Hosea 9:8 - DIEM PROTESTANTA

⁸ Miaraka amin’Andriamanitro ny mpitily ho an’i Efraîma, dia ilay mpaminany. Amelaram-pandrika izy amin’izay alehany rehetra; ary fanoherana no afitsoka azy hatrany an-tranon’Andriamanitra.

Baiboly Protestanta Malagasy 2011

⁸ Miaraka amin’Andriamanitro ny mpitilin’i Efraima, dia ny mpaminany; eny amin’ny alehany rehetra ny haraton’ny mpamandri-borona ary tonga hatrany amin’ny tranon’Andriamaniny ny fankahalana azy.

Dikateny Iombonana Eto Madagasikara

⁸ Miaraka amin’Andriamanitro ny mpitily ho an’i Efraîma, dia ilay mpaminany. Amelaram-pandrika izy amin’izay alehany rehetra; ary fanoherana no afitsoka azy hatrany an-tranon’Andriamanitra.

Baiboly Katolika

⁸ Ny tilin’i Efraima dia ao amin’ny Andriamanitro; fandriky ny mpamandri-borona avokoa, no eny amin’ny alehan’ny mpaminany, ary fanenjehana no any amin’ny tranon’ny Andriamaniny.

Baiboly Protestanta Malagasy

⁸ Efraima dia mizaha, nefa tsy avy amin’Andriamanitro; Ny mpaminany dia fandriky ny mpamandri-borona eny amin’ny alehany rehetra Sy fanoherana ao an-tranon’Andriamaniny.

Malagasy Bible

⁸ Efraima dia mizaha, nefa tsy avy amin'Andriamanitro; Ny mpaminany dia fandriky ny mpamandri-borona eny amin'ny alehany rehetra sy fanoherana ao an-tranon'Andriamaniny.

La Bible en Malgache

⁸ Miaraka amin’Andriamanitro ny mpitilin’i Efraima, dia ny mpaminany; eny amin’ny alehany rehetra ny haraton’ny mpamandri-borona ary tonga hatrany amin’ny tranon’Andriamaniny ny fankahalana azy.

Hosea 9:8 Rohy Ifampitohizana

1Mpanjaka 17:1

Ary niteny tamin’i Ahaba mpanjaka i Elià izay Tisbita anisan’ny mponina tao Gilehada hoe: –Velona ny TOMPO Andriamanitr’i Israely izay tompoiko, koa manizingizina aminao aho fa tsy hisy ando na orana hilatsaka eto amin’ireo taona ato ho ato ireo, raha tsy teny avy amiko ihany.

1Mpanjaka 18:1

Fotoana elaela tatỳ aoriana, tamin’ny taona fahatelo nisian’ny hain-tany, dia nisy tenin’ny TOMPO tamin’i Elià nanao hoe: –Mandehana hiseho amin’i Ahaba, fa handatsaka ranonorana amin’ny tany Aho.

1Mpanjaka 18:19

Ary ankehitriny maniraha olona hamory ny vahoakan’i Israely rehetra hihaona amiko any an-tendrombohitr’i Karmela miaraka amin’ny mpaminanin’i Bahala 450 sy ny mpaminanin’i Aserà efajato izay mihinana eo amin’ny latabatr’i Jezebela.

1Mpanjaka 22:11

Fa i Tsedekià, zanakalahin’i Kenahanà, dia namboatra tandro-by ka niteny hoe: –Izao no lazain’ny TOMPO: «Ireto tandroka ireto no hanotoanao ny tafika sirianina mandra-paharingany.»

1Mpanjaka 22:22

Dia hoy izy: «Handeha aho, ka ho tonga fanahy mandainga ao am-bavan’ireo mpaminanin’i Ahaba rehetra». Ary hoy indray ny TOMPO: «Ho voataonanao tokoa izy, sady zavatra manavanana anao izany; ndeha àry ka ataovy!»

1Mpanjaka 22:28

Fa hoy kosa i Mikaià: –Raha tàhiny ka tafaverina soa aman-tsara ianao, dia tsy nampitenenin’ny TOMPO aho tsy akory.

1Mpanjaka 22:6

Ary novorin’ny mpanjakan’i Israely ny mpaminaniny tokony ho efajato ka nanontaniany hoe: –Handeha hanafika an’i Ramôta-Gilehada ve aho, sa tsia? Dia novalian’ireo hoe: –Mandehana fa hatolotry ny Tompo eo an-tananao ny tanàna.

2Mpanjaka 13:21

Indray andro, dia nisy olona nandevina fatin-dehilahy ka sendra nahatazana tampoka andiany iray tamin’ireo tontakely. Ary nanipy faingana ny faty tao am-pasan’i Elisà ny mpandevina, dia lasa nandositra. Saingy vao nahakasika ny taolan’i Elisà io faty io, dia velona indray ary nitsangana.

2Mpanjaka 2:14

Noraisin’i Elisà ilay akanjoben’i Elià ka nikapohany ny rano, sady nihiaka izy hoe: –Aiza ny TOMPO Andriamanitr’i Elià? Aiza Izy? Mba nikapoka ny rano koa i Elisà, dia nisaraka roa izany ary niampita izy.

2Mpanjaka 2:21

Ary niainga nankany amin’ilay loharano i Elisà, dia nanipy sira tao sady niteny hoe: –Izao no lazain’ny TOMPO: «Efa nodioviko ity rano ity, ka tsy hahatonga fahafatesana na tsy fahavokarana intsony izy.»

2Mpanjaka 4:41

Fa niangavian’i Elisà kosa ny hitondrana lafarinina. Dia nandrotsaka izany tao am-bilany izy, vao niteny hoe: –Andoary amin’izay ny olona ary aoka izy hihinana! Koa nanjary fihinana indray ny tao am-bilany.

2Mpanjaka 4:43

fa hoy kosa ilay mpanompony: –Fomba ahoana no hamahanako olona zato amin’ireo? Ary hoy indray i Elisà: –Zarao amin’ny olona rehetra ireo hohaniny, satria izao no lazain’ny TOMPO: «Hihinana sahaza ny olona ary mbola hisy aza sisa tsy lany.»

2Mpanjaka 5:14

Dia nidina i Nahamàna ka nisitrika impito tao Jôrdàna araka ny tenin’ilay olon’Andriamanitra; ary ny hodiny dia tonga tahaka ny hodi-jazakely indray, ka nadio izy.

2Mpanjaka 5:27

satria ny aretin-koditr’i Nahamàna dia hiraikitra aminao sy ny taranakao hatrany hatrany. Rehefa niala teo anatrehan’i Elisà i Gehazỳ, dia indro fa niempaka fotsy toa oram-panala ny hodiny.

2Mpanjaka 7:19

Fa hoy ny navalin’ilay dekàn’ny mpanjaka tamin’izay: «Na dia handavaka ny lanitra aza ny TOMPO, mba ho tanteraka ve izay voalazanao teo?» Ary hoy i Elisà: «Ho hitanao maso izany, saingy tsy mba hihinananao.»

2Mpanjaka 7:2

Fa ny dekà, izay nianteheran’ny mpanjakan’i Israely, dia niteny tamin’ilay olon’Andriamanitra ka nanao hoe: –Na dia handavaka ny lanitra aza ny TOMPO, mba ho tanteraka ve izay voalazanao teo? Ary hoy i Elisà: –Ho hitanao maso izany, saingy tsy mba hihinananao.

Salamo 124:7

Toy ny fody afa-pandrika harato isika: rovitra ny harato, ka afaka isika!

Mpitoriteny 9:12

Tsy misy olona mahafantatra ny fotoana hiavian’ny loza. Fa toy ny trondro azon’ny harato, ary tahaka ny voron-kely voam-pandrika no hahitany loza mahavoa azy tampotampoka.

Tononkiran’i Solomona 3:3

Ireo mpiambina misafo ny tanàna no tojo ahy ka anontaniako hoe: «Mba hitanareo ve ilay tiako izay?»

Isaia 62:6

Ry Jerosalema ô, efa nametrahako mpiambina eny ambonin’ny mandanao eny, ka tsy mahazo mangina ireo na andro na alina: «Ianareo izay mampahatsiaro ny TOMPO, aza mitsaha-manao izany ianareo!

Jeremia 11:19

Fa toy ny zanakondry bonaika nentina hovonoina aho ka tsy nahalala ny tetika nataony hamelezana ahy. Hoy ireo hoe: «Andeha hosimbantsika ny hazo ao anatin’ny fitsiriany; aoka hofongorantsika hiala amin’ny tanin’ny velona izy, ka tsy hotsarovana intsony ny anarany.»

Jeremia 14:13

Fa namaly aho hoe: –Indrisy, ry Tompo ANDRIANANAHARY ô! Indreo ny mpaminany milaza aminy hoe: «Tsy hiharan’ny ady na ny mosary ianareo, fa Andriamanitra mihitsy no hanome fiadanana marina ho anareo eto amin’ity toerana ity.»

Jeremia 23:13

«Tao amin’ny mpaminanin’i Samaria no nahitako zavatra maharikoriko: naminany tamin’ny anaran’i Bahala izy ary nampivaona ny Israelita vahoakako.

Jeremia 31:6

Fa ho avy indray ny andro izay hiantsoan’ireo mpiambina eny an-tendrombohitr’i Efraîma hoe: Andeha isika hiakatra any Tsiôna ho eo anilan’ny TOMPO Andriamanitsika!› »

Jeremia 6:14

Alasafay fotsiny no nitsaboany ny fahavoazan’ny vahoakako tamin’ny nilazany hoe: «Fiadanana, fiadanana!»; kanjo tsy nisy fiadanana akory!

Jeremia 6:17

Nametrahako mpitily teo aminy, hampaneno ny anjomara fanairana. Kanefa hoy izy hoe: «Tsy ahoanay izany!»

Fitomaniana 2:14

Hafatra mamitaka sy poaka aty no nambaran’ny mpaminaninao taminao. Tsy namaky bantsilana ny helokao izy mba hiarovana anao tsy ho babo; fa hafatra mamitaka sy manodoka no nambarany taminao.

Fitomaniana 4:13

Fahotan’ny mpaminaniny sy heloky ny mpisorony izay nahafaty ny mpivavaka marina tao an-tanàna no nahatonga izany fahavoazana izany.

Ezekiela 3:17

«Ry ilay taranak’olombelona, ataoko mpitily ho an’ny Israelita ianao; koa hohenoinao ny teniko ary hampitainao aminy ny fampitandremana avy amiko.

Ezekiela 33:7

«Ry ilay taranak’olombelona, ianao no efa notendreko ho mpitily hanaitra ny vahoaka Israely. Hihaino ny teny aloaky ny vavako ianao ka hampita ny fampitandremako amin’ny Israelita.

Hosea 5:1

Henoy izao, ry mpisorona sy ianareo mpitondra israelita, ary atongilano ny sofinareo, ry fianakavian’ny mpanjaka: Hihatra aminareo izao ny fitsarana, fa tonga fandrika tao Mitsepà ianareo sy harato voavelatra tao Tabôra,

Hosea 9:7

Tonga ny andro famaizana. Tonga ny andro famaliana. Ho fantatr’i Israely anie izany! Hoy ianareo hoe: «Adala ny mpaminany; ary mirediredy ny tsindriam-panahy.» Vokatry ny hamaroan’ny helokao sy ny fanohera-mafy nataonao izany.

Hosea 9:9

Nihoa-pampana ny faharatsianareo toy ny fahiny tany Gibehà. Nefa hotsaroan’ny Tompo ny helokareo, ary hoteteziny tsirairay ny fahotanareo.

Mika 7:4

Ny tsara indrindra aminy dia toy ny roy, ary ny mahitsy indrindra aminy dia ratsy noho ny fefy tsilo. Ho avy ny andro famaizana anareo araka ny nambaran’ireo mpaminany mpitilinareo; ary, ankehitriny aza, dia efa manahy mafy ianareo.

Jaona 15:24

Raha toa ireo asa izay tsy nataon’olona na iza na iza no tsy nataoko taminy, dia tsy ho nanam-pahotana izy ireo; ankehitriny kosa, efa nahita ny asa nataoko ireo sady efa nankahala Ahy sy ny Raiko.

Romana 3:7

Raha ohatra kosa ny laingako no vao mainka maneho an’Andriamanitra ho azo antoka sy mampitombo ny voninahiny, nahoana no mbola melohina ho mpanota aho?

Hebreo 13:17

Manoava an’ireo mpitarika anareo ara-pivavahana, ka maneke azy. Fa ireo no miambina hatrany ny fanahinareo, toy ny olona mbola hampamoahin’Andriamanitra ny amin’izany. Raha manoa ianareo, dia amin’ny hafaliana no hanaovan’ireo ny raharahany; fa raha tsy manoa ianareo, dia amin’ny fisentoana no hanaovany azy ka tsy hahasoa anareo izany.