Isaia 30:21 - DIEM PROTESTANTA

²¹ Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Baiboly Protestanta Malagasy 2011

²¹ Fa na mivily ho amin’ny ankavanana ianao, na mivily ho amin’ny ankavia, ny sofinao dia handre teny ao ivohonao hoe: Ity no lalana ka andehano.

Dikateny Iombonana Eto Madagasikara

²¹ Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Baiboly Katolika

²¹ Ary handre sofina ny feo hilaza ao ivohonao hoe: - Ity no lalana, ka ombao io! - dia raha ianareo hivily na ho ankavanana na ho ankavia.

Baiboly Protestanta Malagasy

²¹ Fa na mivily ho amin’ny ankavanana hianao, na mivily ho amin’ny ankavia, Ny sofinao dia handre teny ao ivohonao manao hoe: Ity no làlana, ka andehano.

Malagasy Bible

²¹ Fa na mivily ho amin'ny an-kavanana ianao, na mivily ho amin'ny ankavia, ny sofinao dia handre teny ao ivohonao manao hoe: Ity no lalana, ka andehano.

La Bible en Malgache

²¹ Fa na mivily ho amin’ny ankavanana ianao, na mivily ho amin’ny ankavia, ny sofinao dia handre teny ao ivohonao hoe: Ity no lalana ka andehano.

Isaia 30:21 Rohy Ifampitohizana

2Mpanjaka 22:2

Nanao izay mahitsy eo imason’ny TOMPO i Jôsià; ka narahiny avokoa ny toetran’i Davida razambeny fa tsy mba nivily hiala tamin’izany izy.

Salamo 32:8

Hoy ny Tompo hoe: «Hampianariko ianao sady hotondroiko ny lalan-kalehanao, hotoroako hevitra sy harahiko maso:

Ohabolana 4:27

Aza mivily miankavanana na miankavia; halaviro ny tongotrao ny ratsy.

Isaia 29:24

Mbola hanan-tsaina indray ireo nivilivily fanahy ary hanaiky hampianarina indray ireo tsy nitsaha-nanakiana.

Isaia 42:16

Ny jamba hampandehaniko amin’ny lalana tsy mbola fantany; sakeli-dalana tsy mbola hainy no hitarihako azy ireo. Hovako ho mazava ny haizina eo anatrehany ary ho mahitsy ny lala-miolakolaka. Hotanterahiko ireo fikasàko ireo fa tsy hisy havelako velively.

Isaia 48:17

Ry firenen’i Jakôba, ny TOMPO mpanavotra anao, Ilay Masin’i Israely dia miteny aminao hoe: «Izaho TOMPO Andriamanitrao no mampianatra anao izay mahasoa anao sy mitarika anao amin’ny lalana tokony halehanao.

Isaia 58:11

Hitari-dalana anao hatrany ny TOMPO; na dia ao amin’ny tany karakaina aza ianao, dia hovokisany hanina sy hampahatanjahiny. Hanjary mahate hijery toy ny saha vonton-drano ianao na toy ny loharano miboiboika tsy mety ritra.

Jeremia 6:16

Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Deoteronomia 5:32

Koa himasoanareo, hoy indray i Mosesy, ny hanatanteraka izay efa nandidian’ny TOMPO Andriamanitrareo anareo ary tsy hivily na amin’ny ankavanana na amin’ny ankavia ianareo.

Josoa 1:7

Eny, aoka ho sahy sy hahery tokoa ianao mba himasoanao ny hanao araka ny lalàna manontolo izay nampitain’i Mosesy mpanompoko taminao. Aza misy anaovana tsirambina mihitsy izany na kely aza, dia hahomby ianao amin’izay rehetra ataonao.

Josoa 23:6

Noho izany aoka ho hentitra mihitsy ianareo hitandrina sy hanatanteraka izay rehetra voasoratra ao amin’ilay bokin’ny lalànan’i Mosesy, ka aza misy anaovana tsirambina na kely aza.

1Jaona 2:20

Ianareo kosa dia manana ny Fanahy Masina avy amin’i Kristy ary mahafantatra izany avokoa ianareo.

1Jaona 2:27

Ianareo kosa, dia ny Fanahy Masina efa noraisinareo avy tamin’i Kristy no mitoetra ao anatinareo, ka tsy mila hampianarin’olona ianareo. Fa ny Fanahy Masina avy amin’i Kristy no mampianatra anareo ny amin’ny zavatra rehetra, ary zavatra marim-pototra fa tsy lainga no ampianariny; ka tomoera ao anatin’i Kristy ianareo, araka ny nampianaran’ny Fanahy Masina anareo.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.