Isaia 21:16 - DIEM PROTESTANTA

¹⁶ Fa izao no voalazan’ny Tompo tamiko: «Amin’ny herintaona toy izao anio izao, dia ho levona avokoa ny voninahitr’i Kedara.

Baiboly Protestanta Malagasy 2011

¹⁶ Fa izao no nolazain’NY TOMPO tamiko: Ato anatin’ny herintaona, tahaka ny taonan’ny mpikarama, dia ho levona avokoa ny voninahitr’i Kedara.

Dikateny Iombonana Eto Madagasikara

¹⁶ Fa izao no voalazan’ny Tompo tamiko: «Amin’ny herintaona toy izao anio izao, dia ho levona avokoa ny voninahitr’i Kedara.

Baiboly Katolika

¹⁶ Satria izao no nolazain’ny Tompo tamiko: «Herintaona, araka ny fanisana ny taonan’ny mpikarama, sisa dia ho levona avokoa ny voninahitr’i Sedara; ary amin’ireo tsipìka maro an’ny lehilahy mahery, zanak’i Sedara, dia kely foana no sisa tavela, fa i Iaveh Andriamanitr’i Israely no efa niteny.»

Baiboly Protestanta Malagasy

¹⁶ Fa izao no nolazain’i Jehovah tamiko: Ato anatin’ny herintaona, tahaka ny taonan’ny mpikarama, Dia ho levona avokoa ny voninahitr’i Kedara;

Malagasy Bible

¹⁶ Fa izao no nolazain'i Jehovah tamiko: Ato anatin'ny herintaona, tahaka ny taonan'ny mpikarama, dia ho levona avokoa ny voninahitr'i Kedara;

Isaia 21:16 Rohy Ifampitohizana

Genesisy 25:13

Ireto avy no anaran’ny zanakalahin’i Jismahela araka ny laharan’ny nahaterahany: i Nebaiôta sy i Kedara, i Adbeèla sy i Mibsàna,

1Tantara 1:29

Ireto avy no taranak’izy telo mianaka: I Nebaiôta no lahimatoan’i Jismahela, dia i Kedara sy i Abdeola, i Mibsama

Joba 7:1

Mafy tahaka ny asa fanompoana ny fiainan’ny olombelona eto an-tany; ary toy ny andron’ny mpikarama no mahamàzana ny androny.

Salamo 120:5

Dirandoza aho fa vahinin’olon-dia, niantrano tany amin’ny baribarianina!

Tononkiran’i Solomona 1:5

Ry tovovavin’i Jerosalema ô, zarazara hoditra aho nefa bikana; ny tarehiko dia mivalomainty toy ny lain’ireo mpifindrafindra lasy, nefa meva toy ny temitr’i Salômôna.

Isaia 16:14

Fa ankehitriny dia hoy ny TOMPO hoe: «Raha afaka telo taona androany, na ny olo-mangan’i Môaba na ny sarambabem-bahoakany dia samy ho tsinontsinona. Izay sisa tavela aminy dia vitsy kely tsy misy lanjany akory.»

Isaia 42:11

Aoka hanandra-peo ny tanàna any an-taniefitra sy ny any an-toby fonenan’ny Kedarita! Aoka hihoby ny mponina any amin’ny Harambato; avy any an-tampon-tendrombohitra any no aoka hanaovany hiram-pifaliana!

Isaia 60:7

Hangonina ao aminao avokoa ny ondry aman’osin’ny Kedarita, ary haroso amin’ny fanompoam-pivavahanao ny ondrilahin’ny Nebaiôta; hakarina eo amin’ny alitara ireny ho sorona ankasitrahin’ny Tompo. Dia izany no hampamirapiratany an’ilay tempoly itoeran’ny famirapiratany.

Jeremia 2:10

Fa mba mandehana ange miampita any amin’ny nosy Kitima ka zahao, mba maniraha olona hanadihady any amin’ny Arabo ao Kedara, raha mahita toe-javatra tahaka izao any e!

Jeremia 49:28

Fanambaràna ny amin’ny Arabo ao Kedara sy ireo fanjakan’i Hatsôra izay resin’i Nebokadnetsara mpanjakan’i Babilôna. Izao no lazain’ny Tompo: Mitsangàna ianareo, ka miakara hamely an’i Kedara, Ravao avokoa izay rehetra an’ny olona any an-taniefitra.

Ezekiela 27:21

I Arabia sy ireo mpitondra rehetra any Kedara dia nifanao varotra taminao. Zanak’ondry sy ondrilahy ary osilahy no natakalony ny entanao.