Isaia 30:1 - DIEM PROTESTANTA

¹ Lozanareo zanaka maditra, hoy ny TOMPO! Manao tetikasa ianareo, nefa tsy avy amiko ireny; manao fifanekena, nefa tsy araka ny Fanahiko. Heloka ampiana heloka izany.

Baiboly Protestanta Malagasy 2011

¹ Lozan’ny zaza maditra! Hoy NY TOMPO. Manao tetikasa izy nefa tsy avy Amiko izany, ary manao fanekena izy nefa tsy avy amin’ny Fanahiko, ka ota anampy ota izany!

Dikateny Iombonana Eto Madagasikara

¹ Lozanareo zanaka maditra, hoy ny TOMPO! Manao tetikasa ianareo, nefa tsy avy amiko ireny; manao fifanekena, nefa tsy araka ny Fanahiko. Heloka ampiana heloka izany.

Baiboly Katolika

¹ Loza ho an’izay zaza maditra - teny ton’i Iaveh, izay manao fikasana nefa tsy ombako; sy manao fanekem-pivavahana, nefa tsy omban’ny fanahiko, ka manampy ota ny ota.

Baiboly Protestanta Malagasy

¹ LOZAN’ny zaza maditra, izay maka saina, nefa tsy avy amiko, hoy Jehovah, Ary manao fanekena, nefa tsy avy amin’ny Fanahiko, Mba hanampy ota amin’ny ota,

Malagasy Bible

¹ Lozan'ny zaza maditra, izay maka saina, nefa tsy avy amiko, hoy Jehovah, ary manao fanekena, nefa tsy avy amin'ny Fanahiko, mba hanampy ota amin'ny ota,

La Bible en Malgache

¹ Lozan’ny zaza maditra! Hoy NY TOMPO. Manao tetikasa izy nefa tsy avy Amiko izany, ary manao fanekena izy nefa tsy avy amin’ny Fanahiko, ka ota anampy ota izany!

Isaia 30:1 Rohy Ifampitohizana

2Mpanjaka 18:21

I Ejipta ve? Io volotara vaky manindrona sy mandrobaka ny tanan’izay mitehina aminy io ve? Fa toy izany ny Farao mpanjakan’i Ejipta amin’izay rehetra matoky azy!

2Mpanjaka 18:24

Fa hataonao ahoana no hampandositra ny komandy iray amin’ireo manamboninahitry ny tompoko ireo, na dia izay bitika indrindra aza, raha tàhiny ka i Ejipta no itokianao hahazoana kalesy sy mpitaingin-tsoavaly?

Salamo 61:4

Ianao no fialofana ho ahy, tilikambo mafy anoloan’ny fahavalo.

Isaia 1:2

Mihainoa, ry lanitra, ary mandrenesa, ry tany, satria ny TOMPO no miteny hoe: «Efa nitaiza sy nahalehibe zanaka Aho; kanjo nikomy tamiko izy.

Isaia 1:23

Mpikomy ireo mpanapaka anao, sady mpiray tsikombakomba amin’ny mpangalatra. Samy tia tsolotra izy rehetra, ary mpandray kolikoly avokoa. Ny kamboty tsy entiny ara-drariny ary ny adin’ny mpitondratena tsy tsarainy.

Isaia 1:4

Loza! firenena mpanota ianao, ry Joda; vahoaka mivesatra heloka ianareo, solofon’ny mpanao ratsy, taranaka lomorina! Nilaozanareo ny TOMPO, nataonareo tsinontsinona ilay Masin’i Israely, fa niamboho Azy ianareo.

Isaia 1:5

Aiza indray àry no tianareo hikapohana anareo no mbola mikiry amin’ny ditranareo ihany ianareo? Efa feno ratra avokoa ny loha, ary marary ny fo manontolo.

Isaia 28:15

Ianareo manao hoe: «Efa nanao fifanekena tamin’ny fahafatesana izahay ary efa nifanaraka tamin’ny toeran’ny maty; koa na ho avy aza ny loza, dia tsy hahatratra anay, fa ny lainga no ataonay fiarovana ary ny fitaka no ataonay fierena.»

Isaia 28:20

Eny, hoy ny ohabolana, fohy loatra ny farafara ka tsy misy hitsorana, ary kely loatra ny lamba ka tsy ampy hirakofana.

Isaia 29:15

Lozan’izay manao zavatra an-tsokosoko ka manafina ny paikany amin’ny TOMPO sy mamorona teti-dratsy ao amin’ny maizina. «Iza no mahita antsika, hoy izy, ary iza no mahalala izay ataontsika?»

Isaia 30:9

Fa vahoaka maditra izy ireo, zanaka mandainga, tsy mety mihaino ny fampianaran’ny TOMPO.

Isaia 31:1

Lozan’izay midina any Ejipta mba hitady famonjena! Ny soavaly no ianteherany; ny kalesy no itokiany satria maro ireny; ary ny mpitaingin-tsoavaly no antenainy, satria mahery tokoa ireny; fa tsy andrandrainy akory ilay Masin’i Israely ary tsy anontaniany mihitsy ny TOMPO.

Isaia 32:2

Samy toy ny fierena amin’ny tafio-drivotra izy samy toy ny fialofana amin’ny oram-baratra, samy toy ny sakeli-drano amin’ny tany karankaina ary toy ny aloky ny harambato amin’ny tany ngazana.

Isaia 4:5

dia hisy rahona matevina amin’ny antoandro sy afo mazava midedadeda amin’ny alina ho tonga eo ambonin’ny tendrombohitr’i Tsiôna manontolo sy amin’ny olona vory ao. Eny ambonin’ireo rehetra ireo kosa ny voninahitry ny TOMPO mba ho fiarovana,

Isaia 5:18

Lozan’ireo olona voazioga toy ny omby ho valin’ny ratsy nataony! Toy ny itarihana sarety no hitarihany ny famaizana vokatry ny otany.

Isaia 63:10

Saingy nikomy tamin’ny Tompo ireo ka nanome alahelo ny Fanahiny Masina; dia tonga fahavalon’ireo Izy sady niady taminy mihitsy.

Isaia 65:2

Nanolo-tanana hatrany Aho tamina vahoaka mpikomy, dia olona manaraka ny lalan-dratsiny sady mirona amin’ny saim-pantany.

Isaia 8:11

Fony nihazona ahy ny TOMPO ka nampitandrina ahy tsy hanahaka ny toetoetran’ity vahoaka ity, dia niteny tamiko toy izao:

Isaia 8:12

«Aza ataonareo hoe fikomiana avokoa izay lazain’ity vahoaka ity ho fikomiana, ary aza matahotra na mangovitra akory amin’izay zavatra atahorany.»

Isaia 8:19

Misy milaza hoe: «Anontanionareo ny avelon’ny maty izay mibitsibitsika sy misaosao eo am-pilazana ny hoavy. Ara-dalàna raha manontany izay heveriny ho andriamanitra ny vahoaka iray; ara-dalàna raha manontany ny maty izy mba ho fanasoavana ny velona.»

Jeremia 17:5

Izao no lazain’ny TOMPO: –Voaozona izay mitoky amin’olombelona sy miantehitra amin’ny nofo ho heriny ka mampiala ny fony amiko.

Jeremia 2:18

Ankehitriny, inona no soa ho anao amin’ny fankanesana any Ejipta? Hisotro ny ranon’i Neily ve? Ary inona no soa ho anao amin’ny fankanesana any Asiria? Hisotro ny ranon’i Eofrata ve?

Jeremia 37:7

«Izao no lazain’ny TOMPO Andriamanitr’i Israely: ‹Ny mpanjakan’i Joda izay naniraka anareo hanontany Ahy dia ilazao hoe: Ny tafiky ny Farao, izay efa niainga mba hamonjy anareo, dia niverina ilalana ka nody any Ejipta.

Jeremia 4:17

Manodidina an’i Jerosalema tahaka ny olona miandry saha izy. Vokatry ny fikomianao tamiko izao, teny hentitry ny TOMPO izany.

Jeremia 42:19

Dia mbola nampian’i Jeremià hoe: –Ny TOMPO mihitsy no miteny aminareo sisa tavela amin’ny fanjakan’i Joda mba tsy hankany Ejipta. Aoka ho fantatrao tokoa fa vavolombelona aminareo aho androany.

Jeremia 5:23

Ianareo kosa vahoaka mafy fo sy mpiodina, misintaka lavitra ianareo dia lasa,

Ezekiela 11:2

Ary hoy ny Fanahy tamiko: «Ry ilay taranak’olombelona, ireo no lehilahy manomana asa ratsy sy manolo-tsaina mandoza eto Jerosalema.

Ezekiela 2:3

ary nilazany hoe: «Ry ilay taranak’olombelona, maniraka anao Aho ho any amin’ireo Israelita, dia ireo andia-mpikomy izay efa nikomy tamiko; fa tahaka ireo razany ihany izy, ka tsy nitsahatra namadika Ahy.

Ezekiela 24:3

Arosoy amin’ny vahoakako maditra ity fanoharana ity, ka ambarao aminy fa izao no lazain’ny Tompo ANDRIANANAHARY: ‹Manomàna vilany iray eo an-tokoana ka asio rano ao anatiny.

Ezekiela 29:16

Tsy ho tokin’ny Israelita intsony i Ejipta, ka tsy hampanao heloka azy hiantso vonjy any aminy. Amin’izay dia hoekena fa Izaho no TOMPO.»

Ezekiela 3:9

Eny, hataoko mafy lalandava ny lohanao ary mafy lavitra noho ny vatolampy aza. Ka aza matahotra azy ianao, ary aza mivadi-po noho ny fihetsika ataon’io vahoaka maditra io.

Hosea 11:6

Hisy ady mafotaka ao an-tanànany, ka handrava ny fiarovany ary hahatonga fandripadripahana; izany no vokatry ny pôlitikan’i Israely.

Hosea 13:2

Ankehitriny mikiribiby manota izy, ka mandrendrika volafotsy hanaovana sarivongan-tsampy araka ny hakingany mamorona azy. Asan’ny mpahay taozavatra avokoa ireny kanefa dia lazainy hoe: «Anolory sorona izy!» Olombelona no mitsaoka ombilahikely!

Hosea 7:13

«Lozan’ireo olon’i Efraîma, satria nandositra Ahy izy. Faharavana no eo aminy, satria nikomy tamiko izy! Ny tenako dia te hanavotra azy; fa izy kosa milaza lainga, isaky ny miteny momba Ahy.

Nomery 32:14

Ary ianareo, ry andian’olona mpanota, indreo ianareo fa manara-dia ireo rainareo ka hampirehitra indray ny fahatezeran’ny TOMPO amin’ny Israelita.

Romana 2:5

Maditra ianao ary tsy mety mamerina ny fonao aminy, ka dia fahatezeran’Andriamanitra no avosanao ho an’ny tenanao. Fa ho avy ny andro hampisehoan’Andriamanitra ny fahatezerany sy hitsarany an-karihary ny olombelona ara-drariny,

Deoteronomia 29:19

dia tsy hety hamela heloka izany olona izany ny TOMPO; fa hanetroka aminy kosa ny fahatezeran’ny TOMPO sy ny fahasarota-piarony, ary hiafitra aminy avokoa ny ozona rehetra izay voasoratra amin’ity boky ity, ka hovonoin’ny TOMPO tsy ho eo amin’izao tontolo izao ny fahatsiarovana azy.

Deoteronomia 9:24

Eny, hatramin’ny andro nahalalako anareo no ho mankatỳ, dia niodina tamin’ny TOMPO hatrany ianareo.

Deoteronomia 9:7

Tsarovy ny nampahatezeranareo ny TOMPO Andriamanitrareo; aza hadinoinareo mihitsy izany! Hatreo amin’ny andro nialanareo tany Ejipta ka hatramin’izao nahatongavanareo teto amin’ity toerana ity izao, dia tsy nitsahatra niodina tamin’ny TOMPO ianareo.

2Timoty 3:13

Fa ny olona ratsy fanahy sy mpanoloky dia vao mainka hiharatsy hatrany, sady mamitaka no voafitaka.

Josoa 9:14

Ary nihinanan’ny Israelita ny vatsin-dry zareo fa tsy nanontaniany akory ny TOMPO ny amin’io.