Isaia 15:3 - DIEM PROTESTANTA

³ Eny an-dalambe dia lamba fisaonana no itafian’ny besinimaro, eny an-tampon-trano sy eny an-kianja eny no idradradradran’izy rehetra sady irotsahan’ny ranomasony.

Baiboly Protestanta Malagasy 2011

³ Eny an-dalambe dia misikina lamba fisaonana ny olona; eny an-tampon-tranony sy eny an-kalalahana dia midradradradra avokoa izy ireo sady mijoy ny ranomasony.

Dikateny Iombonana Eto Madagasikara

³ Eny an-dalambe dia lamba fisaonana no itafian’ny besinimaro, eny an-tampon-trano sy eny an-kianja eny no idradradradran’izy rehetra sady irotsahan’ny ranomasony.

Baiboly Katolika

³ Eny an-dalam-be izy ireo mitafy lasàka; eny ambony tafon-trano sy eny an-kianja izy, minaonaona avokoa, mijoy ranomaso daholo.

Baiboly Protestanta Malagasy

³ Eny an-dàlambe dia misikina lamba fisaonana izy; Eny an-tampon-tranony sy eny an-kalalahana dia midradradradra avokoa izy, Eny, mijohy ny ranomasony.

Malagasy Bible

³ Eny an-dalambe dia misikina lamba fisaonana izy; eny an-tampon-tranony sy eny an-kalalahana dia midradradradra avokoa izy, eny, mijohy ny ranomasony.

La Bible en Malgache

³ Eny an-dalambe dia misikina lamba fisaonana ny olona; eny an-tampon-tranony* sy eny an-kalalahana dia midradradradra avokoa izy ireo sady mijoy ny ranomasony.

Isaia 15:3 Rohy Ifampitohizana

2Samoela 3:31

Ary hoy i Davida tamin’i Jôaba sy ny olona rehetra niaraka taminy: –Triatriaro ny akanjonareo, ka mitafia gony ary aoka hanao fisaonana an’i Abinera ianareo. Nanaraka taorian’ny tranovorona i Davida mpanjaka.

2Mpanjaka 6:30

Raha nandre ny tenin-dravehivavy ny mpanjaka, dia nandriatra ny fitafiany; ary nandehandeha teny ambonin’ny manda izy mba ho hitan’ny olona fa mitafy akanjo gony manolo-koditra.

Isaia 15:2

Ny mponin’i Dibôna dia miakatra eny amin’ny toeram-pivavahany mba hitomany. Any Nebao sy Medebà no idradradradran’i Môaba. Voaharatra avokoa ny loha rehetra ary voaala ny volombava rehetra.

Isaia 22:1

Hafatra momba ny lohasahan’ny fahitana. Fa inona ity mahazo anareo no miakatra eny an-tampon-trano, ry mponin’i Jerosalema?

Isaia 22:4

Izany no itenenako aminareo hoe: «Aza mijery ahy intsony fa aleo aho hitomany mafy. Aza misahirana mampionona ahy akory noho ny fandringanana nanjo ny fireneko.

Isaia 3:24

Ny fofona manitra hosoloana fofo-maimbo, ny fehikibo marevaka hosoloana tady tsotra, ny randrana tsara voatra hosoloana loha sola. ny fitafiana mihaja hosoloana lamba fisaonana. Eny, ny bika soa hosoloana tomboka vy mahamenatra.

Jeremia 19:13

Ny trano eto Jerosalema sy ny tranon’ny mpanjakan’i Joda dia ho tonga maloto tahaka ny toerana ao Tôfeta; eny, izany no hanjo ireo trano rehetra izay nandoroana vovo-javamanitra mifangaro teo an-tampony ho an’ireo andian-kintana eny an-danitra sady nandrarahana fanatitra divay ho an’ny andriamani-kafa.»

Jeremia 48:37

Samy nanety ny volon-dohany sy nanaratra ny volom-bavany avokoa ny lehilahy rehetra, sady nitetitetika ny tanany sy nitafy gony ho fisaonana.

Fitomaniana 2:10

Mitorovoka amin’ny tany sady mangina ny loholon’i Tsiôna; norarahany vovoka ny lohany sady mitafy gony izy. Mitanondrika amin’ny tany ireo tovovavin’i Jerosalema.

Ezekiela 7:18

Hisikina lamba fisaonana izy ka ho safotry ny horohoro. Hisoritra henatra ny endrika rehetra ary ho voaharatra avokoa ny loha rehetra.

Amosa 8:10

havadiko ho fisaonana ny fetinareo ary ho fitomaniana ny hiram-pifalianareo; hosikinako lamba gony ianareo rehetra sady hosolako loha ka hataoko tahaka ny olona misaona zanaka lahitokana; ary ho tahaka ny androm-pahoriana mangidy no fiafaran’izany.»

Matio 11:21

–Mampalahelo ianao, ry Kôrazìna! Mampalahelo ianao, ry Betsaidà! Raha i Tiro sy i Sidôna no nahavitana ireo asa mahagaga natao teo aminareo, dia efa ela ireo no nitafy lamba fisaonana ary nihosin-davenona hanambaràny fa nialany ny toetra ratsiny.

Deoteronomia 22:8

Raha manao trano vaovao ianareo, dia hasianareo aro-fanina manodidina ny tampon-tranonareo; fandrao hisy olona hianjera avy eny ka tsy ny tranonareo no hizaka ny andraikitra amin’ny fahafatesan’ilay olona.

Jakoba 5:1

Mihaino ahy izao ianareo mpanankarena! Mitomania sy mitolokoa noho ny loza midona aminareo.

1Samoela 5:12

ka izay tsy maty dia voan’ny kitso, ary niakatra ny lanitra ny kiakia-pahoriany.