Isaia 10:6 - DIEM PROTESTANTA

⁶ Nirahiko izy hamely firenena tsy mpivavaka ary nalefako hamely vahoaka ratsy fanahy mba handroba sy hanangona babo avy aminy, ka hanosihosy azy toy ny fotaka eny an-dalambe.

Baiboly Protestanta Malagasy 2011

⁶ Hamely firenena ratsy fanahy no anirahako azy, ary hamely ny olona izay iharan’ny fahatezerako no andidiako azy, mba hamabo sy handroba ka hanitsakitsaka azy tahaka ny fotaka eny an-dalambe.

Dikateny Iombonana Eto Madagasikara

⁶ Nirahiko izy hamely firenena tsy mpivavaka ary nalefako hamely vahoaka ratsy fanahy mba handroba sy hanangona babo avy aminy, ka hanosihosy azy toy ny fotaka eny an-dalambe.

Baiboly Katolika

⁶ Irahiko izy hamely ny firenena mpankahala fivavahana, omeko didy izy hamely ny vahoaka mahatezitra Ahy, dia handroba sy hamabo, ary hanosihosy azy, toy ny fotaka eny an-dalambe.

Baiboly Protestanta Malagasy

⁶ Hamely firenena mihatsaravelatsihy no anirahako azy, Ary hamely ny firenena izay iharan’ny fahatezerako no andidiako azy, Hamabo sy handroba Ary hanao azy ho fanitsakitsaka tahaka ny fotaka eny an-dàlambe.

Malagasy Bible

⁶ Hamely firenena mihatsaravelatsihy no anirahako azy, ary hamely ny firenena izay iharan'ny fahatezerako no andidiako azy, hamabo sy handroba ary hanao azy ho fanitsakitsaka tahaka ny fotaka eny an-dalambe.

La Bible en Malgache

⁶ Hamely firenena ratsy fanahy no anirahako azy, ary hamely ny olona izay iharan’ny fahatezerako no andidiako azy, mba hamabo sy handroba ka hanitsakitsaka azy tahaka ny fotaka eny an-dalambe.

Isaia 10:6 Rohy Ifampitohizana

2Samoela 22:43

Kosehiko toa vovoka entin-drivotra ireny; hoseko toy ny fotaka eny an-dalam-be.

2Mpanjaka 18:25

Ary ankehitriny, moa hamely sy handrava ity tany ity ve ilay mpanjaka tompoiko, raha tsy sitraky ny TOMPO izany? Tsia, fa ny TOMPO mihitsy no nanome baiko azy hamely sy handrava ity tany ity.

Isaia 19:17

Ho fahatsiarovana mampihoron-koditra azy ireo ny tanin’i Joda. Koa isaky ny misy miresaka izany aminy, dia hangovitra ny Ejiptianina noho izay hotapahin’ny Tompon’izao rehetra izao mba hamelezana azy.

Isaia 22:5

Satria amin’ity andro anio ity ny Tompo ANDRIAMANITR’izao rehetra izao no mandefa fisavoritahana sy faharesena ary fahaverezan-kevitra ho antsika.» Rava ny manda eo amin’ny lohasahan’ny fahitana ary manako hatrany an-tendrombohitra ny antso vonjy!

Isaia 24:5

Ny tany dia voaloton’ny mponina ao aminy fa nandika ny lalànan’ny Tompo ireny, tsy nanaraka ny fitsipika fa nivadika tamin’ny fanekempihavanana izay maharitra mandrakizay.

Isaia 29:13

Ary hoy ny Tompo hoe: «Ity firenena ity manatona Ahy am-bava fotsiny sy manome voninahitra Ahy an-tendromolotra ihany fa ny fony kosa manalavitra Ahy; ka fomban’olombelona nianarana ihany ny fanajana asehony Ahy.

Isaia 32:6

Ny adala miteny hadalana hatrany, ary ny fony manomana heloka; dia manatanteraka izany tahaka ny tsy mpivavaka izy ary koa miteny ratsy ny TOMPO. Avelany hitofezaka ny noana ary tsy ampisotroiny rano ny mangetaheta.

Isaia 33:1

Lozanao, ry ilay tsy norobaina nefa mandroba sy ry ilay tsy nofitahina nefa mamitaka. Rehefa mitsahatra mandrava ianao, dia mba horavana koa; ary rehefa mitsahatra mamitaka, dia mba hofitahina koa.

Isaia 33:14

Raiki-tahotra ny mpanota ao Tsiôna, mangovitra ireo mpihatsaravelatsihy: «Iza amintsika, hoy izy, no hahajanona eo anilan’izao afo mandevona izao? Iza amintsika no hahatanty an’izao afo tsy misy farany izao?»

Isaia 41:25

Avy any avaratra no napoitrako ity lehilahy anankiray, ka dia tonga tokoa izy; avy any amin’ny fiposahan’ny masoandro no hanononana ny anarany. Dia hanosihosy ny mpitondra toy ny fanosy fotaka izy, na toy ny fanaon’ny mpanefy mihosihosy tanimanga.

Isaia 49:17

Tamy faingana ireo mpanarina anao; fa miala manalavitra anao kosa ireo nandrava sy nanimba anao,

Isaia 49:25

Eny, hoy ny famalin’ny TOMPO, na dia ny babon’ny miaramila mahery aza dia halaiko aminy; ary hosarihiko amin’ny olon-doza ny rembiny. Fa Izaho mihitsy, ry Jerosalema, no hiady amin’izay miady aminao sady hanafaka ny zanakao.

Isaia 5:25

Izany indrindra no nampirehitra ny fahatezeran’ny TOMPO tamin’ny vahoakany. Naninji-tanana taminy sy namely azy Izy, Nampihovitrovitra ny tendrombohitra izany; ary toy ny fako tavela eny an-dàlambe no niampatramparan’ny fatin’olona. Saingy, na teo aza izany rehetra izany, dia tsy mbola afaka ny fahatezeran’ny TOMPO fa maninji-tanana mandrahona ihany Izy.

Isaia 5:29

Tahaka ny liom-bavy mierona no fandrenesana azy, eny, toy ny tigra mandrahona mafy ka mipaoka ny hazany sy mitondra azy, ary tsy misy maharombaka izany intsony.

Isaia 5:5

Ankehitriny dia hampahafantariko anareo izay hataoko amin’izany voaloboko izany: Hoesoriko ny fefy tsilo miaro azy, dia hiraofan’ny biby fiompy izy. Harodako ny rindrim-bato manodidina, dia ho voahitsakitsaky ny mpandalo izy.

Isaia 63:3

–Izaho irery no nanosihosy ny famiazam-boaloboka fa tsy nisy niaraka tamiko na dia iray aza ireo olona avy tamin’ny vahoakako. Nanosihosy hafa firenena tamin’ny fahatezerako Aho ary nanitsakitsaka azy tamin’ny fahavinirako; dia nipitipitika tamin’ny fitafiako ny rany ka voalotoko ny akanjoko rehetra.

Isaia 63:6

Dia nentanim-pahatezerana Aho ka nanamontsana ireo hafa firenena; nataoko boboky ny fahavinirako ireny, sady napariakako tamin’ny tany ny rany.

Isaia 7:17

Kanefa hataon’ny TOMPO tonga aminao sy ny vahoakanao ary ny taranakao ny toe-javatra izay tsy mbola nisy hatramin’ny andro nisarahan’i Joda tamin’ny fanjakan’i Israely ka hatramin’izao, dia ny hanafihan’ny mpanjakan’i Asiria izany.

Isaia 8:4

Fa raha tsy mbola mahay miantso Dada sy Neny akory io zaza io, dia hoentina eo anatrehan’ny mpanjakan’i Asiria ny haren’i Damasy sy ny remby voababo tao Samaria.

Isaia 8:8

hibosesika any Joda sady hanafotra azy, ary hiakatra hatreny am-bozony. Eny, hihanaka lavitra amin’ny sisiny roa i Eofrata ka hanenika ny velaran’ny taninao, ry Himanoela.

Isaia 9:17

Eny, midedadeda tokoa ny faharatsiana toy ny afo mandoro ny tsilo sy ny songosongo sady mandrehitra ny kirihitr’ala ka mampisavoana ny setroka mitambolina.

Isaia 9:19

andidiana ny eo an-kavanana nefa mbola noana ihany ny tena, ihinanana ny eo an-kavia nefa mbola tsy voky ihany. Samy mihinana ny havany avokoa izy:

Jeremia 25:9

dia hampaniraka haka ireo fokom-pirenena rehetra any avaratra Aho, ary hiantso an’i Nebokadnetsara mpanjakan’i Babilôna sady mpanompoko. Hasaiko tonga izy hamely ity tany ity sy ny mponina eo ary koa hamely ireto firenena rehetra manodidina anareo ireto; samy haringako tokoa ireo ka hampahonena sy hampivarahontsana ary ho tonga oha-pandatsana mandrakizay. Teny hentitra avy amiko TOMPO izany.

Jeremia 3:10

Nefa na dia tao aza izany dia tsy mbola niverina tamiko tamin’ny fony fa tamin-tendro-molotra ihany i Joda mpivadika, rahavavin’i Israely. Izaho TOMPO no manao izany teny hentitra izany.

Jeremia 34:22

saingy hasaiko hiverina hanafika ity tanàna ity indray izy, ka hahafaka sy handoro azy. Ary ireo tanànan’i Joda dia hataoko lao tsy hisy mponina; teny hentitra avy amiko TOMPO izany.

Jeremia 4:14

Diovy hiala amin’ny ratsy ny fonao, raha te ho afaka ianao, ry Jerosalema. Mandra-pahoviana ny hevi-dratsy no hitoetra ao anatinao?

Ezekiela 29:20

Homeko azy ny tany Ejipta ho valin’ny asa nataony tao Tiro, satria ho Ahy no niasan’ny tafiny; teny hentitra avy amiko Tompo ANDRIANANAHARY izany.›

Ezekiela 38:12

Hankao ianao mba handroba sy handravarava ary hamely ireo tanàna izay efa rava taloha saingy onenana indray ankehitriny; hankao ianao hamely vahoaka iray nangonina avy any amin’ny firenen-kafa, ka nihary biby fiompy sy fananana indray, ary monina eo amin’ny foiben’izao tontolo izao.

Ezekiela 38:13

Hanontany anao ny mponina ao Sebà sy Dedàna ary koa ireo mpandranto rehetra any Tarsisy na any amin’ireo tanàna akaikiny ka hanao hoe: ‹Moa handroba sy handrava ve no namorianao ny tafikao? Moa hangorona volafotsy sy volamena ary handroba biby fiompy sy fananana ka hahazo babo betsaka ve no nahatongavanao?›

Mika 7:10

Hahita izany ny fahavalonay ka ho rakotry ny henatra, dia ireo niteny taminay hoe: «Aiza ihany ny TOMPO Andriamanitrareo?» Ho finaritra izahay hahita azy ireo, fa amin’izay dia ho tonga fanosy toy ny fotaka eny an-dàlana izy.

Habakoka 1:12

Hatrizay hatrizay tokoa dia Ianao no TOMPO, Ianao no Andriamanitro masina sady tsy mety maty! Ry TOMPO Vatolampy miaro ahy ô, notendrenao sy nohatanjahinao ny Babilônianina fahavalonay mba ho famaizana sy fananarana anay.

Zakaria 10:5

Ho toy ny mpiady mahery ireo, ka hanitsakitsaka ny mpifanandrina aminy toy ny fotaka eny an-dàlambe. Hiady ireo, satria Izaho Tompo no momba azy; ary dia ho safo-kenatra ny fahavalo mpitaingin-tsoavaly.

Matio 15:7

Ry mpihatsaravelatsihy, marina tokoa ny naminanian’i Isaià anareo hoe: