo ny famaizako amin’ny andro hiaviako hiampanga anareo. Tapa-kevitra Aho hanangona ny firenena sy fanjakana mba hampidinako manontolo ny fahatezerako mirehidrehitra; ka handevona ny tany manontolo ny afon’ny fahasaro-piaroko.