Hosea 3:4 - DIEM PROTESTANTA

⁴ Koa andro maro no hijanonan’ny Israelita tsy hana-mpanjaka na filoha, sorona na tsangam-bato, efôda na terafîma.

Baiboly Protestanta Malagasy 2011

⁴ Fa andro maro no hitoeran’ny Zanak’Israely tsy hanana mpanjaka, na mpanapaka na fanatitra na tsangambato na efoda na terafima.

Dikateny Iombonana Eto Madagasikara

⁴ Koa andro maro no hijanonan’ny Israelita tsy hana-mpanjaka na filoha, sorona na tsangam-bato, efôda na terafîma.

Baiboly Katolika

⁴ Fa mandritra ny andro maro ny zanak’i Israely no hitoetra tsy mana-mpanjaka, tsy mana-mpanapaka, tsy manan-tsorona, tsy manan-tsangam-bato, tsy manana efôda ary tsy manan-terafima.

Baiboly Protestanta Malagasy

⁴ Fa andro maro no hitoeran’ny Zanak’Isiraely tsy hanana mpanjaka, na mpanapaka, na fanatitra, na tsangam-bato, na efoda, na terafima.

Malagasy Bible

⁴ Fa andro maro no hitoeran'ny Zanak'Isiraely tsy hanana mpanjaka, na mpanapaka, na fanatitra, na tsangam-bato, na efoda, na terafima.

La Bible en Malgache

⁴ Fa andro maro no hitoeran’ny Zanak’Israely tsy hanana mpanjaka, na mpanapaka na fanatitra na tsangambato na efoda* na terafima*.

Hosea 3:4 Rohy Ifampitohizana

Genesisy 31:19

I Labàna tamin’izay dia lasa nanety ny ondry aman’osiny; ka nangalarin’i Rahely ny sampin-drainy.

Genesisy 31:34

I Rahely anefa no naka ireo sampy ka nametraka azy tao ambanin’ny laselin’ny rameva dia nipetraka teo amboniny. Ka rehefa nisava ny lay manontolo i Labàna, dia tsy nahita na inona na inona.

Genesisy 49:10

Tsy hiala amin’i Joda ny tehim-panjakana, ary tsy hiala amin’ny taranany ny tehim-pibaikoana mandra-pahatongan’ilay tena tompony izay hankatoavin’ny firenena rehetra.

2Samoela 6:14

Nandihy araka ny heriny manontolo teo anatrehan’ny TOMPO i Davida, izay efôda rongony fotsy ihany no nisalorany.

2Mpanjaka 23:24

Ho fanatanterahana ny tenin’ny lalàna voasoratra ao amin’ilay boky hitan’i Hilkià mpisorona tao an-tranon’ny TOMPO, dia nofoanan’i Jôsià tamin’ny tanin’i Joda sy tao Jerosalema ireo olona mpanontany ny fanahin’ny maty sy mpamoha angatra, ary nopotehiny ny sarivongan-tsampy sy ny zava-maharikoriko rehetra momba azy.

2Tantara 15:2

ka niainga hitsena an’i Asà izy ary nanao taminy hoe: –Mihainoa ahy, ry Asà mbaminareo Jodeanina sy i Benjaminita rehetra. Miaraka aminareo ny TOMPO, raha miaraka aminy ianareo. Raha mitady Azy ianareo, dia hahita Azy; fa raha mandao Azy ianareo, dia hilaozany.

Eksodosy 28:4

Ireo fanamiana izay hataony dia ny saron-tratra, ny efôda, ny akanjo lava ivelany, ny akanjo vita peta-kofehy, ny satroka fehiloha ary ny fehikibo. Hanaovan’i Aharôna rahalahinao sy ny taranany ireo rehefa manao fisoronana amiko izy.

Eksodosy 28:6

«Mpahay taozavatra no hanao ny efôda amin’ny kiran-drongony mafy, mifangaro volon’ondry miloko volomparasy sy mena ary jaky, ka asiana peta-kofehy volamena.

Fitomaniana 2:9

Tototry ny tany ireo vavahadin’i Tsiôna; nopotehina sy nomontsanina ny hidiny. Ny mpanjaka sy ireo mpitondra dia eo an-tanan’ny hafa firenena. Tsy misy fampianaran’ny mpisorona intsony; ary na ny mpaminany aza tsy mandray hafatra avy amin’ny TOMPO.

Ezekiela 19:14

Nisy afo nivoaka avy tao amin’ny tahony ka nandevona ny rantsany sy ny voany; dia tsy misy intsony rantsana mafy azo atao tehim-pahefàn’ny mpifehy.» Tononkiram-palahelovana izany ka tokony hohiraina amin’alahelo.

Ezekiela 20:32

Mihevitra angaha ianareo fa ho afaka hanompo ireo vato aman-kazo tahaka ny hafa firenena, dia ireo vahoakan’ny tany hafa? Tsia, tsy ho tanteraka mihitsy izany.

Ezekiela 21:21

Ry sabatra maranitra ô, kapao mihodin-kavanana sy mihodin-kavia, na aiza na aiza voatendry hamelezanao.

Ezekiela 21:31

Satria izao no lazain’ny Tompo ANDRIANANAHARY: ‹Halaina aminao ny marika maha mpanjaka anao, ary hoesorina ny satro-boninahitrao. Fa nivadika ny toe-javatra: ny olona ambany no hasandratra, ary ny olona ambony no haetry.

Daniela 11:31

Ary ireo miaramila hirahiny dia haka toerana eo anoloan’ny toeramasina mimanda ka hanazimba azy; hampitsahatra ny sorona fanao isan’andro amin’Andriamanitra izy sady hampiditra ilay fanimbazimbana mahatsiravina.

Daniela 12:11

Ary manomboka amin’ny fotoana hampitsaharana ny sorona fanao isan’andro ka hampidirana ilay fanimbazimbana mahatsiravina dia hisy 1 290 andro.

Daniela 9:27

Ary amin’ny fito taona farany dia hampihatra fanerena henjana amin’ny olona maro izy, ka afaka telo taona sy tapany monja dia hampitsahatra ny sorona sy ny fanatitra. Fanompoan-tsampy maharikoriko no hanesika izany mpandrava izany mandra-pigadon’ny famongorana izay voatendry hiantonta aminy.

Hosea 13:10

Aiza àry izao ny mpanjakanao izay tokony hamonjy anao? Amin’ny tanànanao rehetra, aiza koa ireo mpitondra anao? Fa ianao ihany no nanao hoe: «Omeo mpanjaka sy filoha aho».

Hosea 13:11

Koa tamim-pahatezerana no nanomezako mpanjaka anao, ary tamim-pahavinirana no nanesorako ireny indray.

Hosea 2:11

Koa halaiko aminy indray ny variko raha fararano, ary ny divaiko amin’ny fotoam-piotazana. Hoesoriko aminy ny volon’ondriko sy ny kiran-drongoniko izay nanaronany ny fitanjahany.

Levitikosy 8:7

Dia nampiakanjoiny an’i Aharôna ny akanjo lava anatiny sady noetràny fehikibo; avy eo nampiakanjoiny azy ny akanjo lava ivelany ary ny efôda no nataony teo amboniny, efôda izay nogiaziny tamin’ny fatorany ka natafiny azy.

Zakaria 10:2

Fa zava-poana no tenenin’ny sampy. Ary lainga no hany hitan’ny mpisikidy; tsy misy dikany ny nofy tantarainy, feno fitaka ny fampiononana entiny. Izany no nahavoatery ny vahoaka handeha, ka ory tahaka ny andianondry tsy misy mpiandry.

Zakaria 13:2

«Amin’izany andro izany, hoy ny teny hentitra avy amiko Tompon’izao rehetra izao, dia hofoanako amin’ny firenena ny anaran-tsampy ka tsy hisy hahatsiaro izany intsony. Hoesoriko ihany koa ireo mihambo ho mpaminany ary horavako ny fitiavanareo hanompo sampy.

Lioka 21:24

Ny mponina haringan’ny lelan-tsabatra na hoentin-ko babo any amin’ny firenena rehetra any, ary i Jerosalema hohitsakitsahin’ny hafa firenena mandrapahafenon’ny andro natao hanjakan’ny hafa firenena.

Jaona 19:15

Fa niantsoantso ireo nanao hoe: –Vonoy, vonoy, homboy amin’ny hazofijaliana io! Dia hoy i Pilato taminy: –Dia hohomboako amin’ny hazofijaliana ve ny Mpanjakanareo? Ka novalian’ny lohandoha-mpisorona hoe: –Tsy manana mpanjaka afa-tsy ny amperôra rômanina izahay.

Hebreo 10:26

Satria efa nandray ny fahalalana tsara ny fampianarana marim-pototra isika no mbola minia manota ihany, dia tsy misy sorona ho afa-manala ny ota intsony;

Mpitsara 17:5

Fa ity lehilahy atao hoe Mikà ity dia nanana toeram-pivavahana iray sady efa nampamboatra koa efôda mbamin’ny terafima; ary ny zanany lahy anankiray no natokany ho mpisorona.

Mpitsara 18:14

Dia hoy izy dimy lahy izay nisafo ny faritanin’i Laîsy tamin’ny namany: –Fantatrareo ve fa ny iray amin’ireo trano ireo dia misy efôda sy terafima ary sampy vita sarivongana metaly narendrika? Ankehitriny hevero izay tokony hataonareo.

Mpitsara 8:27

Ary ny volamena dia nanamboaran’i Gidehôna efôda izay napetrany tao Hofrà tanànany. Ary notompoin’ny Israelita rehetra toy ny sampy izany efôda izany, ka tonga fandrika ho an’i Gidehôna sy ny ankohonany.

1Samoela 14:3

Nisy mpisorona iray nisalotra efôda teo, dia i Ahià zanakalahin’i Ahitòba izay rahalahin’i Ikabôda. (Ity Ikabôda ity dia zanakalahin’i Pinehasa ary zafikelin’i Helỳ, izay mpisoron’ny TOMPO tao Silao). Tsy nisy nahafantatra ny miaramila fa lasa i Jônatàna.

1Samoela 15:23

Fa ratsy toy ny sikidy ny fikomiana aminy, ary ratsy toy ny fanompoan-tsampy ny tsy fanekena Azy. Koa satria nandà ny tenin’ny TOMPO ianao, dia mba laviny kosa tsy ho mpanjaka intsony.

1Samoela 2:18

Fa i Samoela kely kosa nisalotra efôda rongony ka nanatanteraka ny fanompoam-pivavahana teo anatrehan’ny TOMPO.

1Samoela 21:9

Hoy indray i Davida tamin’i Ahimelèka: –Manan-defona na sabatra ve ianao ato? Maika loatra ny iraka nampanaovin’ny mpanjaka ahy, dia tsy voaraiko intsony mbamin’ny sabatro sy ny fiadiako hafa.

1Samoela 22:18

Koa hoy ny mpanjaka tamin’i Dôega: –Mandehana vonoy ho faty ireo mpisorona ireo. Dia lasa tokoa i Dôega ilay Edômita ka izy mihitsy no namono nahafaty ny mpisorona. Lehilahy 85 mpisalotra ny akanjo masina no matiny androtrio ihany.

1Samoela 23:6

Raha nialokaloka eo amin’i Davida tany Kehilà i Abiatara zanakalahin’i Ahimelèka, dia nitondra ny efôda niaraka taminy.

1Samoela 23:9

Fantatr’i Davida fa nisaina hanao ratsy azy i Saoly; koa nasainy nentin’i Abiatara mpisorona ny efôda hanontaniana ny Tompo.

1Samoela 30:7

Ka hoy i Davida tamin’i Abiatara mpisorona sady zanakalahin’i Ahimeleka: –Ento atỳ amiko ny efôda fanontaniana ny Tompo, azafady. Dia nentin’i Abiatara teo amin’i Davida ny efôda.